ကျွန်ုပ်တို့ယုံကြည်ခြင်း၏ အုတ်မြစ်ယေရှုခရစ်ဘုန်းကို ထင်ရှားလော့

^၁ ယေဟောဝါ၏ရည်ရွယ်ချက်များပြည့်စုံခြင်းတွင် ယေရှုခရစ်၏ကဏ္ဍကို သိနားလည်ထားခြင်းသည် အရေးကြီးသည်။ နာခံမှုရှိသောလူသားတို့အတွက် မိမိအသက်ကို ရွေးဖိုးအဖြစ် ယေရှုပေးတော်မူခဲ့သည်။ (မ၊ ၂၀:၂၈) ယေဟောဝါ၏မေတ္တာပါ ပြင်ဆင်ချက်များကို ယေရှုခရစ်မှတစ်ဆင့်သာမရရှိခဲ့လျှင် အနာဂတ်အတွက် မျှော်လင့်ချက်ကင်းမဲ့ပြီး သေရစမြဲ အခြေအနေမျိုးတွင်သာ ဆက်ရှိနေပါမည်။

^၂ သတိရအောက်မေ့ပွဲတွင် ယေရှု၏ဘဝအသက်တာ၊ ကိုယ်တော်၏သွန်သင်ချက်များ နှင့် ကိုယ်တော်၏ယဇ်ပူဇော်သက္ကာများအကြောင်း ကျွန်ုပ်တို့သုံးသပ်ခဲ့သည်။ (လု၊ ၂၂:၁၉) “ငါတို့သည် အပြစ်ရှိစဉ်ပင် ခရစ်တော်သည် ငါတို့အတွက်ကြောင့် အသေခံတော်မူသည်ဖြစ်၍ ဘုရားသခင်သည် ငါတို့ကို အဘယ်မျှလောက် ချစ်တော်မူသည်ကို ငါတို့အားထင်ရှားစွာပြ” ခဲ့ခြင်းကို တန်ဘိုးထားသည့်အနေနှင့် သူတစ်ပါးအား သတင်းကောင်းကို အားတက်သရောပြောဟောခြင်းဖြင့် ဘုရားသခင်နှင့် ခရစ်တော်ဘုန်းတော်ကို ထင်ရှားရန် တိုက်တွန်းခံခဲ့ရပြီ။ ထိုသို့မည်သို့ပြုနိုင်ကြမည်နည်း။​—ရော၊ ၅:၈၊ ၁၀။

ကျေးဇူးတင်ကြောင်း တင်ပြခြင်း

^၃ ယေရှု၏ဦးစီးမှုအောက်တွင် ယေဟောဝါ၏မျက်မြင်ရ အဖွဲ့အစည်း လှုပ်ရှားကြောင်း ကျွန်ုပ်တို့အသိအမှတ်ပြုကြသည်။ ကမ္ဘာပေါ်တွင် သစ္စာရှိကျေးကျွန်အတန်းစားသည် ကျွန်ုပ်တို့လိုအပ်သော ဝိညာဏအဟာရကို ပေးသနားသည်။ သူငယ်ဘဝမှစ၍ ခမည်းတော်၏နှုတ်ကပတ်တော်ကို ယေရှုနက်ရှိုင်းစွာ တန်ဘိုးထားခဲ့သည်။ သူတစ်ထူးကို ထိရောက်စွာ သွန်သင်ပေးခြင်းငှာ ဝိညာဉ်အစာကို ကျေညက်အောင် စားသုံးလေ့လာခြင်းအားဖြင့် ကိုယ်တော်၏ပုံသက်သေကို တုပလိုကြသည်။ (မ၊ ၂၄:၄၅၊ ၄၆။ လု၊ ၂:၄၆-၅၀) အဖွဲ့အစည်းနှင့် ၄င်းမှရရှိသော ဝိညာဏပြင်ဆင်ချက်များကို ကျွန်ုပ်တို့ကျေးဇူးတင်ကြောင်း ယင်း၏ညွှန်ကြားမှုကို လိုက်လျှောက်၍ အကြီးအကဲများနှင့် ဝိုင်းဝန်းခြင်းဖြင့် တင်ပြနိုင်ပါသည်။

^၄ ဘုရားသခင့်နှုတ်ကပတ်တော်မှ သိရှိသမျှကို ကျင့်သုံးခြင်းဖြင့်လည်း ခရစ်တော်၏ဘုန်းကို ထင်ရှားပြီး ဓမ္မအမှုကို တင့်တယ်စေနိုင်သည်။ ယေရှုသည် “အပြစ်ရှိသောသူတို့နှင့် မဆက်ဆံ” သော အမှားမရှိသည့် ယဇ်ပုရောဟိတ်ဖြစ်သည်။ (ဟေဗြဲ ၇:၂၆) ကိုယ်တော်သည် အပြောနှင့်အလုပ်မညီသူ မဟုတ်ပါ။ ကျေးကျွန်ချင်းအနေနှင့် ထပ်တူမြင့်မားသောစံချိန်ကို မှီသင့်သည်။ ထိုကြောင့် ယေဟောဝါကတိထားတော်မူသော ဖြောင့်မတ်ရာစနစ်သစ်အကြောင်း သူတစ်ထူးအား ပြောဆိုသည့်အခါ ထိုကမ္ဘာသစ်တွင် နေထိုက်သူများ ပီသစွာ အသက်ရှင်လိုကြပါသည်။​—မ၊ ၇:၂၁။ ၁ ကော၊ ၁:၁၈။ ၁ ယော၊ ၂:၁၇။

ခရစ်တော်ဦးစီးမှုအောက် ဟောပြောခြင်း

^၅ မေလနှင့် ဇွန်လအတွင်း ကင်းမျှော်စင်ကို အလှူငွေပေးယူသည့်သဘောမျိုးဖြင့် နှစ်စဉ်ကြေးဝေငှကြမည်။ ကင်းမျှော်စင်အစောင်တိုင်း၏ စာမျက်နှာ ၂ တွင်ရှင်းပြထားသည်အတိုင်း ယင်း၏ရည်ရွယ်ချက်ကား “လူသားများအား ထာဝရအသက်ရစေမည့်လမ်း ဖွင့်ပေးသည့်အနေနှင့် မိမိအသွေးတော်ကို သွန်းလောင်းတော်မူခဲ့သော စိုးစံလျက်ရှိသည့် ယေရှုခရစ်တော်ပေါ် ယုံကြည်ရန်” အားပေးခြင်းဖြစ်သည်ကို စာရှုလိုသူတို့အား တင်ပြခြင်းဖြင့် ယေရှုဘုန်းတော်ထင်ရှားစေနိုင်သည်။ ဖြစ်နိုင်သည့်အခါတိုင်း နှစ်စဉ်ကြေးဝေငှရန် ကြိုးစားပါ။ နှစ်စဉ်ကြေးမယူလိုပါက မဂ္ဂဇင်းနှစ်စောင်နှင့် ရုပ်ပုံစာစောင်ကို ဝေငှနိုင်ပါသည်။ ဤနည်းဖြင့် သမ္မာတရားမျိုးစေ့ကြဲမည်ဖြစ်သည်။ မဂ္ဂဇင်းများနှင့် အထူးသဖြင့် နှစ်စဉ်ကြေးများ အချည်းနှီးမဖြစ်စေရန် ကြေညာသူများ ထိုးထွင်းဉာဏ်အသုံးပြုသင့်သည်။ (ဟေရှာ၊ ၂၆:၁၀) နှစ်စဉ်ကြေးယူမည်ဟုဆုံးဖြတ်ပြီးနောက် ရက်ရောစွာလှူဒါန်းခြင်းအားဖြင့် တကယ်စိတ်ဝင်စားကြောင်း တင်ပြကြမည်။ (စာပို့ပြဿနာများကြောင့် နိုင်ငံခြားဘာသာဖြင့် နှစ်စဉ်ကြေးများကို မှန်မှန်မရနိုင်ကြောင်း သတိပြုသင့်သည်။) စိတ်ဝင်စားသူနှင့် နှစ်စဉ်ကြေးဝေငှနိုင်သော်လည်း အလှူငွေမပေးနိုင်လျှင် နှစ်စဉ်ကြေးကောက်ခံရရှိသော ကြေညာသူသည် မိမိတန်ဘိုးရှိအရာများနှင့် ယေဟောဝါဘုန်းတော်ကိုထင်ရှားခွင့် ရရှိပါသည်။​—သု၊ ၃:၉။

^၆ သတိရအောက်မေ့ပွဲ တက်ရောက်ခြင်းအားဖြင့် သက်သေခံများမဟုတ်သေးသူ မြောက်မြားစွာတို့သည် ယေရှုကိုလေးစားကြောင်း တင်ပြကြသည်။ ဤသူများနှင့် ကိုယ်ပိုင်ကျမ်းစာသင်အံမှုပြုခြင်းဖြင့် ဝိညာဉ်ရေးဘက် သူတို့တိုးတက်လာစေရန် ကူညီပေးနိုင်ပါမည်လော။ သူတို့ထံပြန်လည်သွားရန် စီစဉ်ပေးပြီး လိုအပ်သည့်အကူအညီကိုပေးပါ။ မေတ္တာပါကူညီမှုဖြင့် နောက်တစ်နှစ် သခင့်ညစာစားပွဲမတိုင်မီ ဓမ္မအမှုတွင် ပါဝင်နိုင်သည့်အထိ သူတို့တိုးတက်လာပေမည်။

^၇ ကျွန်ုပ်တို့၏ ရွေးနှုတ်ရှင်ယေရှု၏ မေတ္တာပါယဇ်ပူဇော်သက္ကာအတွက် များစွာကျေးဇူးတင်နိုင်ပါသည်။ ကိုယ်တော်သည် ကျွန်ုပ်တို့အတွက် ကျိန်းသေသောမျှော်လင့်ချက်ပေးထားတော်မူ၏။ ကိုယ်တော်၏ ဘဝပုံစံနှင့်ဓမ္မအမှုတော်မှတ်တမ်းသည် ကျွန်ုပ်တို့လိုက်လျှောက်အပ်သော စုံလင်သည့် ပုံသက်သေဖြစ်သည်။