သမ္မာကျမ်းစာသတင်းတရား ဘရိုရှာကို အသုံးပြုနည်းတစ်နည်း

ကျွန်ုပ်တို့ရပ်ကွက်မှာရှိတဲ့လူများစွာ၊ အထူးသဖြင့် ခရစ်ယာန်ဘာသာဝင်မဟုတ်သူတွေဟာ သမ္မာကျမ်းစာနဲ့ အကျွမ်းတဝင်မရှိကြဘူး။ ဒီလိုလူတွေကို သမ္မာကျမ်းစာသွန်သင်ရာစာအုပ်နဲ့ ကျမ်းစာသင်ပေးတဲ့အခါ တချို့ကြေညာသူတွေက သင်သားတွေ သမ္မာကျမ်းစာတစ်အုပ်လုံးကို အကျဉ်းချုပ် သိရှိစေဖို့ သမ္မာကျမ်းစာသတင်းတရားဘရိုရှာကိုသုံးပြီး ကူညီပေးကြတယ်။ ဥပမာ၊ ညီအစ်ကိုတစ်ယောက်က သမ္မာကျမ်းစာသွန်သင်ရာစာအုပ်ရဲ့အခန်း ၃ ကိုဆွေးနွေးတဲ့အခါ ဘရိုရှာရဲ့ အပိုင်း ၁ ကိုအရင်ရှင်းပြတယ်။ အဲဒီနောက်ပိုင်းမှာ ကျမ်းစာသင်ပြီးတိုင်း ဘရိုရှာရဲ့အပိုင်းတစ်ပိုင်းကို ဆွေးနွေးကြတယ်။ သင်ကော ကျမ်းစာအကြောင်း နည်းနည်းပဲသိသူ ဒါမှမဟုတ် လုံးလုံးမသိတဲ့သူနဲ့ ကျမ်းစာလေ့လာနေသလား။ ‘ကယ်တင်ခြင်းရရန် ပညာရှိစေနိုင်သော သန့်ရှင်းသောကျမ်းဂန်များ’ ကို လေ့လာရာမှာ သင်သားအတွက် အထောက်အကူပြုဖို့ သမ္မာကျမ်းစာသွန်သင်ရာစာအုပ်နဲ့ သမ္မာကျမ်းစာသတင်းတရားဘရိုရှာကို တွဲဖက်အသုံးပြုပါ။—၂ တိ. ၃:၁၅။