Ta̱ Jesús sandíʼi-xa̱ʼa̱ra ku̱a̱chi

Tá ni̱xi̱yo ta̱ Jesús nu̱ú ñuʼú yóʼo ni̱na̱ʼa̱ra ña̱ kúʼvi̱ní-inira xínira miíyó, ta nda̱a̱ ni̱xi̱ʼi̱ra xa̱ʼa̱yó (Mateo 20:28; Juan 15:13). Si̱lóʼoní kúma̱ní tasaá na̱ʼa̱ tuku ta̱ Jesús ña̱ kúʼvi̱ní-inira xínira miíyó: xa̱ʼa̱ ña̱ kúúra rey ti̱xin Reino Ndióxi̱ sandíʼi-xa̱ʼa̱ra “ku̱a̱chi iníísaá nu̱ú ñuʼú yóʼo” (Salmo 46:9).

Biblia káʼa̱nña xa̱ʼa̱ ña̱ keʼé ta̱ Jesús, ta ña̱yóʼo káchiña:

• “Ta̱yóʼo sakǎkura na̱ nda̱ʼví na̱ kána kóʼó ña̱ chindeétáʼanra xíʼinna, chindeétáʼanra xíʼin na̱ sáxo̱ʼvi̱na ta saátu xíʼin ndiʼi na̱ kǒo na̱ chindeétáʼan xíʼin. Kundáʼvi-inira kunira na̱ nda̱ʼví ta saátu na̱ sáxo̱ʼvi̱na, sakǎkura na̱ nda̱ʼví ta taxira ña̱ kutakuna. Ndatavárana ndaʼa̱ na̱ ndi̱va̱ʼa-ini na̱ sáxo̱ʼvi̱-ñaʼá ta kundayáʼviní ña̱ tákuna nu̱úra” (Salmo 72:12-14).

¿Ndáa ki̱ʼva na̱ʼa̱yó ña̱ táxiyó tíxa̱ʼvi ndaʼa̱ ta̱ Jesús xa̱ʼa̱ ña̱ ke̱ʼéra xa̱ʼa̱yó, ta saátu xa̱ʼa̱ ña̱ keʼéra xa̱ʼa̱yó chí nu̱únínu? Iin ki̱ʼva kúú ña̱ sakúaʼakayó “tu̱ʼun va̱ʼa xa̱ʼa̱ Reino Ndióxi̱” ña̱ ni̱ka̱ʼa̱n ta̱ Jesús xa̱ʼa̱ (Lucas 4:43). Kaʼvi tutu ña̱ naní “¿Ndáaña kúú Reino Ndióxi̱?”.