Religiones toj kamatachehen hichʼohyen Dios lhey

Che Dios hope nʼohumnhayaj wet religiones toj yomejlhi wet ichajlhi lhey, ¿atsi mʼak toj tamenej toj inuʼpe toj niʼisa mʼak toj lhamel iwoye? Mʼayhay toj lhamel iwoye inʼalit tʼat toj hopehen religiones toj kamatachehen. Toj ifwechʼenwetha wichi wet mʼak toj iwoye hichʼohyen hop Dios lhey. ¿Chi malhyej (Ep hote) toj lhamel iwoye tajtso? ¿Chi malhyej (Ep hote) toj Dios ilat lhame toj hiwʼen tajtso? Wet, ¿atsi mʼak toj iwohiyela?

1. ¿Chi malhyej (Ep hote) toj religiones lechufwenyajay hichʼohyen Dios lhey?

Hop religiones toj kamatachehen itiyej kanhi mʼak toj matche «wet tachuma mʼak tä kamatache» (Romanos 1:25). Malhyej toja, wujpe religiones toj kamatachehen ichufwenhiyejtʼa hop wichi Dios lhey. Mat, Biblia yome toj is che nachumyenlhi (Romanos 10:13, 14). Iche iyhaj toj lhetekej religiones yome toj, che iche nʼowitʼay, hope tʼat Dios toj lenechʼethayaj. Mat tajtso mathichetʼa. Dios lhamhitʼa toj tamenej toj iche mʼayhay toj niʼisahen (yahyen Santiago 1:13). Matche toj isitʼa toj nʼochufwenyajaytso tamenej toj wichi yikchʼoye Dios.

2. ¿Chi malhyej (Ep hote) toj mʼak toj lhamel iwoye hichʼohyen hop Dios lhey?

Religiones toj kamatachehen iwohiyetʼa mʼak toj is, lhamel hatehitʼa iwoye Heowa toj iwoyeje mʼak toj is wichi. Biblia yome toj «iskon lesukyajay yäk nichät puleye» (Apocalipsis 18:5). Siglos toj religiones toj kamatachehen lhayʼuytho políticos, lhaithatche nʼokaʼtshayajay, iwoye wet inuhitʼahla toj nʼolanhen wujpe wichi. Iche iyhaj toj lhetekej religionestso mʼak toj isis ilunej lhamel wet inityenej laka wichi hopkhilak tujlhache toj hiwʼen mʼayhayna. Mʼayhaytso toj lhamel iwoye inʼalit toj itafwnhiyejtʼa Dios. Hop toj tamenej toj iwohiyetʼak hope iyhaj toj Dios lakawos (yahyen 1 Juan 4:8).

3. ¿Atsi mʼak toj Dios ilate toj hiwʼen mʼak toj religiones toj kamatachehen iwoye?

Che am lehuminhitʼa mʼak toj religiones toj kamatachehen iwoye, ¡en atichunhayaja chi malhyej (ep hote) toj Heowa ilat lhame! Lham ihumnhen wichi mat itiyej lewakw hop iyhaj toj lhetekej religiones toj hichʼohyen lhey wet toj iwoyeje mʼak toj niʼisa hop wichi toj ihanwetha lhamel. Dios yome toj religiones toj kamatachehen nʼotayhthila wet wichi nemla hiwʼen (Apocalipsis 18:21). Tatay lhimpaj lham itayhthila nilhokej religionestso toj kamatachehen (Apocalipsis 18:8).

NATʼAYHETTSHI TOJ NALECHUFWENEJ

4. Dios tachumhitʼahla nilhokej religiones

Wujpe wichi imatitche toj nilhokej religiones wʼenhahiche lenʼayhay toj ihane Dios. Mat, ¿ha matche tajtso? Yahyen Mateo 7:13, 14 wet ame mʼayhayna:

• Malhyej toj Biblia yome, ¿chi malhyej (ep hote) nʼayij toj tiyaje hop nʼowʼatshancheyaj?

Yahin VIDEO wet ame mʼayhayna:

VIDEO: ¿Ha Dios tachumla wujpe religiones? (lhip) (3:23)

• ¿Ha Biblia yome toj Dios tachumla nilhokej religiones?

5. Hop religiones toj kamatachehen inʼalthitʼa Dios lehumnhayaj

Hop religiones wujpe lenʼayhay toj hichʼohyen hop Dios lhey wet mʼak toj lhayʼe lhip toj inʼalit tajtso hope toj lhaithatche nʼokaʼtshayajay. Hopkhilak lehanej, yahin VIDEO. Che paj ame mʼayhayna:

VIDEO: Mʼak toj iwoye Iglesias toj ihi Nʼokaʼtshayaj toj Wuj toj Segunda toj iche pʼante (2:22)

• ¿Atsi mʼak toj iwoye wujpe Iglesias taj pʼante ihi Nʼokaʼtshayaj toj Wuj toj Segunda toj iche pʼante?

• ¿Atsi mʼak toj am lhen atichunhayaja mʼak toj lhamel iwoye pʼante?

Yahyen Juan 13:34, 35 wet 17:16. Che paj ame mʼayhayna:

• ¿Atsi mʼak toj Heowa ilate lewhay toj hiwʼen toj religionesna lhaithatche hop nʼokaʼtshayajay?

• Hop religiones toj kamatachehen lhamel toj tamenej toj iche wujpe mʼayhay toj niʼisa wet inʼalthitʼa Dios lehumnhayaj. ¿Atsi mʼayhay toj am lewʼen toj inʼalit tʼat tajtso?

6. Dios tʼuhlak itompha wichi toj ihi religiones toj kamatachehen

Yahyen Apocalipsis 18:4a wet ame mʼayhayna:

• Dios tʼuhlak ifwayhat wichi toj religiones toj kamatachehen ifwenchʼenlhi lhamel. ¿Chi malhyej (Ep hote) atichunhayaj?

7. Yej leyej toj alechufwenej mʼak toj talhe Dios toj matche

¿Ha tʼuhawetej che lhen atichunhayaja toj Dios letes, toj religiones toj kamatachehen iwoye mʼayhay toj niʼisahen? En atichunhayaja che iche mamse toj tachʼahuhiyetʼa lajcha wok lako lefwonyajay, yikchʼoye lewʼet wet iwoye wujpe mʼayhay toj niʼisahen. Lajcha tachumhitʼahla mʼak toj lhos iwoye. ¿Ha is, che nen tesayej hop nʼojchatso toj lhos iwoye mʼak toj niʼisa?

• ¿Ha is, che nen tesayej Heowa mʼak toj religiones toj kamatachehen lhamel iwoye wet naleyej toj nalhaichufwenej mʼak toj talhe lham?

MʼAYHAY TOJ LETETSHANNE

Hop religiones toj kamatachehen hichʼohyen Dios lhey toj ihane lechufwenyajay wet mʼak toj lhayʼe lhip toj niʼisa toj lhamel iwoye. Tatay lhimpaj Dios itayhthila lhamel.

Mʼayhay toj nalechufwenejne

• ¿Chi malhyej (Ep hote) atichunhayaj toj letiyej mʼak toj religiones toj kamatachehen ichufwenej wichi wet mʼak toj lhamel iwoye?

• ¿Chi malhyej (Ep hote) Heowa letichunhayaj toj itiyej religiones toj kamatachehen?

• ¿Atsi mʼak toj Dios iwohiyela toj itiyej religiones toj kamatachehen?

IWOYEK LEWʼEN IYHAJ MʼAYHAY:

Iche dos mʼayhay toj tamenej toj wujpe religiones Dios ihuminhitʼa. Yahyen atsi toj hope.

«¿Ha nilhokej religiones ihan namwhaye Dios?» (Nʼochufwenyaj toj ihi jw.org)

¿Atsi mʼak toj tamenej toj Heowa iwatlak nanʼokwiyej lham toj nalhayʼe wichi iyhaj, wet tsʼilakhitʼa namel?

«¿Ha is che nʼoelh hiwʼen laka religión?» (Nʼochufwenyaj toj ihi jw.org)

Iche sacerdote toj iche mʼak toj ikachu toj talhe laka religión. Mat tajtso inuhitʼahla toj lhaichufwenej mʼak toj matche toj talhe Dios.

«Sacerdote toj yikchʼoye laka Iglesia» (¡Despertad!, febrero toj 2015)

Wujpe nekchomis, toj religiones yome mʼak toj kamatache toj talhe Dios wet ifwenho wichi toj lham hope elh toj itetshanhitʼa wichi wet hope elh toj fwitsaj. Tafwelej tres mʼayhayna toj kamatachehen.

«Nʼochufwenyajay toj kamatachehen tamenej toj natofwehla Dios» (La Atalaya, 1 toj noviembre toj 2013)