N’OCHUFWENYAJ 4

Lhamel toj tachʼahuye pʼante Satanás, ¿atsi mʼak toj iyej pʼante?

Adán wet Eva tachʼahuhiyetʼa pʼante Dios toj malhyejtso yʼinhen pʼante (Génesis 3:6, 23).

Eva tuj halʼo lha toj Dios nʼayejo pʼante che tuj wet toj paj hiwʼenho Adán halʼo lhatso

Eva iwoye pʼante mʼak toj amlhataj yome wet tuj halʼo lha toj Dios nʼayejo che tuj. Toj paj, hiwʼenho Adán halʼo lhatso wet hate tuj pʼante.

Adán wet Eva yikchʼoye lewʼet toj yachuyajwʼet Edén

Tajtso toj lhamel iwoye isitʼa pʼante: hope nʼochʼisukyaj. Toj malhyejtso, Dios itiyej kanhi pʼante lhamel toj ihi honhat toj wʼatshan wet isilataj.

Adán wet Eva hichʼuthen wet yʼinhen pʼante

Toj paj mʼak toj lhamel ihi wet leles atha pʼante. Toj paj, hichʼuthen wet yʼinhen pʼante. Ihohiyetʼa pele wok lhip che hope, tajlhamet toj noj toj iche pʼante.

Wichi toj yʼinhen pʼante yapnho honhat mok wet iwohiyetʼa che iwoye mʼak che hope (Génesis 3:19).

Wichi toj wenhahiche lakeyis wet talhe ifwalas toj pajche pajtha ifwalasna

Nilhokej namel natalhe Adán wet Eva. Toj malhyejtso, hate nayʼinhen. Wichi toj yʼinhen nemhit hiwʼenche honhat, nemhit ilatche honhat wet iwohiyetʼa mʼak che hope (Eclesiastés 9:5, 10).

Atsinha lhutsa yʼil wet lewʼet lheley tafwchehcha

Heowa tʼuhitʼahlak wichi yʼinhen. Tatay lhimpaj lewhay wet ilayhthichehla wok yachajohla toj hiwʼenhomche nʼowʼatshancheyaj wichi toj pajche yʼinhen. Chik lhamel tachʼahuye Dios, yʼinhenhitʼala, ilayhichehla pajlaʼtha tiyajʼattsiy.