ဂိလဒ်ကျောင်းဆင်းများ—“သာသနာပြုအစစ်များ!”

“သာသနာပြုကား အဘယ်နည်း။” ဤမေးခွန်းကို လွန်ခဲ့သောအနှစ်လေးဆယ်နီးပါးက သတင်းစာအယ်ဒီတာဆောင်းပါးတစ်ခုတွင် မေးမြန်းခဲ့သည်။ ကလောင်ရှင်ဖြစ်သူက သာသနာပြုအစစ်တို့သည် လူမှုရေးနှင့် စီးပွားရေး ပြုပြင်ပြောင်းလဲမှုအတွက် အသုံးတော်ခံများဖြစ်ကြသည်ဟု ဖော်ပြခဲ့သည်။ သို့ရာတွင် ၁၉၉၅၊ မတ် ၅ ရက်၊ တနင်္ဂနွေနေ့တွင် ယေဟောဝါသက်သေများ၏ ဂျာစီမြို့တော်ခန်းမကြီးတွင် ယင်းနှင့်အလွန်ခြားနားသောအဖြေကို အလေးအနက်တင်ပြပြောဆိုခဲ့သည်။ အချိန်အခါကား အဘယ်နည်း။ ၉၈ ကြိမ်မြောက် ဂိလဒ် ကင်းမျှော်စင် ကျမ်းစာကျောင်းဆင်းပွဲဖြစ်သည်။ ဤကျောင်းသည် ကမ္ဘာတစ်ဝန်းသို့ သာသနာပြုများကို စေလွှတ်ပေးခဲ့ပေပြီ။

သီချင်းနှင့်ဆုတောင်းခြင်းဖြင့်ဖွင့်ပြီးနောက် အုပ်ချုပ်ရေးအဖွဲ့မှ အဲလ်ဘတ် ဒီ. ရှရိုးဒါက တက်ရောက်သူပေါင်း ၆,၄၃၀ ကိုလှိုက်လှဲစွာကြိုဆိုလေသည်။ သူ၏နိဒါန်းတွင် ဂိလဒ်ကျောင်းဆင်းများသည် အခြားသာသနာပြုများနှင့် အဘယ်ကြောင့်ကွာခြားရကြောင်း ညီအစ်ကိုရှရိုးဒါက ဤသို့ရှင်းပြသည်– “သမ္မာကျမ်းစာသည် ဂိလဒ်အတွက် အဓိကကျောင်းညွှန်းစာအုပ်ဖြစ်သည်။” ဂိလဒ်ကျောင်းဆင်းများသည် လူမှုရေးလုပ်ငန်းဆောင်ရွက်ရန်အတွက်မဟုတ် ဘုရားသခင့်နှုတ်ကပါဌ်တော်ကို သွန်သင်ပေးရန်အတွက် သင်တန်းတက်ခဲ့သူများဖြစ်သည်။ ဤနည်းအားဖြင့် နိုင်ငံခြားနယ်မြေဒေသများတွင်နေထိုင်သူတို့၏ ဝိညာဉ်ရေးရာကို ဖြည့်စွက်ပြုစုပေးနိုင်ရန် ထူးခြားစွာအရည်အချင်းပြည့်မီကြပါသည်။

ဂိလဒ်ကျောင်းဆင်းများသည် သာသနာပြု “အစစ်” များဖြစ်ကြောင်း သက်သေတင်ပြသည့် အခြားအပိုင်းများကိုလည်း ဆက်လက်ဟောပြောသူများက ဆွေးနွေးဖော်ပြပါသည်။ ချားလ်စ် မော်လဟန်က “သာသနာပြုများအဖြစ် ကောင်းမွန်သောအသီးကို ဆက်သီးပွင့်ကြ” အကြောင်းကို သူတို့အား ဟောပြောသည်။ ကောလောသဲ ၁:၉၊ ၁၀ ပါပေါလု၏စကားကို ထောက်ပြပြီး ဂိလဒ်တွင် လွန်ခဲ့သောငါးလအတွင်း ‘ဘုရားသခင်ကိုတိကျမှန်ကန်စွာသိသောဉာဏ်’ တိုးပွားရန် ကူညီပေးခံရရှိကြောင်း ညီအစ်ကိုမော်လဟန်က ကျောင်းဆင်းများအား သတိပေးခဲ့သည်။ ယင်းက ဤနည်းနှစ်နည်း၌ အသီးသီးရန် သူတို့အကူအညီရကြမည်ဖြစ်သည်– ဘုရားသခင်၏ဝိညာဉ်အသီး သီးပြခြင်းအားဖြင့်လည်းကောင်း၊ သူတစ်ပါးအား ကျမ်းစာသမ္မာတရားကို ဝေမျှပြောဆိုခြင်းအားဖြင့်လည်းကောင်း ဖြစ်သည်။

အုပ်ချုပ်ရေးအဖွဲ့မှ ဒယ်နီယယ် ဆစ်ဒလစ်ခ်သည် “သင့်အသက်ကို အပေးအယူမလုပ်နှင့်” ဟူသော စဉ်းစားဆင်ခြင်စရာအဓိကအချက်ဖြင့် ဆက်ဟောသည်။ သူက ယေရှု၏ ဤမေးခွန်းကို တင်ပြသည်– “လူသည် . . . ကိုယ့်အသက်ကို မည်သည့်အရာနှင့် လဲလှယ်မည်နည်း။” (မဿဲ ၁၆:၂၆၊ သမ) ညီအစ်ကိုဆစ်ဒလစ်ခ်က ဤသို့ဆိုသည်– “လူတို့သည် လွယ်ကူပြီးနူးညံ့သော ဘဝပုံစံမျိုးအတွက် အသက်ကိုလဲလှယ်ခဲ့ကြပြီ။” သို့ရာတွင် ရှင်သန်သောယုံကြည်ခြင်းရှိသူတို့မူကား စမ်းသပ်ခံရသည့်အခါ အလျှော့ပေးလိုက်လျော၍မဖြစ်ပါ။ အသက်ရလိုလျှင် “ပေး” ရန်၊ တစ်နည်းအားဖြင့် ကိုယ်ကျိုးစွန့်ရန် အသင့်ရှိရမည်ဟု ယေရှု၏စကားက တင်ပြသည်။ သာသနာပြုအသစ်များသည် ယေဟောဝါ၏လုပ်ငန်းတော်တွင် အတတ်နိုင်ဆုံးကြိုးစားအားထုတ်ကြရန် မှာကြားခံရသည်။

ထို့နောက် လုပ်ငန်းတော်ဌာနကော်မတီဝင် ဝီလျံ ဗင်ဒီဝေါလ်က “တမန်တော်ပေါလု—တုပထိုက်သောပုံသက်သေ” အကြောင်း ဟောပြောသည်။ ညီအစ်ကိုဗင်ဒီဝေါလ်က ဤသို့ရှင်းပြသည်– “ပေါလုသည် ပထမရာစုတွင် သာသနာပြုလုပ်ငန်းကို ဦးစီးဦးဆောင်ခဲ့သည်။” ထို့ကြောင့် ယခုခေတ်သာသနာပြုများအတွက် တမန်တော်ပေါလု ပုံသက်သေဖြစ်ခဲ့သည့် နည်းလေးနည်းကို လျောက်ပတ်စွာ ဖော်ထုတ်ပြောဆိုခဲ့သည်– (၁) လူတို့အတွက် ပေါလု တကယ်စိုးရိမ်မကင်းဖြစ်၍ ချစ်ခြင်း၊ (၂) ဓမ္မအမှုတွင် သူ၏ထိရောက်မှု၊ (၃) နှိမ့်ချသောသဘောရှိ၍ ကိုယ်ကျိုးမရှာခြင်း၊ (၄) ယေဟောဝါကို လုံးလုံးလျားလျားမှီခိုအားထားခြင်းတို့ဖြစ်သည်။

“သင်တာဝန်ကျရာ နယ်အသစ်တွင် သင့်အား ယေဟောဝါစစ်ကြောပါစေ” အကြောင်းကို အုပ်ချုပ်ရေးအဖွဲ့ဝင် လိုင်မန် အေစွင်ဂဲလ်က ဆွေးနွေးတင်ပြခဲ့သည်။ နေ့စဉ်ကျမ်းချက်ဖြစ်သည့် ဆာလံ ၁၃၉:၁၆ ကိုသူအသုံးပြုကာ သာသနာပြုအသစ်များအနေနှင့် သူတို့တာဝန်ကျရာနေရာများတွင် အခက်အခဲပြဿနာများကို ရင်ဆိုင်ရကြမည်ဖြစ်ပြီး ယင်းတို့၏ဖြေရှင်းနည်းကို ယေဟောဝါသိတော်မူကြောင်း ညီအစ်ကိုစွင်ဂဲလ်က ပြောပြသည်။ “ကိုယ်တော်ထံ ချဉ်းကပ်ကြပါ။ ပြဿနာရှိလျှင် ကိုယ်တော်နှင့်တိုင်ပင်ပါ။ ကိုယ်တော့်အလိုတော်ကို သိရန်ရှာဖွေပါ” ဟူ၍တိုက်တွန်းခံသည်။

ထိုနောက် အုပ်ချုပ်ရေးအဖွဲ့ဝင် ဂျွန် အီး. ဘားရ်က “သင်တို့၏ယုံကြည်ခြင်းသည် အလွန်တိုးပွား၏” အကြောင်းကိုဟောပါသည်။ (၂ သက်သာလောနိတ် ၁:၃) လုကာ ၁၇:၁ (သမ) တွင် ယေရှုဤသို့ဆိုကြောင်း ဖတ်ရှုရသည်– “တိုက်လဲစေရန်အကြောင်းများ မပေါ်လာဘဲမရှိနိုင်။” သာသနာပြုချင်းတို့သည် ပုဂ္ဂိုလ်ရေး မသင့်မြတ်မှုဖြစ်ပြီး အချို့တိုက်လဲခဲ့ဖူးပြီ။ သို့သော် ခွင့်လွှတ်နိုင်ဖို့ရန် လိုအပ်သောယုံကြည်ခြင်းရှိကြဖို့အတွက် သာသနာပြုများအား ညီအစ်ကိုဘားရ်က အားပေးခဲ့သည်။ အမှန်မှာဤသဘောမျိုးဖြင့် ယေရှု၏တပည့်တော်များက ဤသို့တောင်းပန်ခဲ့ခြင်းဖြစ်သည်– “အကျွန်ုပ်တို့ယုံကြည်ခြင်းစိတ်ကို တိုးပွားစေတော်မူပါ။” (လုကာ ၁၇:၂-၅) သာသနာပြုများ၏ယုံကြည်ခြင်းသည် အဖွဲ့အစည်းဆိုင်ရာ ပြုပြင်ပြောင်းလဲမှုအမျိုးမျိုးကြောင့်လည်း စမ်းသပ်ခံရမည်ဖြစ်သည်။ “ယင်းတို့ကို လက်ခံနိုင်သောယုံကြည်ခြင်း ကျွန်ုပ်တို့တွင် ရှိသလော။ သို့မဟုတ် တောင်ကြီးများပမာ အဆီးအတားများဖြစ်မည်လော” ဟုညီအစ်ကိုဘားရ်က မေးမြန်းသည်။

၎င်းနောက် ဂိလဒ်သင်တန်းပို့ချသူနှစ်ဦးက ဩဝါဒစကားပြောသည်။ အကောင်းဘက်မှ ကြည့်တတ်သောသဘောကို မွေးမြူကြရန် ဂျက်ခ် ရက်ဖော့ဒ်က တိုက်တွန်းသည်။ သာသနာပြုချင်းတို့၏ ကျီစယ်ခြင်းကို မခံနိုင်၍ သာသနာပြုလုပ်ငန်းမှ ထွက်ခဲ့သူတစ်ဦးအကြောင်း သူပြောပြသည်။ သို့ရာတွင် ကျမ်းစာက ဗွေမယူရန် သတိပေးထားသည်။ (ဒေသနာ ၇:၉) “စိတ်ထားမှန်ကန်ပါ၊ သင့်ပတ်ဝန်းကျင်ရှိသူများ၏ အမှားနှင့်မစုံလင်မှုများကို ခွင့်လွှတ်ပါ” ဟူ၍ သူတိုက်တွန်းခဲ့သည်။

ထိုနောက် ကျောင်း၏ မော်ကွန်းထိန်းဖြစ်သူ ယူ. ဗွီ. ဂလပ်စ်က “‘ကာလအချိန်နှင့် အဆင်သင့်ခြင်းရှိသည်အတိုင်းဖြစ်တတ်’ သမျှတို့ကို ရင်ဆိုင်နိုင်ရန် သင်အသင့်ရှိသလော” ဟုမေးမြန်းသည်။ (ဒေသနာ ၉:၁၁) “ကျွန်ုပ်တို့၏ဘဝပုံစံသည် အမြဲပြောင်းလဲနေတတ်သည်။ အချို့တို့ဆိုလျှင် မေ့ပျောက်မရနိုင်သည်ထိ ပူဆွေးသောကဖြစ်နိုင်သည်” ဟုညီအစ်ကိုဂလပ်စ် တင်ပြသည်။ သာသနာပြုအချို့သည် ကျန်းမာရေးချို့တဲ့မှု၊ ရောဂါနှင့် မိသားစုပြဿနာများကို မမျှော်လင့်ဘဲ ကြုံတွေ့ကြရပြီး တာဝန်ကျရာနေရာမှ ထွက်ခွာခဲ့ကြရသည်။ “အဆင်မသင့်ဖြစ်တတ်သည့်အရာသည် အဘယ်အရာပင်ဖြစ်စေ ယင်းကို ယေဟောဝါသိပြီး စိတ်ပူပင်တော်မူမည်ကို စိတ်ချပါ။ ကိုယ်တော်ကို ကျွန်ုပ်တို့မှီခိုအားထားမည်ဆိုလျှင် နောက်ဆုံးအောင်မြင်မည်မှာ သေချာပါသည်” ဟူ၍ ညီအစ်ကိုဂလပ်စ်ပြောသည်။

“သာသနာပြုလုပ်ငန်းအတွက် သီးသန့်ဖယ်ထားခံရ” ဟူသောဟောပြောချက်သည် နံနက်ပိုင်းဟောပြောချက်များ၏ နောက်ဆုံးဖြစ်သည်။ အုပ်ချုပ်ရေးအဖွဲ့မှ သီယိုးဒိုဂျဲရက်စ်က နိဒါန်းတွင် မေးခဲ့သော “သာသနာပြုကား အဘယ်နည်း” ဟူသောအမေးကို ပြန်မေးပြီး ဖြေဆိုရာတွင် တမန်တော် အခန်းကြီး ၁၃ နှင့် ၁၄ ပါပေါလုနှင့်ဗာနဗတို့၏ သာသနာပြုလုပ်ငန်းကို ဆွေးနွေးတင်ပြခဲ့သည်။ ထိုလုပ်ငန်းသည် လူမှုရေးဆိုင်ရာပြဿနာများကို ကုသပေးခြင်းမဟုတ်ဘဲ ‘သတင်းကောင်းကိုသက်သေခံ’ ရန် အာရုံပြုဆောင်ရွက်ခဲ့ခြင်းဖြစ်ကြောင်း ထင်ရှားပါသည်။ (တမန်တော် ၁၃:၃၂) ညီအစ်ကိုဂျဲရက်စ်က ဤသို့မေးသည်– “ပေါလုနှင့်ဗာနဗတို့သည် သာသနာပြုအစစ်၏ပုံစံကို ဖော်ပြသည်မဟုတ်လော။” ထိုနောက် မက္ကဆီကိုနိုင်ငံမှ အတွေ့အကြုံရှိသာသနာပြု ရောဘတ် ထရေစီအား ဧဝံဂေလိသတင်းဟောပြောသူအဖြစ် သူ၏အားရှိဖွယ်တွေ့ကြုံမှုအချို့ကို ပြောပြရန် ဖိတ်ခေါ်ပါသည်။

ညီအစ်ကိုရှရိုးဒါသည် ကျောင်းဆင်းသူ ၄၈ ဦးအားဒီပလိုမာဘွဲ့များကို ပေးအပ်ခြင်းနှင့် နံနက်ပိုင်းအစီအစဉ် နိဂုံးချုပ်လေသည်။ သာသနာပြုများ တာဝန်ကျရာနိုင်ငံ ဤနိုင်ငံ ၂၁ နိုင်ငံ၏အမည်များကို ပရိသတ်ကြားသိရ၍ ဝမ်းသာကြသည်– ကော့စ်တာရီကာ၊ ကုတ်ဒ်အဗွား၊ ဂီနီဘစ်ဆော၊ စီနီဂဲလ်၊ တိုင်ဝမ်၊ နီကာရာဂွာ၊ ပါရာဂွေး၊ ပီရူး၊ ဗဟိုအာဖရိကသမ္မတနိုင်ငံ၊ ဗင်နီဇွဲလား၊ ဘာဘေးဒိုးစ်၊ ဘီနင်၊ ဘိုလီးဗီးယား၊ မော်ရေးရှပ်၊ မိုဇမ်ဘစ်၊ လီဝါဒ်ကျွန်းစု၊ လက်တ်ဗီးယာ၊ ဟွန်ဒူးရပ်စ်၊ အီကွေဒေါ၊ အီကွေတိုးရီးယယ်လ်ဂီနီ နှင့် အက်စတိုးနီယားနိုင်ငံတို့ဖြစ်သည်။

နေ့လယ်စာစားရန် ခေတ္တရပ်နားပြီးနောက် ပရိသတ်ပြန်စည်းဝေးပြီး လုပ်ငန်းတော်ဌာနမှ ရောဘတ် ပီ. ဂျောန်စင်ဦးစီးသော ကင်းမျှော်စင်သင်တန်းတွင် တက်တက်ကြွကြွပါဝင်လေ့လာကြသည်။ ၉၈ ကြိမ်မြောက်သင်တန်းသားများသည် မေးခွန်းတို့ကို ဖြေဆိုကြသည်။ ယင်းနောက် ဂိလဒ်ကျောင်းအမှုထမ်းများ ဦးစီးသည့် အားရဖွယ် လူတွေ့ခေါ်မေးမြန်းခြင်းကို ကြားနာကြရသည်။ ကျောင်းဆင်းသူများသည် လယ်ကွင်း၌ သူတို့ကြုံတွေ့သောအဖြစ်အပျက်များနှင့် နိုင်ငံခြား၌တာဝန်ထမ်းဆောင်ခြင်းအပေါ် သူတို့၏ခံစားချက်များကို တင်ပြကြရာ ပရိသတ်သည် များစွာအားရှိကြသည်။

နယူးယောက်၊ ဝေါလ်ကီလ်မြို့ရှိ ကင်းမျှော်စင်အသင်းပိုင် အဆင်ပြေလွယ်ကူစေသော အဆောက်အအုံများတွင် ဂိလဒ်ကိုခြောက်နှစ်ခွဲတိုင်ထားရှိခဲ့သည်။ သို့သော် ၁၉၉၅၊ ဧပြီလတွင် ဤကျောင်းကို နယူးယောက်၊ ပက်တစင်မြို့ရှိ ကင်းမျှော်စင်ပညာရေးဌာနအသစ်သို့ ရွှေ့ပြောင်းခဲ့သည်။ ဤသို့ရွှေ့ပြောင်းသွားသည့်အတွက် ဝေါလ်ကီလ်မြို့ရှိ ဗေသလမိသားစုက မည်သို့ခံစားရသနည်း။ ဤကျောင်းဆင်းပွဲတွင် ဝေါလ်ကီလ်မှ အချို့သောသူတို့ကို လူတွေ့ခေါ်မေးမြန်းခဲ့သည်။ ဂိလဒ်ကျောင်းသူကျောင်းသားများသည် သူတို့အတွက် စွဲမှတ်စရာဖြစ်ခဲ့ကြောင်း သူတို့ပြောဆိုခဲ့သော စိတ်ထိမိဖွယ်စကားများက ဖော်ပြပါသည်။ ဤစိတ်စေတနာအပြည့်ရှိ ယောက်ျားမိန်းမများသည် သာသနာပြုအစစ်—နှိမ့်ချမှု၊ ကိုယ်ကျိုးစွန့်စိတ်ဓာတ်၊ သူတစ်ပါးကိုကူညီပေးရန် အလွန်စိတ်ဝင်စားမှုရှိသော—သူများဖြစ်ကြောင်း ထင်ရှားပါသည်။

ကျောင်းဆင်းပွဲ နိဂုံးချုပ်သည့်အခါ နှစ်ပေါင်း ၅၀ ကျော် ဂိလဒ်ကျောင်းက အောင်မြင်စွာပြုလုပ်ပေးခဲ့သည့် သာသနာပြုအစစ်များ မွေးထုတ်ပေးခြင်းလုပ်ငန်းကို ဆက်လက်ပြုလုပ်ပေးမည်ဖြစ်ကြောင်း တက်ရောက်သူအားလုံးတို့က ယုံကြည်စိတ်ချကြသည်!

[စာမျက်နှာ ၁၈ ပါ ရုပ်ပုံ]

သင်တန်းဆိုင်ရာ အချက်အလက်များ–

ကိုယ်စားပြုနိုင်ငံ အရေအတွက်– ၈

တာဝန်ပေးအပ်ခံရသည့်နိုင်ငံ အရေအတွက်– ၂၁

ကျောင်းသား/သူ အရေအတွက်– ၄၈

ပျမ်းမျှအသက်– ၃၂.၇၂

ပျမ်းမျှသမ္မာတရားတွင်းသက်တမ်း– ၁၅.၄၈

ပျမ်းမျှအချိန်ပြည့်ဓမ္မအမှုဆောင်သက်တမ်း– ၁၀.၉၁

[စာမျက်နှာ ၁၈ ပါ ရုပ်ပုံ]

ဂိလဒ် ကင်းမျှော်စင် သမ္မာကျမ်းစာကျောင်း၏ ၉၈ ကြိမ်မြောက် သင်တန်း

အောက်ပါစာရင်းတွင် အတန်းများကို ရှေ့တန်းမှ နောက်တန်းသို့ ရေတွက်ပြီး အမည်များကို လက်ဝဲမှ လက်ယာဘက်သို့ စီထားသည်။

(1) Eszlinger [Pron: esʹliŋer], A [Alexandra] [Pron: aligzanʹdrə] [female].; Mann [Pron: man], T. [Tina] [Pron: tēʹnə] [female]; Rivera, G. [Gina] [Pron: gēʹnə] [female]; Baruero [Pron: bärweʹrō], M [Marie] [Pron: mərēʹ] [female].; Vaz [Pron: väz], M [Maritza] [Pron: märitʹsə] [female].; Durga [Pron: dürʹgə], K [Kavita] [Pron: kävēʹtə] [female].; Silweryx [Pron: silverəksʹ] H. [Helene] [Pron: hālāʹnə] [female]; Alvarado, D. [Deysi] [Pron: dāʹsē] [female] (2) Toth [Pron: tōth], B. [Bethany] [Pron: bethʹänē] [female]; Segarra [Pron: segärʹä], S. [Sandra] [Pron: sanʹdrə] [female]; Hart, R. [Rita] [Pron: rēʹtə] [female]; Rooryck [Pron: rorʹäk], I. [Inge] [Pron: ēŋʹə] [female]; Escobar [Pron: esköbärʹ], P. [Paco] [Pron: päʹkō] [male]; Ejstrup [Pron: īsʹtrəp], J. [Jannie] [Pron: yenʹē] [female]; Sligh [Pron: slī], L. [Loretta] [Pron: ləretʹə] [female]; Rivera, E. [Eduardo] [Pron: edwärʹdō] [male] (3) Archard [Pron: ärchardʹ], D. [Dolly] [Pron: däʹlē] [female]; Snaith [Pron: snāʹth], S. [Susan] [Pron: süzʹən] [female]; Marciel [Pron: märsēelʹ], P. [Patricia] [Pron: pətrishʹə] [female]; Koljonen [Pron: kōlʹyənən], D. [Dinah] [Pron: dēʹnə] [female]; Waddell [Pron: wädelʹ], S. [Susan] [female]; Blackburn [Pron: blakʹbərn], L. [Lori] [Pron: lȯʹrē] [female]; Escobar, M. [märēʹsā] [female]; Archard, K. [Kevin] [Pron: kevʹən] [male] (4) Hart, M. [Mark] [Pron: märk] [male]; Toth, S. [Stephen] [Pron: stēʹvən] [male]; Koljonen, J. [Jukka] [Pron: yüʹkə] [male]; Bergman [Pron: ber^yʹmȧn], H. [Heide] [Pron: hīʹdə] [female]; Mann, D. [Daryl] [Pron: darʹəl] [male]; Blackburn, J. [John] [male]; Park, D. [Debra] [Pron: debʹrä] [female]; Vaz, F. [Fernando] [Pron: fernänʹdō] [male] (5) Segarra, S. [Sidney] [Pron: sidʹnē] [male]; Sligh, L. [Levi] [Pron: lēʹvī] [male]; Leslie [Pron: lesʹlē], L. [Lori] [female]; Bergman, B. [Basse] [Pron: bäʹsə] [male]; Baruero, W. [Wayne] [Pron: wān] [male]; Alvarado, J. [Jorge] [Pron: hȯrʹhā] [male]; Leslie, D. [Daniel] [male]; Park, D. [Duncan] [Pron: dəŋʹkən] [male] (6) Silweryx, K. [Kenneth] [Pron: kenʹəth] [male]; Eszlinger, R. [Rick] [Pron: rik] [male]; Waddell, J [Jody] [Pron: jōʹdē] [male].; Snaith, K. [Karl] [Pron: kärl] [male]; Durga, A. [Anill] [Pron: änēlʹ] [male]; Rooryck, F. [Frank] [Pron: fraŋk] [male]; Ejstrup, C. [Carsten] [Pron: kärʹstən] [male]; Marciel, D. [Douglas] [Pron: dəgʹləs] [male]