ဩဂုတ်အတွက်လုပ်ငန်းတော်စည်းဝေးများ

ဩဂုတ် ၂ တွင် စမည့်အပတ်

သီချင်း ၆၃

၁၀ မိ– ဒေသကြေညာချက်များနှင့် ကျွန်ုပ်တို့နိုင်ငံတော်ဓမ္မအမှုမှ ရွေးချယ်ထားသော ကြေညာချက်များ။ နောက်ဆုံးထုတ်မဂ္ဂဇင်းများမှ အချက်ကောင်းများကို ဆွေးနွေးပါ။ ဤအပတ် စနေတနင်္ဂနွေနေ့များတွင် လယ်ကွင်းလုပ်ငန်း၌ပါဝင်ကြရန် အားပေး။

၂၀ မိ– “နားထောင်လိုသူများဖြစ်စေရန် ကြိုးစားပေး။” ပရိသတ်နှင့် ဆွေးနွေး။ အိမ်ရှင်တစ်ဦးစီကို ပုဂ္ဂိုလ်တစ်ဦးအဖြစ် ယူမှတ်ကာ သူနှင့်ဆွေးနွေးရန်ရည်ရွယ်ချက်ရှိခြင်းကို ပေါ်လွင်စေပါ။ အပိုဒ် ၂ နှင့် ၃ ပါအကြံပြုချက်များကိုအခြေပြု၍ အကျဉ်းချုပ်တင်ပြချက်များ ပြုလုပ်ပါ။ လယ်ကွင်းလုပ်ငန်းတွင် မဂ္ဂဇင်းများကို မှန်မှန်အသုံးပြုခြင်းကို အလေးအနက်တင်ပြပါ။

၁၅ မိ– “ဩဂုတ်လတွင် တိုးတက်မှုများများရရန် ကြိုးစားခြင်း။” အပိုဒ်အားလုံးနှင့် ကိုးကားထားသည့် ကျမ်းချက်များကိုဖတ်ပြီး သက်ဆိုင်ပုံကို သင့်တော်စွာ တင်ပြပါ။ ဤအကြောင်းကို ပိုမိုဆွေးနွေးကြရန်အတွက် ပြင်ဆင်ဖို့ အသင်းတော်အား သတိပေးပါ။

သီချင်း ၁၉၃ နှင့် နိဂုံးချုပ် ဆုတောင်းချက်။

ဩဂုတ် ၉ တွင် စမည့်အပတ်

သီချင်း ၇၀

၁၀ မိ– ဒေသကြေညာချက်များနှင့် စာရင်းအင်းမှတ်တမ်း။ ဒေသခံ အသင်းတော်လိုအပ်ရာများကို ငွေရေးကြေးရေးဖြင့် ကူညီပေးသည့်အတွက် အသင်းတော်ကို ချီးမွမ်း။

၁၅ မိ– ဩဂုတ် ၁၉၉၃ ကိုထူးခြားသောလ ဖြစ်စေခြင်း။ ကိုယ်ပိုင်ဟောပြောချက် ပြင်ဆင်ပါ။ (၂၈.၆.၉၃ နေ့စွဲပါ ဌာနခွဲမှ စာကိုဖတ်ပြပါ။)

၂၀ မိ– “မည်သို့ထာဝစဉ်အသက်ရှင်နိုင်ကြောင်း သင်ယူနိုင်ရန် ကူညီပေးဖို့ လူတို့ထံ ပြန်လည်ပတ်။” မေးဖြေဆွေးနွေးရန်။ အပိုဒ် ၅ နှင့် ၆ တွင်ပါသည့်တင်ပြပုံကိုအခြေခံ၍ ပြန်လည်ပတ်မှုပြုခြင်းကို သရုပ်ပြပါ။

သီချင်း ၇၁ နှင့် နိဂုံးချုပ် ဆုတောင်းချက်။

ဩဂုတ် ၁၆ တွင် စမည့်အပတ်

သီချင်း ၂၀

၁၅ မိ– ဒေသကြေညာချက်များ။ သီအိုကရက်တစ်သတင်း။ “အထူးစည်းဝေးပွဲနေ့ အစီအစဉ်သစ်” ဆောင်းပါးကို ဆွေးနွေးခြင်း။ ၁၉၉၄ လုပ်ငန်းတော်နှစ်အတွင်း အထူးစည်းဝေးပွဲနေ့အစီအစဉ်ကိုတက်ရောက်ကြရန် ကြိုတင်စီစဉ်ထားကြဖို့ အားပေး။ သိထားပြီဆိုလျှင် ကျင်းပမည့်နေ့စွဲနှင့် နေရာကို ကြေညာပါ။ စနေ၊ တနင်္ဂနွေနေ့ လယ်ကွင်းလုပ်ငန်းတွင် ပါဝင်ကြရန် အားပေး။

၁၀ မိ– ဒေသခံ လိုအပ်ရာ။ အကြီးအကျယ်တိုးတက်မှုရှိရန် အားပေး။

၂၀ မိ– “ဓမ္မအမှုဆောင်အသစ်နှင့် အသားကျဓမ္မအမှုဆောင်တို့အတွက် တောင်းဆိုချက်များ။” အကြီးအကဲ မေးဖြေပြုလုပ်ရန်။ ဒေသခံအသင်းတော်လိုအပ်ချက်နှင့် သက်ဆိုင်သောအချက်များကို နောက်ဆုံးတွင် အကျဉ်းချုပ် ဖော်ပြ။

သီချင်း ၆ နှင့် နိဂုံးချုပ် ဆုတောင်းချက်။

ဩဂုတ် ၂၃ တွင် စမည့်အပတ်

သီချင်း ၁၄၈

၁၀ မိ– ဒေသကြေညာချက်များ။

၂၀ မိ– “ကျမ်းစာသင်အံမှုများကို စိတ်ထက်သန်စွာ ရှာဖွေခြင်း။” လုပ်ငန်းတော်ကြီးကြပ်မှူး မေးဖြေဆွေးနွေးတင်ပြရန်။ ကိုးကားထားသည့် ကျမ်းချက်အားလုံးကို ဖတ်ပြီး သက်ဆိုင်ပုံတင်ပြပါ။ လွန်ခဲ့သောငါးနှစ်အတွင်း အသင်းတော်၏ ကျမ်းစာသင်အံမှုလုပ်ငန်း တိုးတက်လာခြင်းကို ပြန်သုံးသပ်ပါ။ ဒေသခံ လိုအပ်ရာနှင့်အညီ နိဂုံးချုပ်စကားများကို တင်ပြပြောဆိုပါ။

၁၅ မိ– သမ္မာကျမ်းစာလေ့လာရန်တွင် နေ့စွဲများ အရေးကြီးခြင်း။ Reasoning စာအုပ်၏ စာမျက်နှာ ၉၃ ပါ “ရှင်းပြချက်” ခေါင်းစဉ်အောက်ရှိအကြောင်းကို အတိုချုပ်ဟောပြောပြီးနောက် “နေ့စွဲများ” ခေါင်းစဉ်အောက်ရှိ ကျန်ကြွင်းသည့်အကြောင်းကို ပရိသတ်နှင့်ဆွေးနွေး။ “၁၉၁၄ တွင် ဘုရားသခင့်နိုင်ငံတော်တည်ထောင်ခဲ့ကြောင်းကို ယေဟောဝါသက်သေများ အဘယ်ကြောင့်ပြောဆိုရခြင်း” ကိုသုံးသပ်ပါ။ ဤအကြောင်းကိုသိထားခြင်းအားဖြင့် လူသစ်များသည် ဘုရားသခင့်နိုင်ငံတော်သတင်းကို ထောက်ခံပေးရန် မည်သို့အသင့်ရှိနိုင်ကြောင်း ပေါ်လွင်စေပါ။

သီချင်း ၄၃ နှင့် နိဂုံးချုပ် ဆုတောင်းချက်။

ဩဂုတ် ၃၀ တွင် စမည့်အပတ်

သီချင်း ၁၅၆

၅ မိ– ဒေသကြေညာချက်များ။

၁၅ မိ– “သင့်လုပ်ငန်းတော်တွင် စိုးလ်အပြည့်ပါဝင်ခြင်း။” အကြီးအကဲဟောပြောရန်။ အပိုဒ် ၂ ကိုဆွေးနွေးသည့်အခါ ကင်းမျှော်စင်ကိုးကားချက်မှ သင့်တော်သောတင်ပြချက်များကို ဖော်ပြပါ။ နိဂုံးချုပ်တွင် မာလခိ ၃:၁၀ ကိုဖတ်၍ သက်ဆိုင်ပုံကို ဖော်ပြပါ။

၁၀ မိ– ဩဂုတ်လတွင် ရရှိခဲ့သောတိုးတက်မှုကို ဆက်ရနိုင်ရန် ကြိုးစားခြင်း။ ဤအကြောင်းကို ဆွေးနွေးရန် ဟောပြောချက်တစ်ခု ပြင်ဆင်ပါ။

၁၅ မိ– ဒေသလိုအပ်ရာများ။ တိုက်နယ်ကြီးကြပ်မှူး၏ နောက်ဆုံးလည်ပတ်ချိန်က အားပေးချက်ကို ဆွေးနွေးနိုင်။ ၁၉၉၃ လုပ်ငန်းတော်နှစ်အတွက် မှတ်တမ်းအားလုံးကို ထည့်သွင်းပြီးဖြစ်ရန် ညီအစ်ကိုများကို သတိပေး။

သီချင်း ၃၁ နှင့် နိဂုံးချုပ် ဆုတောင်းချက်။