အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—သွန်သင်ခြင်းမှာ ဗီဒီယိုတွေကို အသုံးပြုပါ

ဘာကြောင့်အရေးကြီး–

ဗီဒီယိုတွေဟာ အမြင်အာရုံနဲ့ အကြားအာရုံကို ဖမ်းစားနိုင်စွမ်းရှိတာမို့ လူတွေရဲ့စိတ်ကို ထိမိစေတယ်။ ဒါ့အပြင် စိတ်ဝင်စားလာအောင်၊ စိတ်ထဲစွဲမှတ်သွားအောင် လုပ်ဆောင်နိုင်စွမ်းရှိတယ်။ သွန်သင်ခြင်းမှာ သင်ထောက်ကူပစ္စည်းအသုံးပြုတဲ့ အကောင်းဆုံးစံနမူနာရှင်ကတော့ ယေဟောဝါဘုရားသခင်ပါပဲ။—တ. ၁၀:၉-၁၆; ဗျာ. ၁:၁။

ဘုရားသခင်မှာ နာမည်ရှိသလား၊ သမ္မာကျမ်းစာ အာဘော်ရှင်က ဘယ်သူလဲ၊ ကျမ်းစာက မှန်ကန်သလား ဗီဒီယိုတွေက သတင်းကောင်းဘရိုရှာရဲ့ အခန်း ၂ နဲ့ ၃ ကို ပိုနားလည်ဖို့ ထောက်ကူပေးတယ်။ ကျမ်းစာကို ဘာကြောင့် လေ့လာသင့်သလဲ၊ ကျမ်းစာလေ့လာမှုကို ဘယ်လိုလုပ်ကြသလဲ၊ နိုင်ငံတော်ခန်းမမှာ ဘာတွေလုပ်ဆောင်ကြသလဲ ဗီဒီယိုတွေကလည်း လူတစ်ဦးကို ကျမ်းစာလေ့လာချင်အောင်၊ အသင်းတော်စည်းဝေးတွေ တက်ချင်အောင် လှုံ့ဆော်ပေးတယ်။ ဒါ့အပြင် အဖွဲ့စည်းထုတ် တခြားဗီဒီယိုတွေကို ကျမ်းစာသင်အံမှုမှာ အသုံးပြုနိုင်ပါတယ်။ —km ၅/၁၃ ၃။

လုပ်ဆောင်နိုင်ပုံ–

• အိမ်ရှင်ကိုပြပေးချင်တဲ့ ဗီဒီယိုကို ကူးယူထားပါ

• မေးခွန်းတစ်ခု၊ နှစ်ခုလောက် ပြင်ဆင်ပါ၊ ကိုယ်မေးမယ့်မေးခွန်းတွေရဲ့အဖြေက ဗီဒီယိုမှာ ပါရှိရမယ်

• ဗီဒီယိုကို အတူတူကြည့်ပါ

• အဓိကအချက်တွေကို ဆွေးနွေးပါ

ကြိုးစားကြည့်ပါ–

• ဝေစာတစ်စောင်ရဲ့ နောက်ကျောကိုလှန်ပါ၊ ပြီးနောက် ကျမ်းစာကို ဘာကြောင့် လေ့လာသင့်သလဲ ဗီဒီယိုကို ညွှန်းပေးတဲ့ QR ကုတ်ဒ်ကို ပြပေးပါ

• ကျမ်းစာက မှန်ကန်သလား ဗီဒီယိုကို ဖွင့်ပြပါ၊ ပြီးနောက် သတင်းကောင်းဘရိုရှာဝေငှပြီး အခန်း ၃ ကို အလေးပေးပြောပါ