နိဒါန်း
လူတိုင်း တစ်ချိန်မဟုတ် တစ်ချိန် အဖြစ်ဆိုးတွေ ကြုံရတတ်တယ်။ ဖျားနာမှု၊ မတော်တဆမှု၊ သဘာဝဘေး ဒါမှမဟုတ် အကြမ်းဖက်မှုတွေ ကြုံရတာ ဖြစ်နိုင်တယ်။
အဖြေရဖို့ လူတွေ အမျိုးမျိုး ကြိုးစားကြတယ်။
အဖြစ်ဆိုးတွေ ကြုံဖို့ ကြိုတင်သတ်မှတ်ခံရပြီးသား ဖြစ်တယ်လို့ တချို့ ယူဆကြတယ်။ တချို့ကလည်း လာမယ့်ဘေး ရှောင်မရမှတော့ ပြေးတွေ့ရုံပဲလို့ ပြောကြတယ်။
တချို့ကျတော့ ကံကို ယုံကြတယ်။ အဖြစ်ဆိုးတွေ ကြုံရတာဟာ လက်ရှိ ဒါမှမဟုတ် အတိတ်ဘဝတုန်းက မကောင်းတာ လုပ်ခဲ့လို့ ဆိုပြီး ပြောကြတယ်။
အဖြစ်ဆိုးတွေကြောင့် လူတွေမှာ စဉ်းစားစရာ မေးခွန်းတွေ ပေါ်လာတယ်။