သမ္မာကျမ်းစာကိုစိတ်ဝင်စားမှု နှိုးဆွပေးရန် ပြန်လည်ပတ်သွားခြင်း

^၁ သတင်းကောင်းကို စိတ်ဝင်စားသူများနှင့် လယ်ကွင်းလုပ်ငန်းတွင် တစ်ခါတစ်ရံတွေ့ဆုံသော်လည်း ကျွန်ုပ်တို့လည်ပတ်ချိန်တွင် စကားမပြောအားလောက်အောင် အလုပ်ရှုပ်နေတတ်သည်။ သူတို့အား နိုင်ငံတော်သတင်းပြောပြဖို့ အခြားတစ်ချိန်တွင် ပြန်သွားရန် ကြိုးစားပါသလော။ သို့မဟုတ် အိမ်ရှင်တစ်ဦးနှင့် စိတ်ဝင်စားဖွယ်ဆွေးနွေးခဲ့သော်လည်း စာပေလက်မခံဘဲနေခဲ့မည်။ သမ္မာတရားအကြောင်း ဤသူနှင့်ဆက်ဆွေးနွေးရန် ပြန်သွားပါသလော။

^၂ ရပ်ကွက်တွင် နှံ့စပ်အောင်အမှုဆောင်ပြီး စိတ်ဝင်စားသူအားလုံးထံ ပြန်သွားရန် အရေးကြီးပါသည်။ စာအုပ်၊ သို့မဟုတ် မဂ္ဂဇင်းများလက်ခံယူသူတို့ထံသာ ပြန်လည်ပတ်သွားပါသလော။ ထိုသို့ဆိုလျှင် စိတ်ဝင်စားသူအချို့ကို သင်ဥပေက္ခာပြုနေပေမည်။ စာအုပ်စာတမ်းလက်မခံသည့်အတွက် ဝိညာဏအားပေးမှုကို မရထိုက်ဟူ၍ လူတစ်ဦးအား တရားမစီရင်လိုပါ။ (ရောမ ၁၄:၄ နှိုင်းယှဉ်။) ကျွန်ုပ်တို့လည်ပတ်ပြီးနောက် အိမ်ရှင်သည် ကြားခဲ့သောစကားကို စဉ်းစားမိသူ၊ သို့မဟုတ် သူ့ထံရောက်လာခြင်းကို တန်ဖိုးထားသူဖြစ်ကောင်းဖြစ်မည်။ ပြန်လည်ပတ်သွားသည့်အခါ ပိုလက်ခံနားထောင်သူဖြစ်နိုင်ပေသည်။

^၃ အလုပ်များနေသူထံ ပြန်လည်ပတ်သွားသည့်အခါ ပြောနိုင်သည်ကား-

▪ “ပြန်တွေ့ရတာ ဝမ်းသာပါတယ်။ နောက်ဆုံးတွေ့ခဲ့တဲ့အချိန်မှာ အလုပ်များနေလို့ စကားပြောခွင့်မရခဲ့ဘူး။ ခင်ဗျားအတော်အလုပ်များတာကိုသိပါတယ်။ ဒါကြောင့် တိုတိုပဲပြောမယ်နော်။ ကိုယ်တိုင်နဲ့ ကိုယ်ချစ်ရတဲ့သူများရဲ့ ကျန်းမာရေးကို ခင်ဗျားစိုးရိမ်မိမယ်။ ဘုရားသခင်ဟာ ဖျားနာမှုရှိသမျှကို ရပ်စဲစေတော့မယ်လို့ ကတိပေးထားတာ ခင်ဗျားသိသလား။ တကယ်အံ့သြစရာကောင်းမယ်မဟုတ်လား။ [ဖြေဆိုပါစေ။] “ကြည့်ရှုလော့။ ငါသည် ခပ်သိမ်းသောအရာတို့ကို အသစ်ဖန်ဆင်းသည်” ဆိုတဲ့ ဒီဘရိုရှာရဲ့ အပိုဒ် ၄ မှာပါတဲ့အချက်ကို သတိပြုပါ။” အချိန်ရမည်ဆိုလျှင် အပိုဒ်ကိုဖတ်ပါ။ စာမျက်နှာ ၄ အောက်တွင်ပါ ကမ္ဘာသစ်၏အခြေအနေကိုဖော်ပြသော ကျမ်းချက်တစ်ချက်ကို သုံးသပ်ပါ။ အိမ်ရှင်လက်ခံပါက အိမ်တွင်းကျမ်းစာသင်အံမှု စတင်နိုင်ပေမည်။

^၄ ဝေစာလက်ခံထားသူတစ်ဦးထံ ပြန်လည်ပတ်သွားသည့်အခါ ဤသို့ပြောနိုင်မည်-

▪ “နောက်ဆုံးတစ်ခေါက်တွေ့တုန်းက Who Really Rules the World? [အင်္ဂလိပ်] ဘရိုရှာကို လက်ခံထားခဲ့တယ်။ ဒီကမ္ဘာကို စာတန်အစိုးရတယ်လို့ဆိုတာကိုများ လက်ခံဖို့ ခက်သလား။ [ဖြေဆိုပါစေ။] စာမျက်နှာ ၆ ပါပထမအပိုဒ်ကို သတိပြုပါ။” အပိုဒ်ကိုဖတ်ပြီးနောက် “ကျွန်တော်တို့ကို စာတန်ဘာကြောင့်လှည့်ဖြားချင်မယ်လို့ ထင်သလဲ။” အိမ်ရှင်ဖြေဆိုပြီးနောက် စာမျက်နှာ ၃ ပါစတုတ္ထအပိုဒ်ကို အတူတကွသုံးသပ်ပါ။ ထိုနောက် ဝေစာကို ဆက်၍အသေအချာလေ့လာနိုင်ပါသည်။ သို့မဟုတ် ဘုရားသခင်သည် ကျွန်ုပ်တို့အား အမှန်ပင် ဂရုစိုက်တော်မူသလောဘရိုရှာကို တင်ပြ၍ စာမျက်နှာ ၁၃ ပါအပိုဒ် ၈ ကို သုံးသပ်လိုပေမည်။

^၅ အပြုသဘောရှိပြီး ဟောပြောခြင်းလုပ်ငန်းတွင် တွေ့ဆုံသော အနည်းငယ် စိတ်ဝင်စားမှုပြသူထံပင် ပြန်လည်ပတ်သွားရန် ကောင်းပါသည်။ သူတစ်ပါးကို တကယ်ဂရုစိုက်ရန် အရေးကြီးသည်။ သမ္မာတရားကို သူတို့အားသိစေရန် ကူညီပေးလိုစိတ်ရှိသင့်သည်။ သူတစ်ပါးသည် သူတို့၏ ဝိညာဉ်ရေးဘက် လိုလျက်နေကြောင်းကို သိရှိစေရန် တင်ပြပေးခြင်းငှာ အကူအညီပေးသည့် စာပေများနှင့် အကြံပြုထားသော တင်ဆက်မှုများကို ယေဟောဝါအဖွဲ့အစည်း ပေးထားပါသည်။ ​—မ၊ ၅:၃။

^၆ အနည်းငယ်ပင်စိတ်ဝင်စားသူတစ်ဦးနှင့် စကားစမြည်ပြောဆိုခဲ့ရလျှင် ထိုစိတ်ဝင်စားမှုကို ပြုစုပျိုးထောင်ပေးရန် မပျက်မကွက်ပြန်လည်ပတ်ပါ။ ယင်းသို့ပြုခြင်းအားဖြင့် အိမ်တွင်းကျမ်းစာသင်အံမှုရပြီး အသက်လမ်းပေါ်တွင် သူ့အားရောက်လာစေနိုင်ပေမည်။ ဤအသက်ကယ်ဆယ်ရေးလုပ်ငန်းတွင် အသိစိတ်ရှိရှိ ဆက်ပါဝင်ကြရန် အားလုံးကို တိုက်တွန်းပေးပါသည်။​—၁ တိ၊ ၄:၁၆။