အမှန်တကယ်အကျိုးပြုမယ့် ဝက်ဘ်ဆိုက်

ဇနီးမောင်နှံတွေအတွက်

“ကျွန်တော့်ရဲ့မိသားစုကို ပျော်ရွှင် သာယာတဲ့ မိသားစုဖြစ်စေချင်တယ်။ ကျွန်တော်နဲ့ ကျွန်တော့်ဇနီးမှာ အိမ်ထောင်ရေးပြဿနာတချို့ရှိတယ်၊ ကလေးရလာတော့ ပိုဆိုးလာတယ်။ ကျွန်တော်တို့ အကူအညီလိုနေတယ်”

သမ္မာကျမ်းစာပြောဆိုရာ–

“ဉာဏ်ပညာအားဖြင့် အိမ်ကိုတည်ဆောက်၍ ခိုင်ခံ့မြဲမြံစေရ၏။”—သုတ္တံ ၂၄:၃။

ဝက်ဘ်ဆိုက်မှာတင်ထားတဲ့ အကူအညီဖြစ်စေမယ့် အကြောင်းအရာများ

“ဇနီးမောင်နှံများနဲ့ မိဘများ” ဆိုတဲ့အပိုင်းက အောက်ဖော်ပြပါအချက်တွေကို ရင်ဆိုင်ဖြေရှင်းဖို့ ကူညီပေးပါတယ်–

• အိမ်ထောင်ရေးကတိသစ္စာကို စောင့်ထိန်းခြင်း

• အိမ်ထောင်ရေးကတောက်ကဆများကို ဖြေရှင်းခြင်း

• ငွေကြေးစီမံသုံးစွဲခြင်း

• ကလေးရလာချိန်မှာကြုံရတဲ့ အပြောင်းအလဲတွေကို ရင်ဆိုင်ဖြေရှင်းခြင်း

• သားသမီးတွေကို ကိုယ်ကျင့်တရားစံနှုန်း သင်ပေးခြင်း

(ဒီခေါင်းစဉ်အောက်မှာကြည့်ပါ– သမ္မာကျမ်းစာ သွန်သင်ချက်များ > ဇနီးမောင်နှံနဲ့ မိဘများ)

မိသားစုပျော်ရွှင်မှု၏ လျှို့ဝှက်ချက် စာအုပ်မှာ တစ်ကိုယ်ရေဘဝ အိမ်ထောင်ပြုဖို့ပြင်ဆင်ခြင်း အကြောင်းအရာကနေ သက်ကြီးမိဘတွေကို ပြုစုစောင့်ရှောက်ခြင်း ကိစ္စတွေအထိ မိသားစုနဲ့သက်ဆိုင်တဲ့ အကြောင်းအရာများစွာ ပါရှိပါတယ်။

(www.pr2711.com/mya ကနေ အဲဒီစာအုပ်ကို ကူးယူနိုင်ပါတယ်၊ ဒီခေါင်းစဉ်အောက်မှာကြည့်ပါ– စာအုပ်စာပေများ > စာအုပ်ကြီးနဲ့ စာစောင်များ)

မိဘတွေအတွက်

“ကျွန်မအတွက် အရေးအကြီးဆုံးကတော့ ကလေးတွေပဲ။ ငါ့သား၊ ငါ့သမီးဆိုပြီး ဂုဏ်ယူချင်တယ်”

သမ္မာကျမ်းစာပြောဆိုရာ–

“သူငယ်သွားရာလမ်းဝ၌ ဆုံးမသွန်သင်လော့။ သို့ပြုလျှင် သူသည်အိုသောအခါ ထိုလမ်းမှမလွှဲ လိုက်သွားလိမ့်မည်။”—သုတ္တံ ၂၂:၆။

ဝက်ဘ်ဆိုက်မှာတင်ထားတဲ့ အကူအညီဖြစ်စေမယ့် အကြောင်းအရာများ

“ကလေးများ” အပိုင်းမှာ ကျမ်းစာရုပ်ပြဇာတ်လမ်း၊ ရုပ်ပုံမှာ လုပ်စရာများ၊ ဗီဒီယိုများနဲ့ ကျမ်းစာသင်ခန်းစာများ စတာတွေ ပါရှိပါတယ်။ အဲဒါတွေက ကလေးတွေကို

• မိဘစကားနားထောင်သူဖြစ်အောင်

• ကြင်နာတတ်သူဖြစ်အောင်

• သင့်သင့်မြတ်မြတ် နေတတ်သူဖြစ်အောင်

• “ကျေးဇူးတင်ပါတယ်” လို့ပြောတတ်အောင် ကူညီပေးနိုင်ပါတယ်။

(ဒီခေါင်းစဉ်အောက်မှာကြည့်ပါ– သမ္မာကျမ်းစာ သွန်သင်ချက်များ > ကလေးများ)

ကျွန်ုပ်၏ ကျမ်းစာပုံပြင်စာအုပ် နဲ့ ကြီးမြတ် သောဆရာထံမှ သင်ယူပါ စာအုပ်တွေမှာ လှပတဲ့ရုပ်ပုံတွေ ဝေဝေဆာဆာပါပြီး ကလေးနဲ့အတူဖတ်ဖို့ ရည်ရွယ်ထားပါတယ်။

(ဒီခေါင်းစဉ်အောက်မှာကြည့်ပါ– စာအုပ်စာပေများ > စာအုပ်ကြီးနဲ့ စာစောင်များ)

ဆယ်ကျော်သက်တွေအတွက်

“ကျောင်း၊ မိဘ၊ သူငယ်ချင်း၊ သမီးရည်းစား စတဲ့ကိစ္စတွေနဲ့ပတ်သက်ပြီး အကြံဉာဏ်လိုချင်တယ်။ ကျွန်တော်က ကလေးတစ်ယောက်လည်းမဟုတ်တော့ ဒါလုပ်၊ ဒါမလုပ်နဲ့လို့ ပြောတာမျိုးလည်း မလိုချင်ဘူး”

သမ္မာကျမ်းစာပြောဆိုရာ–

“လူငယ်လူရွယ်တို့၊ ပျိုရွယ်ချိန်၌ ပျော်ပျော်နေကြလော့။”—ဒေသနာ ၁၁:၉၊ ခမ။

ဝက်ဘ်ဆိုက်မှာတင်ထားတဲ့ အကူအညီဖြစ်စေမယ့် အကြောင်းအရာများ

“ဆယ်ကျော်သက်များ” အပိုင်းမှာ ဆောင်းပါးတွေ၊ ဗီဒီယိုတွေပါတယ်။ အဲဒါတွေက အောက်ဖော်ပြပါအခြေအနေနဲ့ ရင်ဆိုင်နေရသူတွေကို အကူအညီပေးနိုင်ပါတယ်။

• အဖော်မဲ့နေရင်

• ကျောင်းမှာ ပြဿနာတွေကြုံရရင်

• အိမ်စည်းကမ်းချိုးဖောက်မိရင်

• အနိုင်ကျင့်ခံနေရရင် ဒါမှမဟုတ် လိင်ဆိုင်ရာ စော်ကားနှောင့်ယှက်မှုခံရရင်

(ဒီခေါင်းစဉ်အောက်မှာကြည့်ပါ– သမ္မာကျမ်းစာ သွန်သင်ချက်များ > ဆယ်ကျော်သက်များ)

လူငယ်များအမေး—တာသွားသည့်အဖြေ စာအုပ်မှာ လူငယ်တွေမေးတတ်တဲ့ အရေးကြီးတဲ့ မေးခွန်းတွေရဲ့အဖြေကို တွေ့နိုင်ပါတယ်။

(ဒီခေါင်းစဉ်အောက်မှာကြည့်ပါ– စာအုပ်စာပေများ > စာအုပ်ကြီးနဲ့ စာစောင်များ)

သမ္မာကျမ်းစာအကြောင်း လေ့လာလိုသူတွေအတွက်

“ကျမ်းစာကို နားလည်ချင်တယ်။ ဘယ်လိုလုပ်ရမလဲ။”

သမ္မာကျမ်းစာပြောဆိုရာ–

“ကျမ်းဂန်ရှိသမျှသည် ဘုရားသခင့် စွမ်းအားတော်၏ လမ်းညွှန်မှုဖြင့် ရေးထားသောကြောင့် သွန်သင်ခြင်း . . . တွင် အကျိုးရှိ၏။”—၂ တိမောသေ ၃:၁၆။

ဝက်ဘ်ဆိုက်မှာတင်ထားတဲ့ အကူအညီဖြစ်စေမယ့် အကြောင်းအရာများ

ကမ္ဘာသစ်ဘာသာပြန် သမ္မာကျမ်းစာ (New World Translation of the Holy Scriptures) ဟာ တိကျမှန်ကန်ပြီး ဖတ်ရှုရလွယ်ကူတဲ့ ကျမ်းစာဖြစ်ပါတယ်။

(ဒီခေါင်းစဉ်အောက်မှာကြည့်ပါ– PUBLICATIONS > BIBLE)

“သမ္မာကျမ်းစာမေးခွန်းတွေရဲ့အဖြေ” အပိုင်းက “ကမ္ဘာ့ငြိမ်းချမ်းရေးရဖို့ ဘာကြောင့် ဒီလောက်ခက်ရတာလဲ” နဲ့ “သေသွားရင် ဘာဖြစ်မလဲ” စတဲ့မေးခွန်းတွေရဲ့ ရှင်းလင်းတဲ့အဖြေတွေကို ဖော်ပြပေးထားပါတယ်။

(ဒီခေါင်းစဉ်အောက်မှာကြည့်ပါ– သမ္မာကျမ်းစာသွန်သင် ချက်များ > သမ္မာကျမ်းစာမေးခွန်းတွေရဲ့ အဖြေ)

“ကျမ်းစာလေ့လာဖို့ တောင်းခံခြင်း” စာမျက်နှာကနေ အခမဲ့ကျမ်းစာလေ့လာမှုပြုလုပ်နိုင်တဲ့ အခွင့်အရေးကို သင်ရယူနိုင်ပါတယ်။

(ပင်မစာမျက်နှာမှာရှိတဲ့ “ကျမ်းစာလေ့လာဖို့တောင်းခံခြင်း” ကိုနှိပ်ပါ။)

“ကျမ်းစာဖတ်တာ နားမလည်တော့ ဆက်မဖတ်တော့ဘူး။ ‘သမ္မာကျမ်းစာ အမှန်တကယ် သွန်သင်ရာက ဘာလဲ’ ဆိုတဲ့စာအုပ်ကိုသုံးပြီး ကျမ်းစာလေ့လာတဲ့အခါ သမ္မာကျမ်းစာဟာ တကယ်ကိုရိုးရှင်းပြီး နားလည်နိုင်တဲ့စာအုပ်ဖြစ်တယ်ဆိုတာ သိလိုက်ရတော့တယ်။” —ခရစ္စတီးနား။