ကျောင်းမှအကောင်းဆုံး အကျိုးရယူပါ

^၁ လူငယ်များစွာက “ငါကျောင်းပြန်တက်ဖို့ အသင့်ဖြစ်ပြီလား” ဟူ၍မေးသည့်အချိန်သည် ယခုအချိန်ပင်ဖြစ်သည်။ ကျောင်းပြန်တက်သည်နှင့် စိန်ခေါ်ချက်နှင့် စိုးရိမ်ပူပန်မှုတချို့ဒွန်တွဲပါလာမည်ဖြစ်သော်လည်း မိမိတို့၏ပညာရေးမှ အကောင်းဆုံးအကျိုးရယူရန် ကြိုးပမ်းသည့်လူငယ်များရရှိမည့် အကျိုးမြောက်မြားစွာလည်းရှိသည်။

^၂ အခြေခံကောင်းသောပညာရေးတွင် လူတစ်ဦး၏ဝိညာဏတိုးတက်မှုပါဝင်နိုင်သည်။ နောင်လူကြီးဖြစ်လာသောအခါ မိမိ အဘယ်အလုပ်မျိုးလုပ်ကိုင်ပြီးမြောက်နိုင်မည် ဟူသည့်အချက်သည် လူငယ့်ဘဝ၌ပြုခဲ့သည့်အရာများအပေါ် များစွာမူတည်သည်။ ကျောင်းနေသည့်ကိစ္စတွင်ပင် “လူသည် မျိုးစေ့ကြဲသည်အတိုင်း အသီးအနှံကိုရိတ်ရလိမ့်မည်။” (ဂလ. ၆:၇) ကျောင်းသင်ခန်းစာများကို ဝီရိယရှိရှိဆည်းပူးသည့်လူငယ်များသည် ယေဟောဝါအတွက် ပို၍အသုံးဝင်စေမည့် အစွမ်းအစများကိုရရှိနိုင်သည်။

^၃ ကျောင်းဘာသာရပ်များရွေးချယ်ရာတွင် မှန်သောရွေးချယ်မှုဖြစ်လိုပါက ဂရုတစိုက်ကြိုတင်စဉ်းစားထားရန်လိုသည်။ မိဘတို့သည် မိမိတို့၏သားသမီးများအား ဘဝတွင် ဝိညာဏပန်းတိုင်များသို့ရောက်ရှိရန် လက်တွေ့အကျဆုံးလေ့ကျင့်မှုပေးသည့်ဘာသာရပ်ကို ရွေးချယ်ရန် ကူညီပေးသင့်သည်။ မိမိတို့၏အစွမ်းအစကိုတိုးတက်စေခြင်းဖြင့် လူငယ်တို့သည် ရှေ့ဆောင်လုပ်ငန်းတွင် မိမိတို့ကိုယ်ကိုထောက်ပံ့ပေးနိုင်သည့်အကျိုးကို ရရှိမည်ဖြစ်သည်။ သူတို့၏အခြေခံပညာရေးသည် အဘယ်နေရာ၌ပင် အမှုဆောင်ရစေကာမူ ယေဟောဝါကိုချီးမွမ်းရန် အကူအညီဖြစ်စေသင့်သည်။

^၄ လူငယ်တို့၊ သင်တို့ကျောင်းနေစဉ် အကောင်းဆုံးအကျိုးများရယူရန် ကြိုးစားပါ။ ထိုသို့လုပ်ဆောင်ရာတွင် လောကီလုပ်ငန်းတစ်ခုရရှိခြင်းအပေါ်တွင်မဟုတ်ဘဲ မြင့်မြတ်သောလုပ်ငန်းတော်တွင် ပိုမိုအဓိပ္ပာယ်ပြည့်ဝသည့်အသက်တာဖြင့် အသက်ရှင်ခြင်းအပေါ်တွင် အာရုံစိုက်ပါ။ သင်တို့၏အသက်တာကို ယေဟောဝါအလိုတော်ဆောင်ရာတွင် ကြိုးစားအသုံးပြုပါ။ ဤသို့အားဖြင့် ယေဟောဝါအားချီးမွမ်းရန်ဟူသောသင့်လမ်းခရီးသည် အောင်မြင်ပါလိမ့်မည်။—ဆာ. ၁:၃။