ဦးဆုံးဟောပြောချိန်တွင် ကျမ်းစာသင်အံမှုကို သရုပ်ပြပါသလော

ကျမ်းစာသင်အံမှုကမ်းလှမ်းသောအခါ အိမ်ရှင်အချို့က စိတ်မဝင်စားကြောင်း သို့မဟုတ် မိမိတို့၏ချာ့ချ်တွင် ကျမ်းစာသင်ပေးကြောင်း ပြောကြသည်။ သူတို့သည် သူတို့ချာ့ချ်မှ ကျမ်းစာလေ့လာမှုပုံစံကိုသာ သိထားပြီး ကျမ်းစာသင်အံမှုမှ မည်မျှအသိပညာရရှိပြီး မည်မျှနှစ်သက်စရာကောင်းသည်ကို မသိခြင်းကြောင့်ဖြစ်သည်။ ထို့ကြောင့် ကျမ်းစာသင်အံမှုကမ်းလှမ်းရုံသာပြုမည့်အစား ဦးဆုံးဟောပြောချိန်၌ပင် ကျမ်းစာသင်အံမှုပြုလုပ်ပုံကို ပြသရန် မိနစ်အနည်းငယ်အချိန်ယူပါလေ။ ဥပမာ၊ သင်သည် အချက်အပြုတ်ကောင်းသူဖြစ်သည်၊ နောက်မှ စားစရာများယူလာပေးမည်ဟုသာ မပြောဘဲ ချက်ချင်း မြည်းစမ်းစေပါ။ ဇွန် ၂၀၀၈၊ ကျွန်ုပ်တို့၏နိုင်ငံတော်ဓမ္မအမှု၊ ကြားညှပ်မှအကြံပြုချက်တစ်ခုကို အခြေခံကာ မိနစ်အနည်းငယ်အတွင်း ကျမ်းစာသင်အံမှု ပြုလုပ်နိုင်ပုံကို ပြသပါ–

“ဒီစကားတွေပြည့်စုံလာမယ့်အချိန် ရောက်လာမယ်လို့ သင်ထင်သလား။ [ဟေရှာယ ၃၃:၂၄ ကိုဖတ်ပြီး တုံ့ပြန်မှုကိုစောင့်ပါ။] ဒီအကြောင်းနဲ့ပတ်သက်ပြီး စိတ်ဝင်စားစရာအချက်ကို ပြချင်တယ်။” အိမ်ရှင်အား သမ္မာကျမ်းစာသွန်သင်ရာ စာအုပ်ကိုပေးပြီး စာမျက်နှာ ၃၆ မှ အပိုဒ် ၂၂ ကိုညွှန်ပြပါ။ စာမျက်နှာအောက်ခြေရှိ မေးခွန်းကိုဖတ်ပြီး သင်အပိုဒ်ဖတ်နေစဉ် အဖြေရှာရန် အိမ်ရှင်အားပြောပါ။ ထို့နောက် မေးခွန်းကိုပြန်မေးပြီး အိမ်ရှင်၏မှတ်ချက်ကို နားထောင်ပါ။ နောက်ကျမ်းချက်တစ်ချက်ကို အတူဖတ်ပါ။ နောက်တစ်ကြိမ်လည်ပတ်သောအခါ ဖြေဆိုပေးမည့်မေးခွန်းတစ်ခုကိုမေးပြီး ပြန်လည်ပတ်ရန် အသေအချာစီစဉ်ပါ။ ကျမ်းစာသင်အံမှုတစ်ခုကို သင်စတင်ခဲ့ပြီဖြစ်သည်။