ကင်းမျှော်စင် နှစ်စဉ်ကြေး ကောက်ခံရန်ကင်ပိန်းအတွက် အသင့်ရှိနေ

ဧပြီနှင့်မေလအတွင်း ထူးခြားသောကင်းမျှော်စင် နှစ်စဉ်ကြေးကင်ပိန်းအတွက် ကြိုတင်ပြင်ဆင်ခြင်းအလိုငှာ အသင်းမသည် ကင်းမျှော်စင်နှင့် Awake! အထူးထုတ်များကို ပြုစုနေဆဲပါသည်။ နေရာတိုင်းရှိ လူအများစိတ်ဝင်စားတတ်ကြသည့်အကြောင်း အမျိုးမျိုးနှင့်စပ်လျဉ်းသောဆောင်းပါးများပါသည်။

ကင်းမျှော်စင် က အောက်ပါအကြောင်းများကိုဆွေးနွေးတင်ပြမည်။ “သင်ထင်သည်ထက်နောက်ကျနေသလော” (ဧပြီ ၁)၊ “ငြိမ်းချမ်းရေး အဘယ်အချိန်တွင် အမှန်လာမည်နည်း” (ဧပြီ ၁၅)၊ “ကစဉ့်ကလျားလောကကြီးတွင် ရာဇဝတ်မှုကိုအောင်နိုင်ခြင်း” (မေ ၁)၊ “သင့်အိမ်ထောင်ရေးဘဝတွင် ဘုရားသခင်ကိုဦးစားထား” (မေ ၁၅)။ အင်္ဂလိပ်Awake! ဆောင်းပါးများက ဤအကြောင်းများကိုတင်ပြလိမ့်မည်။ “လူနှင့်တိရစ္ဆာန် ငြိမ်ဝပ်စွာနေမည့်အချိန်” (ဧပြီ ၈)၊ “ကွာရှင်းသူတို့သားသမီးများအတွက် အကူအညီ” (ဧပြီ ၂၂)၊ “ထီထိုးခေတ်ထခြင်း​—မည်သူပေါက်သနည်း။ မည်သူရှုံးသနည်း” (မေ ၈)၊ “တယ်လီဗေးရှင်း​—ကမ္ဘာကိုပြောင်းလဲစေသည့်အရာ” (မေ ၂၂)။

ကြေညာသူအားလုံး အထူးသဖြင့်ရှေ့ဆောင်များသည် နှစ်စဉ်ကြေးနှင့်မဂ္ဂဇင်းတစ်စောင်ချင်းစီ ဝေငှရန် တစ်ဦးစီလိုအပ်သည့်စောင်ရေ အရေအတွက်ကို ကြိုတင်တွက်ချက်ထားသင့်သည်။ ကင်းမျှော်စင် ကင်ပိန်းအစကတည်းက မဂ္ဂဇင်းအလုံအလောက်ရှိရန် ကြိုတင်၍မှာယူထားပါ။ နှစ်စဉ်ကြေးယူသူများထံ မဂ္ဂဇင်းများမှန်မှန်ရောက်စေရန် အသင်းတော်မှတစ်ဆင့် နှစ်စဉ်ကြေးမှာယူပြီး ကိုယ်တိုင်သွားပို့ပေးပါ။