¿Á xíniñúʼún audio ña̱ kúúmií Biblia?

¿Ndáaña kúú audio ña̱ kúúmií ña̱ Biblia? Biblia ña̱ Traducción del Nuevo Mundo íxaa grabarnaña ña̱ va̱ʼa kuniso̱ʼoyóña ta chíka̱a̱na ndee̱ ña̱ íxaa grabarnaña ku̱a̱ʼání nu̱ú tu̱ʼun. Iin ña̱ liviní kéʼéna kúú ña̱ ndáka̱xinna iin tá iin na̱ ka̱ʼa̱n tu̱ʼun ña̱ ni̱ka̱ʼa̱n na̱ va̱xi nu̱ú Biblia. Ta tá kéʼéna grabación yóʼo viíní káʼvina ta káʼa̱nna nda̱a̱ táki̱ʼva ni̱ka̱ʼa̱n na̱ va̱xi nu̱úña.

¿Nda̱chun va̱ʼaní ña̱ kuniso̱ʼoyó audio ña̱ Biblia? Savana kúúmiína costumbre ña̱ xíniso̱ʼona audio ña̱ Biblia ta va̱ʼaní chíndeétáʼanña xíʼinna ña̱ kunda̱a̱-inina xíʼin ña̱ káʼvina. Tá xíniso̱ʼona ta̱chí á tu̱ʼun na̱ káʼa̱n iin relato xa̱ʼa̱, va̱ʼaní kúnda̱a̱-inina xíʼin ña̱yóʼo (Pr 4:5). Ta inkana káʼa̱nna ña̱ va̱ʼaní sándi̱ko ña̱ audio yóʼo inina tá ndeéní ndíʼi̱-inina (Sl 94:19).

Va̱ʼaní chindeétáʼan audio ña̱ Biblia xíʼinyó tá ná kuniso̱ʼoyóña (2Cr 34:19-21). ¿Á xa̱a̱ íyo iníí audio ña̱ Biblia tu̱ʼun ña̱ kúnda̱a̱-iniún á loʼo kuitívaña íyo? ¿Á kivi kixáʼún kuniso̱ʼo ni̱ʼún audio ña̱ kúúmií Biblia?

TÁNDI̱ʼI XI̱TONDÓ VIDEO ÑA̱ NANÍ AUDIO ÑA̱ BIBLIA: ÑA̱ KÉʼÉNA ÑA̱ VA̱ʼA IXAA GRABARNAÑA (IIN TÁʼVÍÑA), NDAKUIINNDÓ PREGUNTA YÓʼO:

¿Ndáaña ndákanda̱ka-iniún xa̱ʼa̱ ki̱ʼva ña̱ távána audio ña̱ Biblia?