လရဲ့ ပထမဆုံးစနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစတင်ဖို့ အလေးပေးလုပ်ဆောင်ပါ

၂၀၁၁၊ မေလကစပြီး လရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစတင်ဖို့ ကြိုးစားပါလို့ ကြေညာသူတွေကို အားပေးခဲ့တယ်။ အဲဒီလိုလုပ်နိုင်ဖို့ လူထုအတွက် ကင်းမျှော်စင်မှာ “ကျမ်းစာမေးခွန်းတွေရဲ့အဖြေ” ဆိုတဲ့ ဆောင်းပါးကို လစဉ် ပြင်ဆင်ပေးခဲ့ပါတယ်။ ဒါကြောင့် လရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ လယ်ကွင်းစုဆုံမှုလုပ်တဲ့အခါ ကျမ်းစာသင်အံမှုစတင်နိုင်ဖို့ ဒီဆောင်းပါးကို ဘယ်လိုအသုံးပြုနိုင်မလဲဆိုတာ အလေးပေးဖော်ပြပြီး သရုပ်ပြတစ်ခု တင်ဆက်သင့်ပါတယ်။

လရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ လယ်ကွင်းတွေ့ဆုံမှုကို အုပ်စုလိုက်ခွဲပြီး လုပ်မလား၊ အုပ်စုတွေအားလုံးပေါင်းပြီး နိုင်ငံတော်ခန်းမမှာပဲဖြစ်ဖြစ် လုပ်မလားဆိုတာကို အကြီးအကဲတွေ ရွေးချယ်ဆုံးဖြတ်နိုင်ပါတယ်။ နိုင်ငံတော်ခန်းမတစ်ခုတည်းကို အသင်းတော်နှစ်ခု၊ သုံးခုလောက်က အသုံးပြုရတယ်ဆိုရင်တောင် ဘယ်အသင်းတော်ကမှ လယ်ကွင်းတွေ့ဆုံမှုကို စုပြီးလုပ်နိုင်ဖို့အတွက် ကျမ်းစာသင်အံမှုစတင်မယ့် ဒီအထူးနေ့ကို တခြားနေ့ ရွှေ့ဆိုင်းတာမျိုး မလုပ်သင့်ပါဘူး။