ငြိမ်းချမ်းသော ဘုရားသခင့်နိုင်ငံတော်၌ စိတ်ဝင်စားမှု တိုးပွားစေပါ

^၁ ဖေဖော်ဝါရီလအတွင်း သင်သည် ကမ္ဘာ့ပရဒိသုအတွင်း ထာဝစဉ်အသက်ရှင်နိုင်သည် စာအုပ် (ရှိမည်ဆိုလျှင်၊ မရှိပါက ရှိသည့်စာအုပ်) ကိုဝေငှကြပါမည်။ စိတ်နှလုံးရိုးသားသူများသည် ဘုရားသခင့်နိုင်ငံတော်နှင့် ယင်းအားဖြင့် ဖြစ်မြောက်လာမည့်အရာတို့ကို တန်ဖိုးထားတတ်ရန် ကူညီပေးဖို့ ကျွန်ုပ်တို့ရည်မှန်းချက်ရှိသင့်သည်။ ထိုသို့အလိုငှာ သဘောထားမေးခွန်းများသည် အထောက်အကူပြုနိုင်ပါသည်။

^၂ ခင်ခင်မင်မင်နှုတ်ဆက်စကားပြောဆိုပြီးနောက် ဤသို့ပြောနိုင်ပေမည်–

▪ “အုပ်ချုပ်ရေးပိုင်းမှာ အံ့ဩစရာကောင်းတဲ့ အပြောင်းအလဲတွေ ကမ္ဘာချီဖြစ်ပျက်နေတယ်။ ငြိမ်းချမ်းရေးရဖို့ ပန်းတိုင်ကိုလည်း မကြာခဏပြောဆိုနေကြတယ်။ စစ်မှန်တဲ့ငြိမ်းချမ်းရေး ရနိုင်လိမ့်မယ်လို့ထင်သလား။ [ဖြေဆိုပါစေ။] ငြိမ်းချမ်းရေးရဖို့ အုပ်ချုပ်သူတွေ လုပ်ဆောင်လိမ့်မယ်လို့ လူအများ မျှော်လင့်နေကြပေမဲ့ ငြိမ်းချမ်းရေးရဖို့ ဆာလံ ၄၆:၉ မှာ ဘုရားသခင် ဘယ်လိုကတိပေးထားတယ်ဆိုတာ သတိပြုပါ။ [ဖတ်။] ဘုရားသခင့်စီရင်ချက်က ကမ္ဘာပေါ်မှာ ဘာအပြောင်းအလဲများ ဖြစ်စေမယ် ထင်သလဲ။ [အိမ်ရှင်၏တုံ့ပြန်မှုကို နားထောင်၍ ကမ္ဘာသစ်တွင် ငြိမ်းချမ်းသောအသက်တာ ဝေစာကို ပြပါ။] ဒီမှာဖော်ပြထားတဲ့အဖြစ်မျိုးကို မြင်ယောင်နိုင်သလား။” “ဘုရားရှင်၏ကမ္ဘာသစ်တွင်အသက်တာ” ခေါင်းစဉ်ငယ်အောက်ရှိအကြောင်းအရာကို သုံးသပ်ပါ။ အခြေအနေခွင့်ပြုမည်ဆိုလျှင် (အင်္ဂလိပ် သို့မဟုတ် တရုတ်စာတတ်ပါက) ကျိုးကြောင်းဆင်ခြင်ခြင်းစာအုပ်၊ စာမျက်နှာ ၂၂၇-၃၂ မှ ထပ်ဆင့်သိသင့်သောအကြောင်းအရာပါ “ဘုရားသခင့်နိုင်ငံတော်သည် အဘယ်အရာကိုပြီးမြောက်အောင်ဆောင်ရွက်မည်နည်း” မေးခွန်းအောက်ရှိအကြောင်းကို သုံးသပ်နိုင်ပါသည်။ ဆွေးနွေးခန်းကို ဤသို့မေးမြန်း၍ နိဂုံးချုပ်နိုင်မည်– “ဒီလိုအပြောင်းအလဲတွေကို ဘုရားသခင့်အစိုးရ လုပ်ပေးနိုင်မယ်ထင်သလား။” အိမ်ရှင်သည် စိတ်ဝင်စားမှုပြလျှင် ပြန်လည်ပတ်မှုပြုလုပ်ရန် စီစဉ်နိုင်ပါသည်။

^၃ သို့မဟုတ် ဤသို့ပြောဆိုနိုင်မည်–

▪ “ကျွန်တော်တို့နေ့တိုင်းရင်ဆိုင်နေရတဲ့ စိတ်ရှုပ်စရာပြဿနာတွေကြောင့် စိုးရိမ်ပူပန်နေကြရတယ်။ ဒီပြဿနာတွေကနေ လွတ်မြောက်ဖို့ မျှော်လင့်ချက်တစ်စုံတစ်ရာရှိမယ်လို့ ထင်သလား။ [ဖြေဆိုပါစေ။] ကျွန်တော်တို့ရဲ့ဘဝအခြေအနေကို ဘုရားဥပေက္ခာပြုတယ်လို့ တချို့ယူဆလိမ့်မယ်။ ဒါပေမဲ့ ဗျာဒိတ် ၂၁:၃၊ ၄ မှာ ဘယ်လိုကတိပေးထားတယ်ဆိုတာကို သတိပြုပါ။” ထိုအခန်းငယ်များကိုဖတ်ပါ။ ဤတွင် ထာဝစဉ်အသက်ရှင်စာအုပ်၊ နောက်ဆုံးထုတ်မဂ္ဂဇင်း သို့မဟုတ် ဤလောက ဆက်လက် တည်ရှိမည်လောဝေစာကို တင်ပြနိုင်သည်။ ဝေစာကိုပေးခဲ့မည်ဆိုလျှင် “ဤလောက၏အနာဂတ်” ဟူသည့်ခေါင်းစဉ် စာမျက်နှာ ၂ နှင့် ၃ အောက်ရှိအကြောင်းများကို သုံးသပ်ကြည့်နိုင်ပါသည်။ စိတ်ဝင်စားမှုပြလျှင် အခြားစာပေကိုဝေငှဖို့ သင်ဆုံးဖြတ်ပေမည်။ ဘုရားသခင်သည် ကျွန်ုပ်တို့အား အမှန်ပင် ဂရုစိုက်တော်မူသလောဘရိုရှာကို ဝေငှလျှင် ဤသို့မေးလိုပေမည်– “ဒုက္ခဆင်းရဲကို ဘုရားသခင် ဘာကြောင့် ခွင့်ပြုရတာလဲ။” ဘရိုရှာတွင် အပိုင်း ၆ ကိုညွှန်ပြ၍ နောက်တစ်ကြိမ်လည်ပတ်သည့်အခါ ယင်းကို ဆွေးနွေးမည်အကြောင်း စီစဉ်ပါ။

^၄ နောက်ဆုံးထုတ် မဂ္ဂဇင်းတစ်စောင်မှ သင်ရွေးချယ်ထားသည့် ဆောင်းပါးတစ်ခုပါအချက်တစ်ချက်ကို ဖော်ပြလိုပေမည်။

အိမ်ရှင် စိတ်ဝင်စားမည်ဆိုလျှင် ဤသို့ပြော၍ မဂ္ဂဇင်းကို ဝေငှပါ–

▪ “ဒီဆောင်းပါးက အဲ့ဒီအကြောင်းအရာကို အသေးစိတ်ဖော်ပြလိမ့်မယ်။ [ကြိုတင်ရွေးချယ်ထားသည့် ဝါကျတစ်ခုနှစ်ခု ဖတ်ပြပါ။] ဒီဆောင်းပါးထဲမှာ ခင်ဗျားနဲ့ ခင်ဗျားအိမ်ထောင်အတွက် အားရှိစရာ အခြားအကြောင်းတွေကိုလည်း ဖော်ပြထားတယ်။ ဒီအကြောင်းကို ခင်ဗျားစိတ်ဝင်စားပုံရှိတဲ့အတွက် ဒီစာစောင်နဲ့ တွဲဖက်မဂ္ဂဇင်းကို ၁၅ ကျပ်နဲ့ ယူထားစေချင်တယ်။”

^၅ လူသားတွေ့ကြုံနေရသည့် ပြဿနာများအတွက် အဖြေကို အဘယ်နေရာတွင်ရရှိနိုင်ခြင်းနှင့်စပ်လျဉ်း၍ ယနေ့ လူအများ စိတ်ရှုပ်ထွေးနေကြပါသည်။ အနာဂတ်အတွက်တောက်ပသော မျှော်လင့်ချက်အကြောင်း သူတို့အား ပြောဆိုခွင့်ရထားကြပါသည်။ (တ. ၁၇:၂၇) ထိုကြောင့် စစ်မှန်သောငြိမ်းချမ်းရေး၏ဇာစ်မြစ်၊ ဘုရားသခင့်နိုင်ငံတော်ကို လူတို့အာရုံပြုနိုင်ရန် ဝီရိယရှိရှိ ပြုလုပ်ဆောင်ရွက်ကြစို့။