Ná ndasakáʼnuyó Jehová xa̱ʼa̱ ña̱ ndíchiníra

Ku̱a̱ʼání ña̱ ndíchi ta̱xi Jehová ndaʼa̱ ta̱ Salomón (1Re 10:1-3; w99-S 1/7 30 párr. 6).

Nda̱kanda̱ní-ini ñá reina ñá ñuu Seba xa̱ʼa̱ ña̱ ku̱a̱ʼání ña̱ ndíchi ta̱xi Jehová ndaʼa̱ ta̱ Salomón (1Re 10:4, 5; w99-S 1/11 20 párr. 6).

Ñá reina ñá ñuu Seba nda̱sakáʼnuñá Jehová xa̱ʼa̱ ña̱ nda̱kaxinra ta̱ Salomón ña̱ koora rey (1Re 10:6-9; w99-S 1/7 30 párr. 7).

Ná chíndayáʼviyó ña̱ ndíchi ña̱ táxi Ndióxi̱ ndaʼa̱yó nda̱a̱ táki̱ʼva ke̱ʼé ñá reina ñá ñuu Seba. Ta iin ki̱ʼva ña̱ keʼéyó ña̱yóʼo kúú ña̱ chika̱a̱yó ndee̱ ña̱ keʼéyó ña̱ sa̱náʼa̱ ta̱ Jesús ta kundiku̱nyó yichi̱ra (Mt 12:42; 1Pe 2:21). Ta inka ki̱ʼva ña̱ na̱ʼa̱yó ña̱yóʼo kúú ña̱ sanáʼa̱yó inkana xa̱ʼa̱ Ndióxi̱.