စစ်ပွဲတွေကို ယေရှု ဆုံးခန်းတိုင်စေမယ်

ယေရှု မြေကြီးပေါ်ရှိတုန်းက လူတွေကို မေတ္တာပြတယ်။ လူသားတွေအတွက် မိမိအသက်ကို စွန့်တဲ့အထိ မေတ္တာပြခဲ့တာ။ (မဿဲ ၂၀:၂၈။ ယောဟန် ၁၅:၁၃) မကြာခင်မှာလည်း ယေရှုက ဘုရားနိုင်ငံတော်ဘုရင်အနေနဲ့ “မြေတစ်ခွင်လုံးမှာ စစ်မှုကို ငြိမ်းစေ” ခြင်းအားဖြင့် လူတွေကို မေတ္တာထပ်ပြပါမယ်။—ဆာလံ ၄၆:၉။

ယေရှု လုပ်ဆောင်ပေးမယ့်အရာအကြောင်း ကျမ်းစာ အခုလိုဆိုတယ်–

• “အော်ဟစ်အကူအညီတောင်းနေတဲ့ နွမ်းပါးသူတွေ၊ နိမ့်ကျသူတွေ၊ ကူကယ်ရာမဲ့သူတွေကို မင်းကြီး ကယ်တင်လိမ့်မယ်။ နိမ့်ကျသူတွေ၊ နွမ်းပါးသူတွေကို သနားလိမ့်မယ်။ ဆင်းရဲသားတွေရဲ့အသက်ကို ကယ်တင်လိမ့်မယ်။ သူတို့ကို ဖိနှိပ်မှုနဲ့ အကြမ်းဖက်မှုကနေ ကယ်တင်လိမ့်မယ်။”—ဆာလံ ၇၂:၁၂-၁၄။

ကျွန်တော်တို့အတွက် ယေရှု လုပ်ဆောင်ပေးခဲ့ရာတွေ၊ လုပ်ဆောင်ပေးမယ့်အရာတွေအားလုံးအတွက် ကျေးဇူးတင်ကြောင်း ဘယ်လိုပြနိုင်သလဲ။ တစ်နည်းကတော့ ယေရှု ဟောပြောခဲ့တဲ့ “ဘုရားသခင့်နိုင်ငံတော် သတင်းကောင်း” အကြောင်း ပိုသိအောင် လေ့လာခြင်းအားဖြင့်ပါ။ (လုကာ ၄:၄၃) “ဘုရားသခင့်နိုင်ငံတော်ဆိုတာ ဘာလဲ” ဆောင်းပါးကို ဖတ်ပါ။