NʼOCHUFWENYAJ 05
Hop Biblia hiwʼen Dios silotyaj toj tʼuhlak hiwʼen namhohen
Heowa hiwʼen namhohen Biblia toj hope nʼowʼayhat toj matche toj laha ihi toj 66 librofwas toj ihi. Mat nʼalej toj leyʼatshan ame: «¿Atsi elh toj talhe nʼolhomtes toj ihi Biblia?». Hopkhilak nachulho nʼoyʼatshanekna, natetshan mʼak toj tamenej toj Dios lesilotyaj kamaj iche ifwalasna.
1. Che hinʼul toj ilesayen pʼante Biblia, ¿atsi mʼak toj tamenej toj name toj talhe Dios?
Hop 40 hinʼul toj wʼenhahiche lechumtes, iche iyhaj toj hiwʼen mʼayek wet iyhaj toj hiwʼenhitʼa, lhamel ilesayen pʼante Biblia. Iwo tesa toj ilesayen pʼante toj nekchom 1513 toj Jesús kamaj neyahi honhat wet noj toj nʼolesayen toj nekchom 98. Toj malhyejtso talhe toj nʼowo tesa toj nʼolesayen pʼante 1.600 nekchomis toj tafwaytshi wet wʼakalh tʼat. Tej toj malhyejtso mʼak toj ihi Biblia tatayhitʼawek. ¿Chi malhyej (Ep hote) toj nʼokalhi tajtso? Hop toj talhe tʼat Dios (yahyen 1 Tesalonicenses 2:13). Hinʼulna ilesaynhitʼa pʼante letichunhayajay. Mat, «Dios laka Espíritu tä Tʼamajchet tä yämyenwethä profetas» (2 Pedro 1:21).a Dios ichumyenlhi laka espíritu toj inityenej hinʼul toj ilesayen pʼante letichunhayajay (2 Timoteo 3:16).
2. ¿Ha nilhokej wichi iwoyek isej Biblia?
«Nilhokej wichi tä ihonhatena, häp lhamel tä wʼenhache lhamejen lhäyʼe tä lhämtes wʼenhahiche» iwoyek isej nʼosilotyajay toj ihi Biblia (yahyen Apocalipsis 14:6). Dios tʼat toj tamenej toj iche wujpe nʼolhomtes toj wʼenhahiche toj ihi Biblia. Hope libro toj inuʼpe elh che hope toj nʼowo tradusiya. Wujpe wichi iwoyek ihanej mʼak toj Biblia yome, lhip at che hope toj ihi wok che wʼenhahiche lhomtes.
3. ¿Atsi mʼak toj iwoye pʼante Heowa toj tʼuye Biblia?
Lewhay toj nʼolesayen pʼante Biblia nʼochumyenlhi mʼayhay toj tʼunhitʼa. Malhyej itshatay tʼaj wok halʼoy toj nʼoyen lheya papiro. Mat wujpey hinʼul toj ihumin pʼante Biblia, lhamel itenla nʼolesaynhaytso wet tʼamajej toj yenlhi. Tej toj iche pʼante wujpe wichi toj lenʼohyajay ihi toj tʼuhlak itayhat, hate iche wichi toj lhaiwompe hopkhilak tʼuye Biblia. Heowa iwoye mʼak at che hope toj tahuy namejen wet ihichetʼa mʼak che inuhla. Biblia yok: «Häp lhaka Dios lhämet tatäyhitʼa pajlaʼtha tiyäjʼattsiy» (Isaías 40:8).
NATʼAYHETTSHI TOJ NALECHUFWENEJ
Natetshan iyhaj mʼayhay toj yome mʼak toj Dios iwoye pʼante toj ichumyenlhi laka espíritu hopkhilak hinʼul ilesayen Biblia. Hate natetshan mʼak toj iwoye toj tʼuye wet hopkhilak wichi iwoyek iyahyen.
4. Biblia ifwel namhohen elh toj lhenek
Yahin VIDEO. Che paj yahyen 2 Timoteo 3:16 wet ame mʼayhayna:
Che hinʼul pʼante toj ilesayen Biblia, ¿atsi mʼak toj tamenej toj nʼoyome toj hope Dios Lhomet?
¿Ha lematitche toj hope Dios letichunhayajay mʼak toj hinʼul ilesayen pʼante?
Hinʼu ilesayen carta, mat hope lewuk lhomtes, hop toj ifwenho lham mʼak toj is che ilesayen. Hate iwoye Biblia: hinʼul toj ilesayen pʼante, mat hope Dios lesilotyaj.
5. Biblia tafwayej wujpe mʼayhay toj niʼisa
Che Biblia talhe Dios tʼuhawetej tʼat che lham toj tʼuye. Wujpe lewhayis toj niyatey tʼuhlak itayhat hop Biblia. Hate iche iyhaj toj lhetekej religiones toj tʼuhitʼahlak nʼoyahyen. Tej toj iche letayhfwas toj ifwenho toj ilanla, iche iyhaj toj lhaiwompe Biblia. Hopkhilak natafwelej hinʼulna, yahin VIDEO wet ame mʼayhayna:
Toj lehanej toj iche pʼante wichi toj lhaiwompe hop Biblia, ¿ha lehuminchek leyahyen? ¿Atsi mʼak toj tamenej?
Yahyen Salmo 119:97 wet ame mʼayhayna:
¿Atsi mʼak toj tamenej toj wujpe wichi toj lhaiwompe, hopkhilak iwo tradusiya wet hiwʼenho wichi hop Biblia?
6. Libro toj wujpe wichi iwoyek hiwʼen
Talhe toj pajche Biblia hope libro toj lhayʼe lhip toj nʼowo tradusiya wet toj nʼowʼenho hop wichi. Yahyen Apóstoles Lhenhay 10:34, 35 wet ame mʼayhayna:
¿Atsi mʼak toj tamenej toj Dios tʼuhlak nʼotihi wujpe nʼolhomtes toj wʼenhahiche hop Lhomet, wet toj nʼothate lhipey iyhaj?
¿Atsi mʼak toj lhayʼe lhip toj leseltej toj talho Biblia?
Tatay lhimpaj wet
nilhokej
wichi toj iʼpe honhatna
hiwʼen tʼat Biblia toj itafwelche wet toj iwoyek iyahyen
Iche
3.000
nʼolhomet toj wʼenhahiche toj ihi,
lhipey wok imalhewek
5.000 millones
Toj ifwit tʼat toj nʼoyenlhi Biblias.
Hope tʼat libro toj inuʼpe hop iyhaj
IYHAJ WICHI YOME TOJA: «Biblia hope libro toj pajche toj hinʼul yenlhi».
¿Atsi mʼak toj am lhen atichunhayaja?
¿Atsi mʼak toj inʼalit toj Biblia hope Dios Lhomtes?
MʼAYHAY TOJ LETETSHANNE
Biblia hope tʼat Dios Lhomet, wet lham iwatlak nilhokej wichi iwoyek iyahyen.
Mʼayhay toj nalechufwenejne
¿Atsi mʼak toj hope toj «nilhokej Nʼolesaynhay tä ihi Lehi tälho tʼat Dios leyalh»?
Toj Biblia tafwayej wujpe mʼayhay toj niʼisa, ¿atsi mʼak toj leseltej? ¿Atsi mʼak toj lehumin toj nʼowo tradusiya wet toj nʼowʼenho wichi?
¿Atsi mʼak toj lelate toj lehanej wujpe mʼayhay toj Dios iwoye hopkhilak tahuy amej?
IWOYEK LEWʼEN IYHAJ MʼAYHAY:
Tafwelej Biblia laka historia: talhe nʼolesaynhay toj pajche pajtha nichate traducciones toj iche ifwalasna.
«Chi malhyej (Ep hote) toj ichat namehen hop Biblia» (¡Despertad!, noviembre toj 2007)
Yahyen chi malhyej (ep hote) toj Biblia tafwayej tres letayhfwas.
«Hop Biblia. Historia toj yome toj tafwayej tʼat mʼayhay» (La Atalaya, núm. 4 2016)
Yahin mʼak toj iwoyek iyej pʼante wichi toj kamaj tʼuhlak iwo tradusiya Biblia.
Iche wujpe copias wet traducciones toj talho Biblia. ¿Atsi mʼak toj tamenej toj am letʼekhaye toj nʼosilotyaj toj Dios yome nʼowohitʼa elha?
«¿Ha nʼowo elha mʼak toj ihi Biblia?» (Nʼochufwenyaj toj ihi jw.org)
a Nʼochufwenyaj 07 ikalelhat toj espíritu toj nʼotamajchet hope Dios lekhajyhayaj toj lham ichumyenlhi.