၂၀၂၃ ခုနှစ်ကို မျှော်လင့်ချက် ရှိစေတဲ့ အကြောင်းရင်း—ကျမ်းစာအဆိုက ဘာလဲ

၂၀၂၃ ခုနှစ် အစပြုတဲ့အခါ ကျွန်တော်တို့တွေ ကိုယ်တိုင်နဲ့ မိသားစုဝင်တွေအတွက် အကောင်းဆုံးတွေ ဖြစ်လာဖို့ မျှော်လင့်ကြတယ်။ အနာဂတ်နဲ့ပတ်သက်ပြီး ဘာကြောင့် အကောင်းမြင်စိတ် ထားနိုင်သလဲ။

ကျမ်းစာက မျှော်လင့်ချက်ပေး

လက်ရှိကြုံနေရတဲ့ ပြဿနာတွေဟာ ခေတ္တခဏသာဖြစ်ပြီး မကြာခင် ပြေလည်သွားမယ်ဆိုတဲ့ သတင်းကောင်း ကျမ်းစာမှာ ဖော်ပြထားတယ်။ “ကျမ်းစာမှာ . . . ရေးထားသမျှဟာ ကျွန်တော်တို့ကို သွန်သင်ဆုံးမဖို့ ဖြစ်တယ်။ . . . ကျမ်းစာက နှစ်သိမ့်မှုပေးတဲ့အတွက် မျှော်လင့်ချက်ရှိစေတယ်။”—ရောမ ၁၅:၄။

• ကျမ်းစာကတိစကားတွေအကြောင်း ပိုသိချင်ရင် “စစ်မှန်တဲ့ အနာဂတ် မျှော်လင့်ချက်” ဆိုတဲ့ ဆောင်းပါးကို ဖတ်ပါ။

လက်ရှိအချိန်မှာလည်း ကူညီပေးမယ့် မျှော်လင့်ချက်

ကျမ်းစာမျှော်လင့်ချက်ဟာ “ကျွန်တော်တို့အတွက် ကျောက်ဆူး” နဲ့တူတယ်။ (ဟီဘရူး ၆:၁၉) မျှော်လင့်ချက်က ဘဝကို တည်ငြိမ်စေတယ်၊ လက်ရှိပြဿနာတွေကို အောင်အောင်မြင်မြင် ဖြေရှင်းနိုင်ဖို့၊ အကောင်းမြင်စိတ်ရှိဖို့၊ တည်မြဲတဲ့ ပျော်ရွှင်မှုရစေဖို့ ကူညီပေးနိုင်တယ်။ ဥပမာ၊

• အရက်ဖြတ်ဖို့ ခက်နေသူတစ်ယောက်ကို ကျမ်းစာမျှော်လင့်ချက် ကူညီပေးခဲ့ပုံကို သိဖို့ ဘဝပုံစံအသစ် ကျွန်တော်ရရှိခဲ့ ဗီဒီယိုကို ကြည့်ပါ။

• ချစ်ရသူတစ်ဦး ဆုံးပါးသွားတဲ့အခါ ကျမ်းစာမျှော်လင့်ချက် ကူညီပေးနိုင်ပုံအကြောင်း သိဖို့ ဝမ်းနည်းပူဆွေးနေသူတွေအတွက် နှစ်သိမ့်မှု ဗီဒီယိုကို ကြည့်ပါ။

မျှော်လင့်ချက်ကို ခိုင်မာစေပါ

ကောင်းတာတွေ ဖြစ်လာဖို့ လူများစွာ မျှော်လင့်ပေမဲ့ မျှော်လင့်သလို တကယ်ဖြစ်လာမလား ဆိုတာကိုတော့ သေချာမသိကြဘူး။ ဒါပေမဲ့ ကျမ်းစာကတိတွေကတော့ သေချာပေါက် ဖြစ်လာမယ်။ ဘာကြောင့်လဲ။ ကျမ်းစာကတိစကားတွေဟာ “မုသာမသုံးတဲ့” ယေဟောဝါဘုရားa ဆီက ဖြစ်လို့ပါ။ (တိတု ၁:၂) ယေဟောဝါဘုရားတစ်ပါးတည်းကပဲ ပေးထားတဲ့ ကတိအားလုံးကို ပြည့်စေနိုင်တဲ့ အစွမ်းရှိတယ်။ ဘုရားက “အလိုရှိရာမှန်သမျှ လုပ်ဆောင်” နိုင်တယ်။—ဆာလံ ၁၃၅:၅၊ ၆။

ယုံကြည်စိတ်ချနိုင်တဲ့ ကျမ်းစာကတိတွေကနေ သင့်ကို အကျိုးရစေချင်ပါတယ်။ “တရားစကားတော်ကို . . . အသေအချာ ဆန်းစစ်” ခြင်းအားဖြင့် မျှော်လင့်ချက် ခိုင်မာစေနိုင်ပါတယ်။ (တမန်တော် ၁၇:၁၁) ကျွန်တော်တို့ရဲ့ အခမဲ့ကျမ်းစာလေ့လာမှု အစီအစဉ်မှာ ပါဝင်ကြည့်ပါ။ ၂၀၂၃ ခုနှစ်ကို မျှော်လင့်ချက်အပြည့်နဲ့ စတင်လိုက်ပါ။