ရာဇဝတ်မှုတွေကို ယေရှု အဆုံးတိုင်စေမယ်

ယေရှုကိုယ်တိုင် ရာဇဝတ်မှု၊ မတရားမှုတွေ ကြုံခဲ့ရလို့ အဲဒီလိုကြုံရသူတွေကို ကောင်းကောင်းကိုယ်ချင်းစာတယ်။ ယေရှုဟာ မဟုတ်မမှန် စွပ်စွဲခံရတယ်၊ မတရား ဖမ်းဆီးရိုက်နှက်ခံရတယ်၊ အပြစ်ရှိတယ်လို့ မှားယွင်းစွာ စီရင်ခံရပြီး ရက်စက်စွာ အသတ်ခံခဲ့ရတယ်။ မိမိမှာ အပြစ်မရှိပေမဲ့ “လူအများအတွက် ရွေးဖိုးအဖြစ် အသက်ကိုပေးဖို့” လိုလိုလားလား အနစ်နာခံခဲ့တယ်။ (မဿဲ ၂၀:၂၈။ ယောဟန် ၁၅:၁၃) အခုအချိန်မှာ ယေရှုဟာ ဘုရားသခင့်နိုင်ငံတော်ရဲ့ ဘုရင်ဖြစ်နေပြီ။ မကြာခင် မြေကြီးတစ်ခွင်မှာ ရာဇဝတ်မှုအားလုံးကို အပြီးပိုင်ဖယ်ရှားပေးပြီး တရားမျှတမှု ဆောင်ကြဉ်းပေးပါတော့မယ်။—ဟေရှာယ ၄၂:၃။

အဲဒီအချိန်ကျရင် ကမ္ဘာမြေရဲ့အခြေအနေ အခုလိုပြောင်းလဲသွားမယ်လို့ ကျမ်းစာဆိုတယ်–

• “မကြာခင် လူဆိုးတွေ လုံးဝ ရှိတော့မှာ မဟုတ်ဘူး။ သူတို့ရှိတတ်တဲ့နေရာမှာ သွားကြည့်ရင်တောင် ရှိကြတော့မှာ မဟုတ်ဘူး။ စိတ်နူးညံ့သူတွေကတော့ ကမ္ဘာမြေကို ပိုင်ဆိုင်ရလိမ့်မယ်။ များပြားလှတဲ့ ငြိမ်သက်ခြင်းကြောင့် ပျော်ရွှင်ကြည်နူးရလိမ့်မယ်။”—ဆာလံ ၃၇:၁၀၊ ၁၁။

ကျွန်တော်တို့အတွက် ယေရှု လုပ်ဆောင်ပေးခဲ့ရာတွေ၊ လုပ်ဆောင်ပေးမယ့်အရာတွေအားလုံးအတွက် ကျေးဇူးတင်ကြောင်း ဘယ်လိုပြနိုင်သလဲ။ တစ်နည်းကတော့ ယေရှု ဟောပြောခဲ့တဲ့ “ဘုရားသခင့်နိုင်ငံတော် သတင်းကောင်း” အကြောင်း ပိုသိအောင် လေ့လာခြင်းအားဖြင့်ပါ။ (လုကာ ၄:၄၃) “ဘုရားသခင့်နိုင်ငံတော်ဆိုတာ ဘာလဲ” ဆောင်းပါးကို ဖတ်ပါ။