Lhamel yamhitʼa matche lhomet

Heowa tahuyej Moisés: «Hoʼpe chenaj toj oiʼpe. Olesayenla oka leyes toj otiʼpe tuntey lhipey wet owʼenla amho». Moisés ihoʼpe chenajtso wet imalheʼpe 40 ifwalas wet 40 honatsi. Toj ihi lhiptso, Heowa ilesayen Diez leyes toj laha ihi toj itiʼpe dos tuntey lhipey wet hiwʼenho Moisés. Leyestso lhey Diez Mandamientos.

Toj tafwaytshi lewhay, israelitas iwo tesa toj imatitche toj Moisés iwom lhamel. Hop toj tamenej, toj lhamel ifwenho Aarón toja: «¡Olhamel owatla elh toj inuhyen nʼokwehen onʼayij! ¡Enlhi nʼohohen dios!». Aarón nichulho lhamel: «Chaj nʼoye oro toj amel lewʼen». Lham iwo tesa toj iwachuhati oro toj yenlhi estatua toj hate iwoye wʼasetaj. Wet wichi yok: «¡Wʼasetajna hope lhaka dios toj itompha pʼante namel toj natalho Egipto!». Lhamel iwo kajyaja wet iwo tesa toj nʼokwiyej wʼasetajtso toj oro. ¿Ha isitʼa tajtso? Matche, hop toj wichi pajche yome toj tajlhamet nʼokwihiyeja Heowa. Mat athana yamhitʼa matche laka promesa.

Heowa hiwʼen mʼak toj wichi iwoye wet ifwenho Moisés toja: «Nuhcha hoye wichi hop toj tachʼahuhitʼa nʼoye. Lhamel nʼokwiyej dios toj matichetʼa». Moisés inuhcha toj talhʼpe chenaj ichaj lhamche dos tuntey lhipey toj ihi lakweyey.

Toj Moisés tottʼaye lhamel, ilate wichi toj tachoywetha. Toj ichate lhamel, hiwʼen tʼat toj lhamel nʼokwiyej wet ilunej wʼasetaj toj oro. Moisés wuj toj lewak ihi, itat honhat dos tuntey lhipeytso wet wasiche. Wet ikelhtsi toj ihowhaye estatuatso wet iwasthi wet toj paj yʼatshane Aarón: «¿Atsi mʼak toj tamenej toj ikalh amhi wichina hopkhilak lhenlhi mʼakna toj hichʼatej toj niʼisa?». Aarón nichulho Moisés: «Ti kanhi awak, am letafwelej wichina. Iwatla dios, hop toj tamenej toj ochuma oro otatho itaj, wet inupha wʼasetajna». Aarón isitʼa pʼante toj iwoye tajtso. Moisés yapilʼpe chenaj wet tʼalhe Heowa che itayhat wichi letes.

Heowa itayhtej letes israelitas toj tʼuhlak tachʼahuye. Matche toj laha ihi toj lhamel tachʼahuye Heowa, wet Moisés hate, ¿matche mat?