Ná chindeétáʼanyó xíʼin na̱ káʼviyó xíʼin ña̱ kuaʼnuna xíʼin tu̱ʼun Ndióxi̱

Ña̱ va̱ʼa xa̱a̱ na̱ káʼviyó xíʼin kuxini̱na Jehová ta kuxa-inina xíʼin tu̱ʼunra, su̱ví loʼo kuití xíniñúʼu sakúaʼana xa̱ʼa̱ra (Mt 5:3; Heb 5:12–6:2). Saáchi ndiʼi tiempo xíniñúʼu ndakundeéna sakúaʼana xa̱ʼa̱ Jehová.

Tá kíxáʼayó káʼviyó xíʼinna, ná sanáʼa̱yóna ña̱ kaʼvi kúeena tá kúma̱níka ku̱ʼu̱nyó kaʼviyó xíʼinna, ta ná chika̱a̱yó ndee̱ xíʼinna ña̱ keʼénaña (mwb18.03 6). Ná ka̱ʼa̱nyó xíʼinna ña̱ ndáyáʼvi keʼéna oración tá kúma̱níka kixáʼana kaʼvina. Ná sanáʼa̱yóna kuniñúʼuna ndiʼi ña̱ tává na̱ ñuu Ndióxi̱ ña̱ kivi kaʼvina nu̱ú celular á nu̱ú tableta, ta saátu ná kotona ndiʼi ña̱ xa̱á ña̱ kána nu̱ú jw.org xíʼin JW Broadcasting^®. Loʼo tá loʼo ná chindeétáʼanyó xíʼinna ña̱ ka̱anna kaʼvina Biblia ndiʼi ki̱vi̱, ña̱ kaʼvi kúeena tá kúma̱níka ku̱ʼu̱nna reunión ta nandukúna xa̱ʼa̱ ña̱ kúni̱na kunda̱a̱-inina. Ta ná ka̱ʼa̱nyó xíʼinna ndakanixi̱nína xa̱ʼa̱ ña̱ sákuaʼana.

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉTÁʼANYÓ XÍʼIN NA̱ KÁʼVIYÓ XÍʼIN ÑA̱ KUAʼNUNA XÍʼIN TU̱ʼUN NDIÓXI̱, NDAKUIINNDÓ PREGUNTA YÓʼO:

• 

  ¿Ndáa ki̱ʼva chi̱ndeétáʼan ñá Rita xíʼin ñá Coral ña̱ kunda̱a̱-iniñá ña̱ va̱ása xíniñúʼu nandukú kuitíñá xa̱ʼa̱ ña̱ káʼviñá?

• 

  ¿Ndáaña chi̱ndeétáʼan xíʼin ñá Coral ña̱ kunda̱a̱-iniñá ndáaña ndákanixi̱ní Jehová xa̱ʼa̱ ña̱ kísi̱ na̱ ta̱ʼán tindaʼa̱ xíʼin táʼanna?

• 

  ¿Ndáa ki̱ʼva ni̱xa̱a̱ ñá Coral ku̱nda̱a̱-iniñá ndáaña kúni̱ kachi ña̱ ndakani vií xi̱níñá xa̱ʼa̱ ña̱ káʼviñá?