နမူနာတင်ဆက်နည်းများ

ကင်းမျှော်စင်

မေးခွန်း– ကျမ်းစာသာ ဘုရားဆီကလာတာဆိုရင် ဘယ်လောက်ပဲ ဖျက်ဆီးဖို့ကြိုးစားပါစေ ဆက်ရှင်သန်တည်တံ့နေရမယ် မဟုတ်လား။

ကျမ်းချက်– ဟေရှာ. ၄၀:၈

ဝေငှပုံ– ကျမ်းစာ ရှင်သန်တည်တံ့ခဲ့ပုံနဲ့ပတ်သက်ပြီး စိတ်ဝင်စားစရာအကြောင်းတွေကို ဒီဆောင်းပါးမှာ ဆွေးနွေးထားပါတယ်။

ကင်းမျှော်စင် (နောက်ကျောဖုံး)

မေးခွန်း– ဒီမေးခွန်းနဲ့ပတ်သက်ပြီး မိတ်ဆွေ ဘယ်လိုသဘောရသလဲ။ [စာမျက်နှာ ၁၆ က ပထမမေးခွန်းကို ဖတ်ပါ။] ဘာသာတရားဆိုတာ လူတွေ တီထွင်ဖန်တီးတဲ့အရာလို့ တချို့ယုံတယ်။ တချို့ကျတော့ ဘုရားက လူတွေ သူနဲ့ရင်းနှီးလာအောင် ဘာသာတရားကို အသုံးပြုတယ်လို့ ယူဆတယ်။ မိတ်ဆွေကော ဘယ်လိုထင်သလဲ။

ကျမ်းချက်– ယာ. ၁:၂၇

ဝေငှပုံ– ဒီအကြောင်းနဲ့ပတ်သက်ပြီး ဆောင်းပါးမှာ အသေးစိတ်ရှင်းပြထားတယ်။ ဒီအကြောင်းကို မိတ်ဆွေနဲ့ ထပ်ဆွေးနွေးချင်တယ်။ ပြန်လာလို့ရမလား။

လူမျိုးအပေါင်းအတွက် သတင်းကောင်း

မေးခွန်း– ကျမ်းစာကြိုဟောချက်တွေက သတင်းစာ၊ ဂျာနယ်တွေမှာဖတ်ရတဲ့ အကြောင်းအရာတွေနဲ့ တူနေတယ်လို့ တချို့ထင်ကြတယ်။ ကြိုဟောထားတဲ့အတိုင်း ဖြစ်ပျက်နေတာကို မြင်ဖူး၊ ကြားဖူးသလား။

ကျမ်းချက်– ၂ တိ. ၃:၁–၅

ဝေငှပုံ– အဲဒီကြိုဟောချက်တွေက ဘုရားစကားနားထောင်သူတွေအတွက် သတင်းကောင်း ဘာကြောင့်ဖြစ်တယ်ဆိုတာ ဒီစာစောင်မှာ ရှင်းပြထားတယ်။ [အခန်း ၁၊ မေးခွန်း ၂ ကိုအလေးပေးပြောပါ။]

ကိုယ်ပိုင်တင်ဆက်နည်းကို ချရေးပါ

နမူနာတွေကိုသုံးပြီး ကိုယ်ပိုင်တင်ဆက်နည်းတွေ ဖန်တီးပါ။