မဂ္ဂဇင်းများကိုအသုံးပြုခြင်းအားဖြင့် သူတစ်ပါးကို အကျိုးပြု

^၁ ကင်းမျှော်စင်နှင့် နိုးလော့နောက်ဆုံးထုတ်များကို ရရှိသည့်အတွက် မည်မျှဝမ်းသာကြရပါသည်တကား။ ယင်းတို့တွင်ပါသောအကြောင်းများမှ အကျိုးရရှိနိုင်ရန် အခွင့်အရေးရရချင်း တန်ဖိုးထား ဖတ်ကြပါသည်။ ကျွန်ုပ်တို့တစ်ဦးစီအား အကူအညီဖြစ်စေမည့်အကြောင်းများကို ရှာဖတ်သည့်အပြင် မဂ္ဂဇင်းများကို သူတစ်ပါးအားဝေငှရာတွင် အသုံးပြုနိုင်မည့်အချက်အလက်ကောင်းများကို ရှာဖွေထားခြင်းသည်လည်း ကောင်းပါသည်။ အသင်းတော်ရပ်ကွက်ရှိသူများအတွက် အထူးနှစ်သက်ဖွယ်ဖြစ်မည့်အချက်အလက်များကို မှတ်သားထားလိုပေမည်။ သို့မဟုတ် ပြောဆိုတင်ပြနိုင်သည့်အချက်များ၊ ဒေသခံအရပ်၌ ဆောင်းပါးတစ်ခုကို မည်သို့တင်ဆက်နိုင်ကြောင်း ကိုယ်တိုင်မှတ်မိနိုင်ရန်အတွက် စာကြောင်းဘေးတွင် အမှတ်အသားများ ပြုလုပ်ထားလိုပေမည်။

^၂ ကျွန်ုပ်တို့၏ဂျာနယ်များသည် ရေရှည်တန်ဖိုးရှိသည်။ နောက်ဆုံးထုတ်မဂ္ဂဇင်းများကိုတင်ဆက်ပုံကို အာရုံပြုလိုကြမည်ဖြစ်သော်လည်း ယခင်လထုတ်စာစောင်များကိုလည်း ပစ်ပယ်စရာမလိုပါ။ ယင်းတို့၌ပါသောအကြောင်းများသည် မသက်ဆိုင်တော့သည့်အကြောင်းများ မဟုတ်ပါ။ သက်သေခံသည့်အခါ အသုံးပြုနိုင်ရန် ယခင်လထုတ်စာစောင်များကို ဆောင်ထားပါ။ အိမ်ရှင်နှင့် အထူးသက်ဆိုင်သည့်အကြောင်းကို သိရှိလာသည့်အခါ ယင်းတို့သည် အထူးအသုံးဝင်လာပေမည်။ ယခင်လထုတ်မဂ္ဂဇင်းကိုဝေငှရာတွင် ယင်း၏တန်ဖိုးကိုဖော်ပြနိုင်ပါသည်။