သွန်သင်ခြင်းလုပ်ငန်းမှာ အဖွဲ့အစည်းထုတ် ဗီဒီယိုတွေကို အသုံးပြုပါ
ယေဟောဝါက အာဗြဟံနဲ့ ယေရမိကို အရေးကြီးတဲ့သတင်းတရား သိစေတဲ့အခါ ပြောပြရုံလောက်ပဲမဟုတ်ဘဲ သင်ထောက်ကူပစ္စည်းတွေကိုလည်း အသုံးပြုခဲ့တယ်။ (က. ၁၅:၅; ယေ. ၁၈:၁-၆) ကျမ်းစာအမှန်တရားကို ကျမ်းစာသင်သားတွေ နားလည်နိုင်ဖို့ အဖွဲ့အစည်းထုတ် ဗီဒီယိုလိုမျိုး သင်ထောက်ကူပစ္စည်းတွေ အသုံးပြုပြီး ကူညီပေးနိုင်တယ်။ ဘယ်အချိန်မှာ ဘယ်ဗီဒီယိုတွေကို ပြသနိုင်မလဲဆိုတာ အောက်မှာဖော်ပြထားပါတယ်။ သင်သားတွေက တစ်ယောက်နဲ့တစ်ယောက် မတူကြတဲ့အတွက် အောက်မှာဖော်ပြထားတဲ့ အကြံပြုချက်တွေက တစ်သမတ်တည်းလိုက်နာရမယ့် စည်းမျဉ်းတွေ မဟုတ်ပါဘူး။
သွန်သင်ရာစာအုပ်
◻ အခန်း ၁– အပိုဒ် ၁၇ ကို ဖတ်ပြီးတဲ့အခါ အံ့ဖွယ်ဖန်ဆင်းရာများက ဘုရားသခင့်ဘုန်းတော် ထင်ရှားစေကြ (အင်္ဂလိပ်) ဗီဒီယိုကို ကြည့်ပါ
◻ အခန်း ၂– အခန်းတစ်ခုလုံးကို ဖတ်ပြီးတဲ့အခါ သမ္မာကျမ်းစာ—လူသားတို့၏ ရှေးအကျဆုံး ခေတ်မီစာအုပ် ဗီဒီယိုကို ကြည့်ပါ
◻ အခန်း ၉– အပိုဒ် ၁၄ ကိုဖတ်ပြီးတဲ့အခါ ယေဟောဝါသက်သေများ—သတင်းကောင်းဟောပြောရန် ဖွဲ့စည်းထားခြင်း ဗီဒီယိုကို ကြည့်ပါ
◻ အခန်း ၁၄– အခန်းတစ်ခုလုံးကို ဖတ်ပြီးတဲ့အခါ သမ္မာကျမ်းစာ—သင့်အသက်တာ၌ ယင်း၏သြဇာတန်ခိုး ဗီဒီယိုကို ကြည့်ပါ
◻ အခန်း ၁၅– အပိုဒ် ၁၀ ကိုဖတ်ပြီးတဲ့အခါ ကျွန်ုပ်တို့၏ညီအစ်ကို အသင်းအပင်းတစ်ရပ်လုံး ဗီဒီယိုကို ကြည့်ပါ
“ဘုရားသခင့်မေတ္တာတော်” စာအုပ်
◻ အခန်း ၃– အပိုဒ် ၁၅ ကိုဖတ်ပြီးတဲ့အခါ လူငယ်များအမေး—မိတ်ဆွေစစ် မည်သို့ဖွဲ့နိုင်မည်နည်း (အင်္ဂလိပ်) ဗီဒီယိုကို ကြည့်ပါ
◻ အခန်း ၄– အခန်းတစ်ခုလုံးကို ဖတ်ပြီးတဲ့အခါ ယေဟောဝါ၏ အခွင့်အာဏာကို လေးစားပါ (အင်္ဂလိပ်) ဗီဒီယိုကို ကြည့်ပါ
◻ အခန်း ၇– အပိုဒ် ၁၂ ကိုဖတ်ပြီးတဲ့အခါ သွေး အလိုမရှိ—စိန်ခေါ်ချက်ကို ဆေးဝါးရင်ဆိုင် (အင်္ဂလိပ်) ဗီဒီယိုကို ကြည့်ပါ
◻ အခန်း ၉– အပိုဒ် ၆ ကိုဖတ်ပြီးတဲ့အခါ ကျွန်ုပ်တို့ခေတ်အတွက် သတိပေးပုံနမူနာများ (အင်္ဂလိပ်) ဗီဒီယိုကို ကြည့်ပါ
◻ အခန်း ၁၇– အခန်းတစ်ခုလုံးကို ဖတ်ပြီးတဲ့အခါ ‘အမြင်အားဖြင့်မဟုတ်ဘဲ ယုံကြည်ခြင်းအားဖြင့် လျှောက်လှမ်းနေလော့’ ဗီဒီယိုကို ကြည့်ပါ
သင့်ရဲ့သင်သား အကျိုးကျေးဇူးရရှိနိုင်မယ့် တခြားဗီဒီယိုတွေ ရှိသေးသလား။ ဥပမာ၊ သမ္မာကျမ်းစာရဲ့ တိကျမှုကို သံသယဝင်နေသူအတွက်ဆိုရင် သမ္မာကျမ်းစာ—တိကျသောသမိုင်း၊ စိတ်ချရသောပရောဖက်ပြုချက် ဗီဒီယိုက ကူညီပေးနိုင်ပါတယ်။ သင့်မှာ ကလေးသင်သားတွေ ရှိမယ်ဆိုရင် ယေဟောဝါရဲ့မိတ်ဆွေ ဖြစ်ပါ—နားထောင်၊ နာခံ၊ ကောင်းချီးစံ ကာတွန်းဗီဒီယိုကို ပြသပေးနိုင်ပါတယ်။ ဆန့်ကျင်မှုတွေ ကြုံနေရသူအတွက်ဆိုရင် စမ်းသပ်မှုများအောက် သစ္စာရှိ—ဆိုဗီယက်ပြည်ထောင်စုက ယေဟောဝါသက်သေများ (အင်္ဂလိပ်) ဒါမှမဟုတ် ယေဟောဝါသက်သေတို့ နာဇီထိုးနှက်မှုကို အခိုင်အမာရပ်တည် (အင်္ဂလိပ်) ဗီဒီယိုတွေကနေ အားပေးမှုရရှိပါလိမ့်မယ်။ လူငယ်တွေဆိုရင် ဘုရားသခင်အား ဂုဏ်တင်သော ပန်းတိုင်များကို မီအောင် လိုက်လော့ (အင်္ဂလိပ်) ဒါမှမဟုတ် လူငယ်များအမေး—ငါ့အသက်တာကို ဘယ်လိုအသုံးပြုမလဲ (အင်္ဂလိပ်) ဗီဒီယိုတွေကနေ အကျိုးရရှိနိုင်ပါတယ်။ ဗီဒီယိုကို သင်သားနဲ့အတူ ကြည့်ရမယ့်အချိန် ဒါမှမဟုတ် သူကြည့်ဖို့ ငှားပေးရမယ့်အချိန်ကို သတိရဖို့ သွန်သင်ရာနဲ့ “ဘုရားသခင့်မေတ္တာတော်” စာအုပ်တွေရဲ့ အပိုဒ်တွေမှာ မှတ်သားထားပါ။ ဗီဒီယိုအသစ် ထွက်လာတဲ့အခါ သင်သားရဲ့နှလုံးကို ထိမိဖို့ ဘယ်လိုအသုံးပြုရမလဲဆိုတာ စဉ်းစားပါ။—လု. ၂၄:၃၂။