သမ္မာကျမ်းစာ—လူသားတို့၏ ရှေးအကျဆုံး ခေတ်မီစာအုပ် အတွက် လေးမြတ်မှုကိုတည်ဆောက်ပေးခြင်း

အောက်ပါမေးခွန်းများက ဤဗီဒီယိုခွေကိုကြည့်သည့်အခါ သင်သတိပြုမိမည်ဖြစ်သည့်အချက်များကို ပေါ်လွင်စေမည်ဖြစ်သည်– (၁) မည်သည့်အချက်များက သမ္မာကျမ်းစာကို ပြိုင်ဘက်ကင်းသည့်အရာအဖြစ် ထူးခြားစေသနည်း။ (၂) သမ္မာကျမ်းစာသည် ရှေးကျသော်လည်း မျက်မှောက်ခေတ်သိပ္ပံပညာနှင့် ညီညွတ်မှုရှိပုံကို သင် ဥပမာတစ်ခုပေးနိုင်မည်လော။ (၃) ယနေ့ခေတ်သမ္မာကျမ်းစာသည် မူရင်းရေးသားချက်များမှပြောင်းလဲသွားခြင်းမရှိကြောင်း ကျွန်ုပ်တို့မည်သို့သေချာနိုင်သနည်း။ (၄) ရှေးကျသောကျမ်းစာလက်ရေးစာမူများ၏ ထူးခြားသည့် စာသားအသွင်တစ်ခုကား အဘယ်နည်း၊ ယင်းက သင်၌ အဘယ်ယုံကြည်စိတ်ချမှုမျိုး ဖြစ်ပေါ်စေသနည်း။ (၅) ဂျောန်ဝိကလစ်၊ ယိုဟန်စ်ဂူတင်ဘာ့ဂ်၊ ဝီလျံတင်ဒေး၊ မေရီဂျုံးစ်နှင့် ချားလ်စ် တေ့ဇ် ရပ်စယ်လ် တို့သည် မည်သည့်နည်းများဖြင့် ကမ္ဘာတစ်ဝန်းသို့ ဘုရားသခင့်နှုတ်ကပါဌ်တော်ကို ပျံ့နှံ့စေခဲ့သနည်း။ (၆) ချာ့ချ်သည် သမ္မာကျမ်းစာကို မည်သို့ပြင်းထန်စွာဆန့်ကျင်တိုက်ခိုက်ခဲ့သနည်း၊ သို့သော် အဘယ်အရာက ယင်းကို ကျွန်ုပ်တို့ခေတ်အထိ တည်ရှိစေနိုင်ခဲ့သနည်း။ (၇) ယေဟောဝါ၏အဖွဲ့အစည်းသည် သမ္မာကျမ်းစာကို မည်သည့်အတိုင်းအတာအထိ ဘာသာပြန်ထုတ်ဝေခဲ့ပြီနည်း။ (၈) သမ္မာကျမ်းစာ၏လက်တွေ့ကျအကြံဉာဏ်က လောင်းကစားသည့်ဉာဉ်ဆိုးရှိခြင်း (၁ တိ. ၆:၉၊ ၁၀)၊ လင်မယားခွဲနေခြင်းနှင့် သစ္စာမဲ့ခြင်း (၁ ကော. ၁၃:၄၊ ၅; ဧ. ၅:၂၈-၃၃) နှင့် ရုပ်ပစ္စည်းကြွယ်ဝရေး၌သာနစ်မြုပ်နေခြင်း (မ. ၁၆:၂၆) ဟူသောပြဿနာများကို ကိုင်တွယ်ဖြေရှင်းရန် လူတို့အား မည်သို့ကူညီပေးခဲ့ပြီနည်း။ (၉) ကျမ်းစာမူများကိုကျင့်သုံးခြင်းက ကမ္ဘာပေါ်ရှိ နိုင်ငံ၊ လူမျိုး၊ လူမျိုးစုမုန်းတီးစိတ်တို့ကို အောင်မြင်နိုင်ကြောင်း အဘယ်သာဓကရှိသနည်း။ (၁၀) ကျမ်းစာပါအကြောင်းအရာများကို သင်ယူသိရှိလာခြင်းက သင့်အား မည်သည့်နည်းများဖြင့် သာ၍ကြီးမားသည့်ပျော်ရွှင်မှုရရှိစေခဲ့သနည်း။ (၁၁) ဤဗီဒီယိုခွေမှ မည်သူတို့အကျိုးခံစားရမည်ဟု သင်ထင်သနည်း၊ ယင်းကို သူတို့ထံ သင် မည်သို့တင်ဆက်မည်နည်း။