Lewak toj tamenej toj ilan lechʼinij

Toj tafwaytshi toj Adán wet Eva inukwepha toj talho yachuyajwʼet Edén, lhamel iwo lelesa. Lhos toj ichun pʼante lhey Caín, lechumet hope toj tutchey. Lhos elh, toj ihanpha Caín, lhey Abel, lechumet hope toj tʼuye tsonʼatas.

Iche ifwala toj Caín wet Abel iwo tʼawayhata Heowa. Heowa wuj toj ihumin pʼante Abel lewʼayhat, mat ihuminhitʼa Caín lewʼayhat. Hop toj tamenej toj Caín wuj toj lewak ihi, wet Heowa yok: «Che kamaj awak ihi, che paj lewohiyela mʼak toj isitʼa». Mat Caín tachʼahuhiyetʼa Heowa.

Caín ifwenho Abel: «Mah nek nʼokwe toj nahoye lhip elh». Toj lhamel ichate lhiptso, Caín ilan lechʼinij. ¿Atsi mʼak toj iwoye Heowa? Tʼalhe Caín che yikchʼoye lewʼet lheley, tajtso hope lewitʼay. Iwohiyetʼak tapile lhamel.

¿Atsi mʼak toj ichufwen namejen? Iwoyek lhawak ihi, che mʼayhay toj nahuminchek nawoye nakalhihitʼa. Che lhawak ihi, wok iyhaj ifwon namehen hop toj nʼal lhawak, is che nakelit tʼat toj nam is lhatichunhayaj, hopkhilak tamenhitʼa namejen.

Abel wuj pʼante toj ihumin Heowa wet wuj toj is lakey, Heowa ihichetʼala lewhay che hipʼethatla lham. Dios yachajiyela lewʼatshancheyaj lewhay che yam wʼatshan wet isilataj Honhat.