အခြားသူများကိုသွန်သင်ရန် အရည်အချင်းပြည့်မီ၍ အသင့်ပြင်ဆင်ခံရ

၁ မောရှေသည် ယေဟောဝါ၏ကိုယ်စားလှယ်အဖြစ် ခန့်အပ်ခံရချိန်တွင် ဘုရားသခင့်နှုတ်ကပါဌ်တော်ကိုဖာရောအားကြေညာရန် အရည်အချင်းမပြည့်မီဟု ခံစားခဲ့ရသည်။ (ထွ. ၄:၁၀; ၆:၁၂) ယေရမိသည် ယေဟောဝါ၏ပရောဖက်အဖြစ်အမှုဆောင်နိုင်ရန် မိမိကိုယ်ကိုယုံကြည်စိတ်ချမှုမရှိကြောင်းဖော်ပြကာ မည်သို့ဟောပြောရမည်ကိုမိမိမသိကြောင်း ဘုရားသခင်အားလျှောက်ဆိုခဲ့သည်။ (ယေ. ၁:၆) အစပိုင်းတွင် ယုံကြည်စိတ်ချမှုမရှိသော်လည်း ထိုပရောဖက်နှစ်ဦးစလုံးသည် ယေဟောဝါအတွက် ကြောက်ရွံ့ ခြင်းကင်းသောသက်သေများအဖြစ် သက်သေထူခဲ့ကြသည်။ ဘုရားသခင်သည် သူတို့အား တတ်စွမ်းနိုင်သူများဖြစ်စေခဲ့သည်။

၂ ယနေ့၊ ကျွန်ုပ်တို့တွင် ယုံကြည်စိတ်ချမှုနှင့်ဓမ္မအမှုကိုပြီးမြောက်ကျေပွန်ရန် လိုအပ်ရာကိုရရှိထား၍ ယေဟောဝါကိုကျေးဇူးတင်ကြသည်။ (၂ ကော. ၃:၄၊ ၅; ၂ တိ. ၃:၁၇) လက်နက်ကိရိယာစုံသည့် အရည်အချင်းရှိစက်ပြင်တစ်ဦးကဲ့သို့ ကျွန်ုပ်တို့သည် ခန့်အပ်ခံရသည့်ဓမ္မအမှုကို ကျွမ်းကျင်စွာပြီးမြောက်ကျေပွန်ရန် တော်လျော်စွာပြင်ဆင်ပေးခြင်းခံရကြသည်။ ဇန်နဝါရီလတွင် အသင်းတော်၌ရှိကောင်းရှိမည့် ၁၉၈၄ ခုနှစ်မတိုင်မီကထုတ်ဝေခဲ့သော ၁၉၂-မျက်နှာရှိ မည်သည့်စာအုပ်ကိုမဆိုဝေငှနေကြပါမည်။ ဤဝိညာဏလက်နက်ကိရိယာများသည် အသစ်မဟုတ်သော်လည်း ယင်းတို့၏ကျမ်းစာအကြောင်းများသည် အသုံးဝင်ဆဲရှိပြီး သမ္မာတရားသိရှိလာရန် လူတို့အားကူညီပေးပါမည်။

^၃ ဘုရားသခင့်နှုတ်ကပါဌ်တော်၌စိတ်ဝင်စားမှုရှိလာရန် ပညာရေးနှင့်ဆိုင်သည့်အကြောင်းကို အသုံးပြုပေမည်။ သင် ဤသို့ပြောခြင်းဖြင့် အစပြုနိုင်သည်–

▪ “ယနေ့အချိန်မှာ အရည်အသွေးမြင့်မားတဲ့ပညာရေးအတွက် လိုအပ်ချက်ကို အလွန်အလေးထားကြပါတယ်။ မိတ်ဆွေအနေနဲ့ ဘဝမှာ ကြီးမားတဲ့ပျော်ရွှင်မှုနဲ့အောင်မြင်မှုကို အမှန်တကယ်ရရှိဖို့ ဘယ်လိုပညာရေးမျိုးကို လူတစ်ဦးလိုက်စားသင့်တယ်လို့ထင်ပါသလဲ။ [တုံ့ ပြန်မှုကိုစောင့်ပါ။] ဘုရားသခင့်အသိပညာကိုဆည်းပူးတဲ့သူတွေဟာ ထာဝရအကျိုးကျေးဇူးများကို ရနိုင်ပါတယ်။ [သုတ္တံ ၉:၁၀၊ ၁၁ ဖတ်။] ဒီလက်စွဲစာအုပ်ဟာ [သင်ဝေငှသည့်စာအုပ်၏ခေါင်းစဉ်ကိုဖော်ပြပါ] ကျမ်းစာကိုအခြေခံထားပါတယ်။ ထာဝရအသက်ကိုရရှိစေနိုင်တဲ့ အသိပညာရဲ့တစ်ခုတည်းသောဇာစ်မြစ်ကို ဖော်ပြပေးပါတယ်။” စာအုပ်ပါထူးခြားသောနမူနာတစ်ခုကို တင်ပြပါ။ စာအုပ်ကိုဝေငှပြီး ပြန်လည်ပတ်မှုပြုလုပ်ရန်စီစဉ်ပါ။ ပြန်လည်ပုံနှိပ်ရန်အလှူငွေကိုပြောပြပါ။

^၄ အရေးကြီးသည့်ကျမ်းစာပညာရေးအကြောင်း ဆွေးနွေးခဲ့သည့်အိမ်ရှင်ထံ ပြန်သွားသောအခါ သင်ဤသို့ပြောနိုင်သည်–

▪ “ပြီးခဲ့တဲ့အခေါက် အလည်လာတုန်းက သမ္မာကျမ်းစာကို ကျွန်တော်တို့ရဲ့ထာဝရအနာဂတ်ကို အာမခံပေးနိုင်တဲ့ပညာရေးရဲ့ ဇာစ်မြစ်ဖြစ်တယ်လို့ဆွေးနွေးခဲ့ကြတယ်။ မှန်ပါတယ်၊ ကျမ်းစာကနေ ကျွန်တော်တို့သိဖို့လိုတဲ့အရာတွေကို သင်ယူဖို့ ကြိုးစားရမယ်။ [သုတ္တံ ၂:၁-၅ ဖတ်။] လူများစွာဟာ ကျမ်းစာရဲ့တချို့အပိုင်းတွေကိုနားလည်ဖို့ အခက်တွေ့ ကြတယ်။ အခြေခံဖြစ်တဲ့ကျမ်းစာသွန်သင်ချက်တွေကို ပိုသိရှိလာအောင် လူတွေကိုကူညီပေးရာမှာ အကျယ်တဝင့်အသုံးပြုတဲ့နည်းတစ်ခုကို တိုတိုတုတ်တုတ်သရုပ်ပြချင်ပါတယ်။” ဝေထားခဲ့သည့်စာအုပ်ကိုအသုံးပြုပြီး သင့်လျော်သောအခန်းတစ်ခုကိုဖွင့်ကာ ကျမ်းစာသင်အံမှုကို တိုတုတ်စွာသရုပ်ပြပါ။ အိမ်ရှင်သည် မှန်မှန်သင်အံမှုလုပ်လိုပါက သင်အံမှုအကူအညီဖြစ်သည့် ထာဝရအသက်ရစေသောအသိပညာစာအုပ်ဖြင့် ပြန်လာမည့်အကြောင်း ရှင်းပြပါ။

^၅ ကမ္ဘာ့သန်းပေါင်းများစွာသောကလေးများ ဆင်းရဲဒုက္ခခံစားရခြင်းက လူများစွာကို ပူပင်သောကရောက်စေသည်။ ဤဖြစ်အင်အပေါ် ဘုရားသခင့်ရှုမြင်ပုံကိုသိရှိရန် ဤသို့ပြောခြင်းဖြင့် အိမ်ရှင်အား သင် ကူညီပေးနိုင်ကောင်းပေးနိုင်ပေမည်–

▪ “ကမ္ဘာတစ်ဝန်း ငတ်ပြတ်၊ ဖျားနာပြီး လျစ်လျူရှုခံရတဲ့ကလေးတွေအကြောင်း သတင်းမှတ်တမ်းတွေမှာ ခင်ဗျားတွေ့ရမှာသေချာပါတယ်။ စိုးရိမ်ပူပန်နေတဲ့အဖွဲ့အစည်းတွေဟာ အခြေအနေကို တိုးတက်ကောင်းမွန်အောင် ဘာကြောင့်မလုပ်ပေးနိုင်တာလဲ။ [တုံ့ ပြန်မှုကိုစောင့်ပါ။] လူသားတွေအတွက် အကောင်းဆုံးဖြစ်ဖို့ကိုသာ ဘုရားသခင်လိုလားပါတယ်။ သမ္မာကျမ်းစာမှာမှတ်တမ်းတင်ထားတဲ့ ကလေးနဲ့လူကြီးတွေအတွက် ကိုယ်တော့်ကတိတော်များကို သတိပြုပါ။ [ဗျာဒိတ် ၂၁:၄ ဖတ်။] ဒီစာအုပ်က [ခေါင်းစဉ်ကိုဖော်ပြ] ဆင်းရဲဒုက္ခတွေကို ဘုရားသခင်အဆုံးသတ်ပေးမယ့်ကမ္ဘာအကြောင်း အသေးစိတ်ရှင်းပြပါတယ်။” ဖြစ်နိုင်ပါက ပရဒိသုကိုပုံဖော်ထားသည့်ရုပ်ပုံတစ်ခုကို ဖွင့်ပြပြီးဆွေးနွေးပါ။ စာအုပ်ကိုဝေငှပြီး နောက်တစ်ကြိမ်လည်ပတ်မှုပြုရန် စီစဉ်ပါ။

^၆ ကလေးများဆင်းရဲဒုက္ခခံရခြင်းအကြောင်း ဦးဆုံးအကြိမ်တွင်ပြောခဲ့ပါက နောက်တစ်ကြိမ်ပြန်လည်ပတ်သွားသောအခါ ဤသို့ပြောခြင်းဖြင့်ဆက်ဆွေးနွေးနိုင်သည်–

▪ “မကြာခင်က ကျွန်တော်ရောက်ခဲ့တုန်းက အိမ်ထောင်ပြိုကွဲမှု၊ ငတ်ပြတ်မှု၊ ဖျားနာမှုနဲ့အကြမ်းဖက်မှုတွေကြောင့် ဆင်းရဲဒုက္ခခံစားရတဲ့ကလေးတွေရဲ့ ဖြစ်အင်နဲ့ပတ်သက်ပြီး စိုးရိမ်တယ်ဆိုတာခင်ဗျားပြောခဲ့တယ်။ ကလေးကောလူကြီးတွေပါ ဘယ်သူမှ ဖျားနာခြင်း၊ နာကျင်ခြင်း၊ သေခြင်း မခံစားရတော့မယ့်ကမ္ဘာအကြောင်း ကျမ်းစာမှာဖတ်ရတာ နှစ်သိမ့်မှုဖြစ်စေပါတယ်။ ဟေရှာယကျမ်းမှာပါတဲ့ပရောဖက်ပြုချက်တစ်ခုက မြေကြီးပေါ်မှာရရှိမယ့် သာ၍ကောင်းတဲ့အသက်တာကိုဖော်ပြပေးပါတယ်။” ဟေရှာယ ၆၅:၂၀-၂၅ ကိုဖတ်ပြီးဆွေးနွေးပါ။ နောက်ဆုံး အသိပညာစာအုပ်နှင့်ကျမ်းစာသင်ရန် ဦးတည်ပါ။

^၇ ဆုတောင်းခြင်းအလေ့အထသည် ဘာသာတရားကိုင်းရှိုင်းသူများအတွက် အစဉ်အလာဖြစ်သောကြောင့် ဤအကြောင်းပေါ်မူတည်ပြီး သင် ဤသို့စတင်ပြောဆိုနိုင်သည်–

▪ “ကျွန်တော်တို့ရဲ့အသက်တာတစ်ချိန်ချိန်မှာ ကျွန်တော်တို့အများစု တွေ့ ကြုံနေရတဲ့ပြဿနာတွေအတွက် အကူအညီရအောင် ဘုရားသခင်ထံဆုတောင်းဖို့ လှုံ့ဆော်ခံရကြပါတယ်။ ဒါပေမဲ့ လူများစွာက သူတို့ရဲ့ဆုတောင်းချက်ကို ဘုရားသခင်နားမညောင်းဘူးလို့ထင်ကြတယ်။ ငြိမ်းချမ်းရေးအတွက် လူရှေ့သူရှေ့ဆုတောင်းတဲ့ ဘာသာရေးခေါင်းဆောင်များတောင် နားညောင်းမခံရဘူးဆိုတာထင်ရှားပါတယ်။ ဘာကြောင့်အဲ့ဒီလိုပြောရသလဲဆိုရင် စစ်နဲ့အကြမ်းဖက်မှုတွေက လူသားတွေကိုဆက်ပြီးဒုက္ခပေးနေလို့ပါပဲ။ ဘုရားသခင်ဟာ ဆုတောင်းတာကို တကယ်ပဲနားညောင်းပါသလား။ နားညောင်းမယ်ဆိုရင် ဘာကြောင့် ဆုတောင်းချက်များစွာကို ဖြေကြားပေးပုံမပေါက်သလဲ။ [တုံ့ ပြန်မှုကိုစောင့်ပါ။] ဆာလံ ၁၄၅:၁၈ ကကျွန်တော်တို့ရဲ့ဆုတောင်းချက် ဖြေကြားခံရဖို့လိုအပ်ချက်ကို ရှင်းပြပေးပါတယ်။ [ကျမ်းချက်ဖတ်ပါ။] တစ်ခုကတော့ ဘုရားသခင်ထံတောင်းတဲ့ဆုတောင်းချက်ဟာ စိတ်ရင်းမှန်ပြီး ကိုယ်တော်ရဲ့နှုတ်ကပါဌ်တော်သမ္မာကျမ်းစာမှာပါတဲ့သမ္မာတရားနဲ့ညီရမယ်။” သင်ဝေငှမည့်စာအုပ်ကိုပြပြီး ဆုတောင်းခြင်း၏တန်ဖိုးအကြောင်း ပြောဆိုထားသည့်အရာကိုညွှန်ပြပါ။

^၈ ယခင်ဆွေးနွေးခဲ့သည့်ဆုတောင်းခြင်းအကြောင်း ဆက်ဆွေးနွေးသောအခါ ဤချဉ်းကပ်နည်းကိုသင်စမ်းကြည့်နိုင်သည်–

▪ “ဆုတောင်းခြင်းအကြောင်းပြောရတာပျော်ပါတယ်။ ဘာဆုတောင်းရမယ်ဆိုတာနဲ့ပတ်သက်ပြီး ယေရှုရဲ့သဘောထားတွေက အကူအညီဖြစ်စေတဲ့လမ်းညွှန်ဖြစ်တယ်ဆိုတာ ခင်ဗျားတွေ့ရပါလိမ့်မယ်။” မဿဲ ၆:၉၊ ၁၀ ကိုဖတ်ပြီး ယေရှု၏စံပြဆုပတ္ထနာတွင်ဖော်ပြထားသည့် အဓိကအလေးထားရာများကိုညွှန်ပြပါ။ အသိပညာစာအုပ်မှ အခန်း ၁၆၊ “ဘုရားသခင့်အပါးတော်သို့ ချဉ်းကပ်နည်း” ကိုပြပြီး အကြောင်းအရာလေ့လာပုံကို ပြသ၍ရမရမေးပါ။

^၉ ကျွန်ုပ်တို့သည် အခြားသူများအား ဘုရားသခင့်အသိပညာကိုဝေမျှသောအခါ “ထိုသို့ဆောင်ရွက်ရန် မည်သူတတ်စွမ်းသနည်း” ဟုကျွန်ုပ်တို့မေးကောင်းမေးပေမည်။ သမ္မာကျမ်းစာကဤသို့ဖြေကြားသည်– “ငါတို့ပင်တည်း။”—၂ ကော. ၂:၁၆၊ ၁၇၊ သမ။