လေ့လာရန်ဆောင်းပါးများ

ဒီဆောင်းပါးမှာ ယေဟောဝါဟာ အမြဲဘုရင်ဖြစ်တယ်ဆိုတာကို အခိုင်အမာဖော်ပြမှာဖြစ်ပြီး ကိုယ်တော်ဟာ ကောင်းကင်နဲ့ မြေကြီးမှာရှိတဲ့ ဖန်ဆင်းရာအားလုံးအပေါ် အုပ်ချုပ်တယ်ဆိုတာကို ဖော်ပြပါလိမ့်မယ်။ ထာဝရဘုရင်ဖြစ်တဲ့ ယေဟောဝါကို ဝတ်ပြုဖို့ရွေးချယ်ခဲ့သူတွေရဲ့ စံနမူနာကို တုပဖို့လည်း တိုက်တွန်းပါလိမ့်မယ်။

မေရှိယနိုင်ငံတော် အုပ်ချုပ်ခဲ့တဲ့ အနှစ် ၁၀၀ အတွင်းမှာ အဲဒီနိုင်ငံတော် လုပ်ဆောင်ခဲ့တဲ့အရာတွေကို ပိုကျေးဇူးတင်လေးမြတ်စေဖို့ ဒီဆောင်းပါးက ကူညီပေးပါလိမ့်မယ်။ နိုင်ငံတော်ရဲ့ သစ္စာရှိကျေးကျွန်တွေဖြစ်ဖို့ ကျွန်ုပ်တို့ တစ်ယောက်ချင်းစီကို အားပေးပြီး ၂၀၁၄ ခုနှစ် နှစ်ချုပ်ကျမ်းချက်ရဲ့ အဓိပ္ပာယ်အပြည့်အဝကို စဉ်းစားဆင်ခြင်ဖို့လည်း လှုံ့ဆော်ပေးပါလိမ့်မယ်။

ငါ့ဘဝကို ဘယ်လိုအသုံးပြုမလဲ။ ဒီမေးခွန်းက ယေဟောဝါကို အမှုဆောင်ဖို့ဆုံးဖြတ်ထားသူ ယောက်တိုင်းအတွက် အလွန်အရေးကြီးပါတယ်။ ဦးဆုံး၊ လူငယ်တွေ ယေဟောဝါကို စိတ်နှလုံးအကြွင်းမဲ့ အမှုဆောင်ချင်တယ်ဆိုရင် ဘယ်လိုရွေးချယ်စရာတွေ ရှိတယ်ဆိုတာ ဆွေးနွေးပါလိမ့်မယ်။ အဲဒီနောက် ယေဟောဝါကို ပိုပြီး အပြည့်အဝ အမှုဆောင်ချင်တဲ့အသက်ကြီးသူ ခရစ်ယာန်တွေမှာ ဘယ်လို ထူးခြားတဲ့အခွင့်အရေးတွေရှိတယ်ဆိုတာ ဆွေးနွေးပါမယ်။

ယနေ့လူတွေဟာ အဆုံးနီးပြီဆိုတာကို မယုံကြဘူး။ ဘာဖြစ်လို့လဲဆိုတော့ ကမ္ဘာ့အဖြစ်အပျက်တွေရဲ့ အဓိပ္ပာယ်ကို နားမလည်ဘဲ သူတို့ရဲ့ နေ့စဉ်လုပ်ငန်းဆောင်တာတွေနဲ့ပဲ အလုပ်များနေကြလို့ဖြစ်တယ်။ မကြာခင်မှာ ဘုရားသခင့်နိုင်ငံတော်ဟာ ဆိုးသွမ်းတဲ့ဒီလောကကို အဆုံးတိုင်စေတော့မယ်ဆိုတာ ယုံကြည်စိတ်ချစေတဲ့ အကြောင်းရင်းသုံးခုကို ဒီဆောင်းပါးမှာ ဆွေးနွေးပါလိမ့်မယ်။