¿Ndáaña kivi keʼún tá va̱ása kívi kitaún veʼún?

¿Á kúni mitúʼún xa̱ʼa̱ ña̱ va̱ása kívi kitaún veʼún? Sana ndóʼún nda̱a̱ táki̱ʼva ndo̱ʼo iin ta̱ ka̱ʼyí salmo, ta̱ ni̱ka̱ʼa̱n ña̱yóʼo: “Kúni mitúʼi̱n nda̱a̱ táki̱ʼva íyo iin saa tí kánuu xi̱ní veʼe” (Salmo 102:7). Xa̱ʼa̱ ña̱ va̱ása kívi kitaún veʼún kivi koo sava tu̱ndóʼo nu̱ún, soo consejo ña̱ va̱xi nu̱ú Biblia kivi chindeétáʼanña xíʼún.

• Viíka kutáʼún xíʼin Ndióxi̱

• Kaʼvi ña̱ va̱xi nu̱ú Biblia ña̱ chíka̱a̱ ndee̱ xíʼún

• Nandukú nda̱chun kúu ña̱ va̱ása va̱ʼa nu̱ú ñuyǐví

• Va̱ása kundi̱ʼi̱ní-iniún

• Nandukú na̱ koo migoún

• Keʼé ejercicio

Viíka kutáʼún xíʼin Ndióxi̱

Ni va̱ása kívi kitaún veʼún, soo kiviva kusi̱í-iniún tá ndákuniún ña̱ xíniñúʼu sakuaʼakaún xa̱ʼa̱ Ndióxi̱ ta keʼún ña̱yóʼo (Mateo 5:3, 6). Ña̱ va̱xi yóʼo kivi chindeétáʼan xíʼún.

• Kivi kaʼviún Biblia ña̱ va̱xi nu̱ú Internet ña̱ káxi káʼa̱n ta va̱ása ixayo̱ʼvi̱ña xíʼún kaʼviúnña.

• Koto video ña̱ káʼa̱n xa̱ʼa̱ ña̱ va̱xi nu̱ú Biblia.

• Koto sección “Ña̱ ndáka̱tu̱ʼunna xa̱ʼa̱ Biblia”, ña̱ sección yóʼo xa̱a̱ chíndeétáʼanña xíʼin ku̱a̱ʼá na̱ yiví ña̱ kunda̱a̱-inina xa̱ʼa̱ ña̱ ndáka̱tu̱ʼunna.

• Koto sección “Na̱ ka̱ndíxaní Ndióxi̱”, ña̱ sección yóʼo káʼa̱nña xa̱ʼa̱ na̱ ta̱a xíʼin ná ñaʼá na̱ nátúʼun Biblia xa̱ʼa̱.

• Koto sección “¿Á íyo iin na̱ i̱xava̱ʼaña?”, ña̱ sección yóʼo káʼa̱nña xa̱ʼa̱ ña̱ liviní ta ndíchiní na̱kuva̱ʼa ndiʼi ña̱ʼa.

Kaʼvi ña̱ va̱xi nu̱ú Biblia ña̱ chíka̱a̱ ndee̱ xíʼún

Versículo ña̱ va̱xi yóʼo xa̱a̱ chíndeétáʼanña xíʼin ku̱a̱ʼánína ña̱ ndi̱ko-inina. Va̱ása kama kaʼviún ndiʼiña, saáchi íyokava tiempo nu̱ún vitin xa̱ʼa̱ ña̱ va̱ása kívi kitaún veʼún. Ña̱kán kuniñúʼu tiempo yóʼo ña̱ va̱ʼa ndakanixi̱níún xa̱ʼa̱ iin ta iin versículo yóʼo ta saátu ka̱ʼún xíʼin Ndióxi̱ (Marcos 1:35).

• Salmo 23:1-6

• Salmo 34:1-22

• Salmo 46:1-11

• Salmo 63:6-8

• Salmo 91:1-6

• Mateo 6:25-34

• 2 Corintios 1:3, 4

• Filipenses 4:6, 7

• 1 Pedro 5:6, 7

Nandukú nda̱chun kúu ña̱ va̱ása va̱ʼa nu̱ú ñuyǐví

Va̱ása ixayo̱ʼvi̱ña xíʼún ya̱ʼún nu̱ú tu̱ndóʼo tá kúnda̱a̱-iniún nda̱chun kúu ña̱ va̱ása va̱ʼa, ta ndáaña keʼé Ndióxi̱ ña̱ va̱ʼa ndasaviíraña (Isaías 65:17).

• ¿Nda̱chun táxi Ndióxi̱ ña̱ íyoní tu̱ndóʼo ñuyǐví yóʼo?

• ¿Ndáaña káʼa̱n Biblia xa̱ʼa̱ kue̱ʼe̱ ta saátu ña̱ kundaayó miíyó?

• ¿Ndáaña kúú ña̱ náʼa̱ nu̱úyó ña̱ xa̱a̱ ndóoyó “tiempo nu̱ú ndíʼi”?

• ¿Ndáana kúú na̱ ku̱mí kánúu sa̱tá kuáyi̱ na̱ káʼa̱n Apocalipsis xa̱ʼa̱?

• ¿Ndáaña keʼé Reino Ndióxi̱?

Va̱ása kundi̱ʼi̱ní-iniún

Xíniñúʼu sakuaʼún ña̱ va̱ása kundi̱ʼi̱ní-iniún xa̱ʼa̱ ña̱ va̱ása kívi kitaún veʼún (Mateo 6:25).

• ¿Ndáaña kivi keʼún ña̱ va̱ása kundi̱ʼi̱ní-iniún?

• ¿Ndáaña kivi keʼún ña̱ va̱ʼa kusi̱í-iniún ni nda̱a̱ ndáaka ña̱ yáʼún nu̱ú?

• ¿Ndáaña kivi keʼún tá ndíʼi̱ní-iniún xa̱ʼa̱ ña̱ íyoní tu̱ndóʼo?

• ¿Ndáaña kivi keʼún tá ndíʼi̱ní-iniún xa̱ʼa̱ ña̱ kǒo xu̱ʼún kúúmiíún?

• Tá kúún iin ta̱ loʼo á iin ñá loʼo, ¿ndáaña kivi keʼún ña̱ va̱ása kundi̱ʼi̱ní-iniún?

Nandukú na̱ koo migoún

Na̱ migoún kivi chindeétáʼanna xíʼún ña̱ vií ndakanixi̱níún ta kusi̱í-iniún, ta ndáyáʼviníka ka̱ʼún xíʼinna tá va̱ása kívi kitaún veʼún, kivi ka̱ʼún xíʼinna xíʼin teléfono á videollamada. Tasaá va̱ása kuni mitúʼún ta nda̱a̱ kivi xa̱ún kuxi̱niún inkaka na̱ kivi koo migoún. Yóʼo kivi ndani̱ʼún sava ña̱ kivi chindeétáʼan xíʼún ña̱ vií kutáʼún xíʼin na̱ migoún, ta saátu ña̱ vií keʼún xíʼinna (Proverbios 17:17).

• ¿Ndáaña kéʼé iin na̱ ndixa kúú migoyó?

• ¿Á xíniñúʼu ku̱a̱ʼáka koo na̱ migoi̱?

• ¿Á túviún ña̱ va̱ása íyo na̱ migoún?

• Na̱ ndixa kúú migo va̱ʼa-inina.

• Na̱ ndixa kúú migo táxina tíxa̱ʼvi.

Keʼé ejercicio

Tu̱ʼun Ndióxi̱ káʼa̱nña xíʼinyó ña̱ va̱ʼava kúú ña̱ keʼéyó ejercicio (1 Timoteo 4:8). Chi ña̱yóʼo chíndeétáʼanña xíʼinyó ña̱ vií ndakanixi̱níyó ta kusi̱í-iniyó ni va̱ása kívi kitayó veʼeyó. Ta íyova ña̱ kivi keʼún ña̱ va̱ʼa keʼún ejercicio ti̱xin veʼún.

• ¿Ndáa ki̱ʼva keʼún ejercicio?

• ¿Ndáaña kivi keʼéyó ña̱ va̱ʼa ndakú kooyó?