ယေရှုခရစ်နှင့်ပတ်သက်သည့် တိကျမှန်ကန်သောအသိပညာကို ဝေမျှ

^၁ ဒီဇင်ဘာလအတွင်း လယ်ကွင်းဓမ္မအမှုတွင် အသက်ရှင်ခဲ့သမျှတွင် အကြီးမြတ်ဆုံးလူသား စာအုပ်ကိုအထူးဖော်ပြမည်။ အခန့်သင့်ကျမ်းစာဆွေးနွေးချက်တစ်ခုကို စတင်ပေးရန် သင်ဘာပြောဆိုနိုင်မည်နည်း။ ဤမွန်မြတ်လှသောစာအုပ်ကိုပြရာတွင် မည်သို့နိဒါန်းပျိုးမည်နည်း။

^၂ ကျွန်ုပ်တို့၏ဝေစာအသစ်များကို အသုံးပြုခြင်း။ အခြားစာပေများကိုမပြမီ လူတို့၏စိတ်ဝင်စားမှုကိုပိုင်းခြားသိမြင်ရန် ဝေစာကိုအသုံးပြုခြင်းမှ ကြေညာသူအချို့ အောင်မြင်မှုရရှိကြောင်းတွေ့ မြင်ခဲ့ကြသည်။ ယင်းသို့ပြုနိုင်ရန် ကျွန်ုပ်တို့မည်သို့အကူအညီရရှိနိုင်မည်နည်း။ ဤလောက ဆက်လက်တည်ရှိမည်လော ဝေစာအသစ်ကို ဖော်ပြခြင်းအားဖြင့် ဖြစ်သည်။

သင့်တော်စွာနှုတ်ခွန်းဆက်ပြီးနောက် သင်ဤသို့ပြောဆိုနိုင်ပါသည်။

▪ “အသက်ရှင်ခဲ့သမျှလူသားတွေထဲမှာ ယေရှုခရစ်ဟာ အကြီးမြတ်ဆုံးဖြစ်ကြောင်းကို သဘောတူနိုင်မတူနိုင်ကြောင်း လူတွေကို ကျွန်တော်တို့မေးမြန်းနေပါတယ်။ [ဖြေဆိုပါစေ။] လူ့ရေးရာကို ဩဇာညောင်းခဲ့သူ၊ လူမျိုးအတွက် တိုးတက်မှုများဆောင်ရွက်ခဲ့သူ အမြောက်အမြားရှိတာမှန်ပေမဲ့ တခြားသူများနဲ့ ယေရှုခရစ်အား မတူစေတဲ့အချက်ကို သတိပြုပါ။ [ယောဟန် ၁၇:၃ ဖတ်။] လူသားတွေကို ထာဝရအသက်ရရှိစေနိုင်တဲ့တန်ခိုး အခြားဘယ်သူဆီမှမရှိပါ။ [ဝေစာ၏ စာမျက်နှာ ၃ သို့။] ယေရှုမြေကြီးပေါ်ရှိတုန်းက ကမ္ဘာ့ဆုံးခန်းမတိုင်မီ အဖြစ်အပျက်များအကြောင်း ကိုယ်တော်ဖော်ညွှန်းခဲ့တယ်။ ဒါပေမယ့် ဒီအဖြစ်အပျက်တွေက ကယ်တင်ချိန်နီးပြီဖြစ်ကြောင်းကို သိနားလည်စေပြီး တပည့်တော်များရွှင်လန်းကြဖို့ ကိုယ်တော် အားပေးတိုက်တွန်းခဲ့ပါသည်။” ခရစ်တော်ရောက်ရှိခြင်း၏နိမိတ်နှင့်ဆိုင်သော အချင်းအရာအချို့ကို အတိုချုပ်ဆွေးနွေးတင်ပြပြီးနောက် ကိုယ်တော်၏နိုင်ငံတော်အစိုးရအောက် ရရှိမည့် ကောင်းချီးအချို့ကိုဖော်ပြသော နောက်ဆုံးစာမျက်နှာကို အာရုံပြုစေပါ။

^၃ ငယ်ရွယ်သောကြေညာသူ၊ သို့မဟုတ် လူသစ်တစ်ဦး၊ သို့မဟုတ် အတွေ့အကြုံနည်းသူတစ်ဦးသည် ဝေစာပါရုပ်ပုံများကို နိဒါန်းအနေနှင့် အသုံးပြုနိုင်ပါသည်။

“ဤလောက ဆက်လက်တည်ရှိမည်လော” ဝေစာကိုအသုံးပြုပြီး ကြေညာသူတစ်ဦးသည် စာမျက်နှာ ၃ နှင့် ၄ သို့ဖွင့်ကာ ဤသို့ဆိုနိုင်သည်။

▪ “ဒီရုပ်ပုံနှစ်ခုကို သတိပြုပါ။ တစ်ခုက စစ်ဖြစ်စဉ် လေယာဉ်တစ်စီး ဗုံးကြဲနေပုံနဲ့ အခြားတစ်ခုက ငတ်မွတ်နေတဲ့ကလေးပုံဖြစ်တယ်။ [စာမျက်နှာ ၅ သို့။] မြေငလျင်ပုံနှင့် ဆေးရုံတက်နေသော လူနာပုံတွေကိုလည်း ကြည့်ပါ။ [ရပ်တန့်။] ဒီအခြေအနေဆိုးများ မကြာမီမရှိတော့ဘူးလို့ ကျမ်းစာမှာတင်ပြပါတယ်။”

^၄ စိတ်ဝင်စားပုံရှိသူဖြစ်မည်ဆိုလျှင် ဗျာဒိတ် ၂၁:၃၊ ၄ ကိုကျမ်းစာမှ တိုက်ရိုက်၊ သို့မဟုတ် ဝေစာ၏စာမျက်နှာ ၆ တွင်ကိုးကားထားသည့်အတိုင်း ဖတ်ပြပါ။ စိတ်ဝင်စားပုံကိုထောက်၍ ထပ်ဆင့်အကြောင်းများကို တင်ပြပြောဆိုနိုင်မည်။ တကယ်စိတ်ဝင်စားသည်ဆိုလျှင် ကျွန်ုပ်တို့လုပ်ငန်းသဘောကို အတိုချုပ်တင်ပြပြောဆိုကာ အကြီးမြတ်ဆုံးလူသား စာအုပ်ကိုဝေ၍ ပြန်လည်ပတ်မှုစီစဉ်နိုင်ပါသည်။

^၅ နောင်တစ်ကြိမ်လည်ပတ်မှုအတွက် လမ်းကြောင်းခင်းထားပါ။ ဝေစာ၊ သို့မဟုတ် အကြီးမြတ်ဆုံးလူသား စာအုပ်၊ သို့မဟုတ် အခြားစာပေ၊ သို့မဟုတ် စိတ်ဝင်တစား ဆွေးနွေးပြောဆိုခွင့်ရရှိခဲ့လျှင်ဘဲဖြစ်စေ ကျွန်ုပ်တို့ဤသို့ပြောနိုင်ပါသည်။ “နောက်တစ်ခါပြန်လာတဲ့အခါ ယေရှုမွေးဖွားခဲ့တဲ့မြို့နဲ့ပတ်သက်ပြီး စိတ်ဝင်စားစရာအကြောင်းတစ်ခုကို ပြောပြလိုပါတယ်။” ထိုပြန်လည်ပတ်မှုနှင့် စိတ်ဝင်စားမှုကို အသေအချာမှတ်သားထားပါ။

^၆ ဘုရားသခင့်နိုင်ငံတော်သည် လူသားအတွက် စစ်မှန်သော၊ တစ်ခုတည်းသောမျှော်လင့်ချက်ကို ပေးပါသည်။ “ခရစ်တော်တည်းဟူသော ဘုရားသခင့်နက်နဲရာ၊ တိကျမှန်ကန်သောအသိပညာ” ကိုကျွန်ုပ်တို့ဆုံတွေ့သမျှသူတို့အား တင်ပြပြောဆိုလိုစိတ် ပြင်းပြကြောင်း ဖော်ပြကြစို့လေ။​—ကော၊ ၂:၂၊ ကဘ။