အမှုဆောင်လုပ်ငန်းမှာ jw.org ဝက်ဘ်ဆိုက်ကို အသုံးပြုပါ—“ယေဟောဝါရဲ့ မိတ်ဆွေဖြစ်ပါ”

jw.org ဝက်ဘ်ဆိုက်ရဲ့ “သမ္မာကျမ်းစာသွန်သင်ချက်များ” ဆိုတဲ့အပိုင်းမှာ ကလေးတွေအတွက် “ယေဟောဝါရဲ့ မိတ်ဆွေဖြစ်ပါ” ဆိုတဲ့ ကဏ္ဍတစ်ခုပါတယ်။ အဲဒီမှာ သီချင်းတွေ၊ ဗီဒီယိုတွေနဲ့ လုပ်ဆောင်စရာများကို တွေ့ရမယ်။ အမှုဆောင်လုပ်ငန်းမှာ ဒီအပိုင်းကို အသုံးပြုနေသလား။ ကလေးတွေရှိတဲ့ မိဘတစ်ယောက်နဲ့ ကျမ်းစာသင်နေတယ်ဆိုရင် သူ့ကို အဲဒီအပိုင်း ဖွင့်ပြပါ။ ဒါမှ ကျွန်ုပ်တို့ရဲ့ဝက်ဘ်ဆိုက်မှာပါတဲ့ တခြားအပိုင်းတွေကိုလည်း သူ ကြည့်ချင်လာမယ်။

ညီအစ်ကိုတစ်ဦးက အမျိုးသမီးတစ်ဦးကို နိုင်ငံတော်သတင်း နံပါတ် ၃၈ ဝေငှလိုက်တာနဲ့ ချက်ချင်း သူ ဖတ်တယ်။ သူ့ကလေးတွေကလည်း အဲဒီဝေစာကို စိတ်ဝင်တစားနဲ့ ဖတ်ကြတယ်။ ဒါနဲ့ အဲဒီညီအစ်ကိုက ဝေစာမှာပါတဲ့အကြောင်းအရာကို အတိုချုပ်ဆွေးနွေးပြီးတော့ ဝေစာရဲ့နောက်ကျောက ဝက်ဘ်ဆိုက်လိပ်စာကို ပြပေးလိုက်တယ်။ အမျိုးသမီးရဲ့ စိတ်ဝင်စားမှုကို တွေ့တဲ့အခါ ညီအစ်ကိုက သူနဲ့ သူ့ကလေးတွေကို ဖုန်းထဲကနေ အောင်အောင် ဗီဒီယိုတစ်ပုဒ်ကို ဖွင့်ပြလိုက်တယ်။

ညီအစ်မတစ်ယောက်က အလုပ်ဖော်ကလေးအမေကို ကျွန်ုပ်တို့ဝက်ဘ်ဆိုက်မှာပါတဲ့ မိသားစုအတွက် အကူအညီဆိုတဲ့အပိုင်းကို ပြောပြလိုက်တယ်။ သူက ကလေးတွေနဲ့အတူ jw.org ဝက်ဘ်ဆိုက်ကို ဖွင့်ကြည့်ကြတယ်။ နောက်ပိုင်းမှာ သူ့ကလေးတွေက “ယေဟောဝါရဲ့ မိတ်ဆွေဖြစ်ပါ” အပိုင်းမှာပါတဲ့ “တရားစကားတော်ကို ဟောပြောလော့” သီချင်းကို ဆိုနေကြတယ်လို့ ညီအစ်မကို ပြောပြတယ်။

jw.org ဝက်ဘ်ဆိုက်မှာပါတဲ့ အဲဒီအပိုင်းကို အကျွမ်းတဝင်ရှိအောင် လုပ်ပါ။ အဲဒီအပိုင်းမှာရှိတဲ့ ဗီဒီယို၊ သီချင်း၊ လုပ်ဆောင်စရာများထဲက တစ်ခုခုကို သင့်ဖုန်းထဲမှာ ကူးထည့်ထားပါ။ ဒါဆို အမှုဆောင်လုပ်ငန်းမှာ jw.org ဝက်ဘ်ဆိုက်ရဲ့ အဲဒီအပိုင်းကို အသုံးပြုဖို့ အသင့်ရှိနေပါလိမ့်မယ်။ သခင်ရဲ့အမှုတော်ကို ကြိုးစားလုပ်ဆောင်ဖို့ ဝက်ဘ်ဆိုက်ရဲ့ ဒီအပိုင်းက တကယ့်ကို အသုံးဝင်တယ်မဟုတ်လား။—တ. ၂၀:၁၉။