Ña̱ kivi chindeétáʼan xíʼún ña̱ kaʼviún Biblia ndiʼi ki̱vi̱

Xa̱ʼa̱ ña̱ íyo ku̱a̱ʼání chiñu, ¿á íxayo̱ʼvi̱ña xíʼún ña̱ kaʼviún Biblia ndiʼi ki̱vi̱? (Jos. 1:8). Kivi keʼún ña̱ va̱xi yóʼo ña̱ kivi sandákaʼán yóʼó ndiʼi ki̱vi̱.

• Chinúu alarma. Chinúu alarma nu̱ú teléfono ña̱ kúúmiíún ña̱ sándakaʼán yóʼó ña̱ xa̱a̱ hora kaʼviún Biblia kúúña.

• Chinúu Biblia nu̱ú kivi kuniúnña. Tá Biblia ña̱ tutu kúú ña̱ káʼviún. Chinúuña nu̱ú kivi kuniúnña ndiʼi ki̱vi̱ (Deut. 11:18).

• Kuniso̱ʼo audio ña̱ Biblia. Kivi kuniso̱ʼún audio ña̱ Biblia nani kéʼún sava chiñu. Ñá Tara ñá kúú precursora ta saátu íyo se̱ʼéñá ta káchíñuñá ñuú, ñáyóʼo káchiñá: “Tá xíniso̱ʼi̱ audio ña̱ Biblia nani kéʼíi̱ sava chiñu ti̱xin veʼi̱, ña̱yóʼo chíndeétáʼanña xíʼi̱n ña̱ kǒo sandákoi̱ kaʼvii̱ Biblia ndiʼi ki̱vi̱”.

• Kǒo ndakoún kaʼviún Biblia ndiʼi ki̱vi̱. Tá íyo iin ña̱ ku̱u ta va̱ása kivi kaʼviún Biblia nda̱a̱ táki̱ʼva xi̱kuni̱ún, kivi kaʼviún sava versículo tá kúma̱níka ku̱sún. Tá saá ná keʼún va̱ʼaníva chindeétáʼanña xíʼún (1 Ped. 2:2).