Liviní oración ke̱ʼé ta̱ Salomón nu̱ú Jehová

Tá xa̱a̱ ni̱xi̱nu ña̱ templo, xíʼin ndiʼi níma̱ ta̱ Salomón ni̱ka̱ʼa̱nra xíʼin Jehová nu̱ú na̱ ñuu Israel (1Re 8:22; w09-S 15/11 9 párrs. 9, 10).

Va̱ása níxikuni̱ ta̱ Salomón ña̱ ná ka̱ʼa̱n va̱ʼana xa̱ʼa̱ra chi ña̱ xi̱kuni̱ra kúú ña̱ ná ndukáʼnu Jehová (1Re 8:23, 24).

Vitání ni̱xi̱yo ini ta̱ Salomón tá ni̱ka̱ʼa̱nra xíʼin Jehová (1Re 8:27; w99-S 15/1 17 párrs. 7, 8).

Va̱ʼaní yichi̱ sa̱ndákoo ta̱ Salomón nu̱ú na̱ hermano na̱ kéʼé oración nu̱ú ku̱a̱ʼánína. Tá káʼa̱nyó xíʼin Jehová ná kundi̱ʼi̱ka-iniyó xa̱ʼa̱ ña̱ vií ka̱ʼa̱nyó xíʼinra, ta ná va̱ása keʼéyóña xa̱ʼa̱ ña̱ kúni̱yó sandákanda̱yó-ini inkana xíʼin tu̱ʼun ña̱ káʼa̱nyó.