¿Atsi mʼayhay toj ihi pʼante yachuyajwʼet Edén?

Wujpe mʼayhay toj Dios hiwʼenho pʼante Adán wet Eva (Génesis 1:28).

Heowa yenlhi pʼante atsinha toj ichun, lhey Eva, wet hiwʼenho Adán hopkhilak lham yen lechʼefwaya (Génesis 2:21, 22).

Dios yenlhi pʼante Adán wet Eva wet newache mʼak toj niʼisa che iyej. Lhamel letichunhayajay wet tʼisanis ihichetʼa pʼante mʼak toj niʼisa che ihi.

Toj ihi pʼante yachuyajwʼet Edén, honhat lhip toj wuj toj isilataj, iche pʼante tewok, halʼoy wet tshatay. Hope pʼante honhat toj wʼatshan wet isilataj.

Heowa tahuyejpej wet ichufwenej pʼante mʼayhay lhamel. Chik lhamel tachʼahuye pʼante wet iwoye Dios lenechʼethayaj, iwoye pʼantek ihi honhat toj wʼatshan wet isilataj pajtha tiyajʼattsiy.

Tefwajni pʼante halʼo toj Dios nʼayejo che lhamel tuj lhay (Génesis 2:16, 17).

Dios ipayne lhamel tefwajni halʼo wet ifwenho pʼante Adán wet Eva: «Yej letufwa lhay. Tsi chik letufwla, letʼinla tʼat».

Tefwajni pʼante ángel toj tatayhla Dios. Angeltso toj fwitsaj hope Satanás, hop Ahottaj.

Satanás tʼuhitʼapʼantehlak lhamel tachʼahuye Heowa. Ichumyenlhi amlhataj wet ifwenho Eva toj yʼinhitʼala chik tuj halʼo lhatso. Hate ifwenho toj Eva hatehla iwoye Dios. ¡Matche toj kamatache tajtso! (Génesis 3:1-5).