အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—‘ဘုရားသခင့် မေတ္တာတော်၌ တည်နေကြလော့’ စာအုပ်သုံးပြီး နှလုံးထဲထိရောက်အောင် သင်ပေးပါ

ဘာကြောင့်အရေးကြီး– ယေဟောဝါ နှစ်သက်တဲ့နည်းအတိုင်း ဝတ်ပြုနိုင်ဖို့ ကိုယ်တော့်စံနှုန်းတွေကို သင်ယူပြီး လိုက်လျှောက်ရမယ်။ (ဟေရှာ. ၂:၃၊ ၄) သင်အံမှုအတွက် ဒုတိယမြောက်စာအုပ်ဖြစ်တဲ့ “မေတ္တာတော်” စာအုပ်က ကျမ်းစာမူတွေကို နေ့စဉ်အသက်တာမှာ ဘယ်လိုကျင့်သုံးရမယ်ဆိုတာ သိနားလည်ဖို့ သင်သားကို ကူညီပေးတယ်။ (ဟေဗြဲ ၅:၁၄) သူတို့ကို နှလုံးထဲထိရောက်အောင် ကြိုးစားသွန်သင်ပေးရမယ်။ ဒါမှ ပြုပြင်ပြောင်းလဲမှုလုပ်ဖို့ သူတို့ကို လှုံ့ဆော်ပေးနိုင်မယ်။—ရော. ၆:၁၇။

လုပ်ဆောင်နိုင်ပုံ–

• သင်သားရဲ့ လိုအပ်ရာကို စိတ်ထဲထားပြီး သေချာပြင်ဆင်ပါ။ ဒါ့အပြင် သဘောထားမေးခွန်းတွေကို လည်း ပြင်ဆင်ပါ။ အဲဒီမေးခွန်းတွေက အကြောင်းအရာအပေါ် သင်သားရဲ့ အမြင်နဲ့ ခံစားချက်ကို သိနိုင်အောင် ကူညီပေးပါလိမ့်မယ်။—သု. ၂၀:၅။ ဓမ္မအမှုစာအုပ် ၂၅၉

• ကျမ်းစာမူတွေကို ကျင့်သုံးတာက အကျိုးရှိမှန်း သင်သားနားလည်အောင် စာအုပ်မှာပါတဲ့ လေးထောင့်ကွက်တွေကို အသုံးပြုပါ

• အမှားအမှန်သိစိတ်နဲ့ဆိုင်တဲ့ ကိစ္စတွေမှာ ကျိုးကြောင်းဆင်ခြင်တတ်အောင် သင်သားကို ကူညီပေးပါ။ ဒါပေမဲ့ သူ့အတွက် ဆုံးဖြတ်ချက် မချပေးပါနဲ့။—ဂလ. ၆:၅

• ကျမ်းစာမူတချို့ကို ကျင့်သုံးဖို့ သင်သား လိုအပ်နေသလားဆိုတာ လိမ္မာပါးနပ်စွာ သိအောင်လုပ်ပါ။ ယေဟောဝါကို ချစ်တဲ့မေတ္တာအပေါ် အခြေခံပြီး ပြောင်းလဲမှုတွေလုပ်ဖို့ ကြင်ကြင်နာနာ အားပေးပါ။—သု. ၂၇:၁၁။ ယော. ၁၄:၃၁