Ndáyáʼviníka ña̱ kuumiíyó ña̱ ndíchi nu̱úka ña̱ kuumiíyó ña̱ ku̱i̱ká

Ta̱ Salomón ndu̱kúra ña̱ ndíchi nu̱ú Jehová (1Re 3:7-9; w11-S 15/12 8 párrs. 4-6).

Ku̱tóova Jehová ña̱ ndu̱kú ta̱ Salomón nu̱úra (1Re 3:10-13).

Kǒo na̱ níkanitáʼan xíʼin na̱ ñuu Israel saáchi ta̱ Salomón xi̱ndiku̱nra ndiʼi ña̱ xi̱ka̱ʼa̱n Jehová (1Re 4:25).

Ña̱ ndíchi kooyó kúni̱ kachiña ña̱ xíniñúʼu kuxini̱ va̱ʼayó xa̱ʼa̱ iin ña̱ʼa ta kunda̱a̱ va̱ʼa iniyó xíʼinña, tasaá vií ndaka̱xinyó ña̱ keʼéyó. Ta ndáyáʼviníka ña̱ kuumiíyó ña̱ ndíchi nu̱úka ña̱ kuumiíyó ña̱ ku̱i̱ká (Pr 16:16). Ña̱ va̱ʼa kuumiíyó ña̱ ndíchi xíniñúʼu ndukúyóña nu̱ú Ndióxi̱, ixato̱ʼóyóra, vitá koo iniyó, ndakuniyó ña̱ íyo sava ña̱ va̱ása kívi keʼéyó, ta viíní kaʼviyó tu̱ʼunra.