ယေဟောဝါနဲ့ ယေရှုကို ယုံကြည်လာအောင် ပျော်စရာဘဝ ထာဝရ စံစားကြ စာအုပ်ကို သုံးပါ

ကျမ်းစာသင်သားတွေဟာ ဘုရားရဲ့ နှစ်သက်လက်ခံမှု ရဖို့ ခိုင်ခံ့တဲ့ ယုံကြည်ခြင်း ရှိရမယ်။ (ဟီ ၁၁:၆) ပျော်စရာဘဝ ထာဝရ စံစားကြ စာအုပ်ကို သုံးပြီး သူတို့ကို ကူညီပေးနိုင်တယ်။ စာအုပ်မှာ အဓိက ကျမ်းချက်တွေ၊ ရှင်းလင်းတဲ့ ကျိုးကြောင်းဆင်ခြင်မှုတွေ၊ ထိရောက်တဲ့ မေးခွန်းတွေ၊ လှုံ့ဆော်မှု ဖြစ်စေတဲ့ ဗီဒီယိုတွေ၊ ရုပ်ပုံတွေ ပါတယ်။ ခရစ်ယာန် အရည်အသွေးတွေ မွေးမြူဖို့၊ ဘုရားနဲ့ ဆက်ဆံရေးကောင်း ရှိဖို့ သင်သားတွေကို ကူညီပေးတာက မီးဒဏ်ခံနိုင်တဲ့ ပစ္စည်းတွေနဲ့ တည်ဆောက်ပေးနေတာ ဖြစ်တယ်။—၁က ၃:၁၂-၁၅။

လူတချို့က မမြင်ရတဲ့ ဘုရားသခင်နဲ့ မိတ်ဖွဲ့ဖို့ အခက်တွေ့နေနိုင်တယ်။ ဒါကြောင့် ယေဟောဝါကို သိကျွမ်းလာဖို့၊ ယုံကြည်ကိုးစားလာဖို့ ကူညီပေးရမယ်။

ယေဟောဝါကို ယုံကြည်လာအောင် “ပျော်စရာဘဝ ထာဝရ စံစားကြ” စာအုပ်ကို သုံးပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• ညီအစ်မဟာ သင်အံမှုအတွက် အသေအချာ ပြင်ဆင်ထားမှန်း ဘယ်လို သိရသလဲ။

• ဟေရှာယ ၄၁:၁၀၊ ၁၃ နဲ့ပတ်သက်ပြီး သင်သားရဲ့ ရှုမြင်ချက်ကို သိဖို့ အသေအချာ ပြင်ဆင်ထားတဲ့ ထပ်ဆင့်မေးခွန်းတွေကို ဘယ်လို အသုံးပြုသလဲ။

• ဗီဒီယိုနဲ့ ကျမ်းပိုဒ်တွေကနေ သင်သား ဘယ်လို အကျိုးရခဲ့သလဲ။

လူများစွာဟာ ရွေးဖိုးအကြောင်း နားမလည်ကြဘူး။ ရွေးဖိုးကို ဘုရား ပေးတဲ့ ဆုလက်ဆောင်အဖြစ် မသိမြင်ကြဘူး။ (ဂ ၂:၂၀) ဒါကြောင့် ယေရှုရဲ့ ရွေးဖိုး ပူဇော်သက္ကာကို ယုံကြည်ဖို့ သူတို့ကို ကူညီပေးရမယ်။

ယေရှုကို ယုံကြည်လာအောင် “ပျော်စရာဘဝ ထာဝရ စံစားကြ” စာအုပ်ကို သုံးပါ ဗီဒီယိုကို ကြည့်ပါ။ ပြီးတဲ့နောက် အောက်ပါမေးခွန်းတွေကို ဖြေပါ–

• ညီအစ်ကိုဟာ သင်အံမှုအတွက် အသေအချာ ပြင်ဆင်ထားမှန်း ဘယ်လို သိရသလဲ။

• သင်သားကို ကူညီပေးဖို့ “လေ့လာစရာ ထပ်ဖွေရှာ” မှာ ပါတဲ့ အကြောင်းအရာကို ဘယ်လို သုံးခဲ့သလဲ။

• ဆုတောင်းတာက သင်သားအတွက် ဘာကြောင့် အရေးကြီးသလဲ။