လေ့လာရန်စာစောင်

သင်တန်းဆောင်းပါးများ၏ရည်ရွယ်ချက်

သင်တန်းဆောင်းပါး ၁ စာမျက်နှာ ၄-၈

ခေတ်အဆက်ဆက်မှာအသက်ရှင်ကြတဲ့ စိတ်ရင်းမှန်တဲ့ခရစ်ယာန်တွေဟာ သမ္မာကျမ်းစာရဲ့လမ်းညွှန်မှုကို ဘယ်လိုရှာယူခဲ့ကြတယ်ဆိုတာ ဒီဆောင်းပါးမှာ တွေ့ရမှာဖြစ်တယ်။ ဒီဆောင်းပါးမှာ ၂၀၁၂ ခုနှစ်အတွက် နှစ်ချုပ်ကျမ်းချက်ကို အလေးပေးဆွေးနွေးထားတယ်။

သင်တန်းဆောင်းပါး ၂ စာမျက်နှာ ၉-၁၃

စောင့်နေခြင်းနဲ့ပတ်သက်ပြီး တမန်တော်တွေ၊ ပထမရာစုခရစ်ယာန်တွေထံကနေ သင်ယူနိုင်တဲ့ သင်ခန်းစာသုံးခုကို ဒီဆောင်းပါးမှာ ဆွေးနွေးထားတယ်။ ဒီဆောင်းပါးက ဘုရားသခင့်နိုင်ငံတော်အကြောင်း စေ့စေ့စပ်စပ်သက်သေခံမယ်ဆိုတဲ့ ကျွန်ုပ်တို့ရဲ့ဆုံးဖြတ်ချက်ကို ခိုင်မာစေမှာဖြစ်တယ်။

သင်တန်းဆောင်းပါး ၃၊ ၄ စာမျက်နှာ ၁၆-၂၅

မောရှေပညတ်က ရှေးခေတ်အစ္စရေးလူမျိုးတွေကို တချို့သောအခါသမယတွေမှာ ယေဟောဝါထံယဇ်ပူဇော်ဖို့ တောင်းဆိုတယ်။ ခရစ်ယာန်တွေဟာ ဒီပညတ်အောက်မှာ မရှိကြတော့ဘူး။ ဒါပေမဲ့ ဒီဆောင်းပါးတွေမှာရှင်းပြထားတဲ့အတိုင်း မူအရ ယေဟောဝါဟာ ယနေ့ခေတ်ဝတ်ပြုသူတွေထံကနေ ကျေးဇူးတင်လေးမြတ်တဲ့သဘောထားကို မျှော်လင့်နေဆဲဖြစ်တယ်ဆိုတာ သိရှိရတယ်။

သင်တန်းဆောင်းပါး ၅ စာမျက်နှာ ၂၆-၃၀

လူသားတွေအတွက် အရေးကြီးဆုံးလိုအပ်ချက်က ဘုရားသခင်နဲ့ပြန်လည်သင့်မြတ်ဖို့ဖြစ်တယ်။ တော်ဝင်ယဇ်ပုရောဟိတ်အဖွဲ့က ပြန်လည်သင့်မြတ်အောင် ဘယ်လိုလုပ်ဆောင်ပေးတယ်ဆိုတာကို ဒီဆောင်းပါးက ဖော်ထုတ်ပြီး အဲဒီကနေ ကျွန်ုပ်တို့ ဘယ်လိုအကျိုးခံစားရတယ်ဆိုတာ ရှင်းပြထားတယ်။