Am athahitʼa amtes

Mʼak toj Jesús iwoye pʼante

VIDEO: Jesús ichumyenlhi nʼotechʼaynek hopkhilak ikalelhat toj Heowa tʼu namehen

1. Yahin VIDEO wok yahyen Mateo 6:25-27. Che paj tetshan nʼoyʼatshanhayna:

1. ¿Atsi nʼotechʼaynek toj Jesús ichumyenlhi hopkhilak ikalelhat toj Heowa tʼu namehen?

2. Tej toj Jesús ihanej wujpe mʼayhay toj talhe afwenchey, ¿atsi mʼak toj tamenej toj tatshupiye tajtso hopkhilak nʼotafwelche mʼak toj yome? ¿Atsi mʼak toj tamenej toj is toj ichumyenlhi nʼotechʼaynektso?

¿Atsi mʼak toj ichufwen namejen mʼak toj Jesús iwoye pʼante?

2. Che lhalhomtes athahitʼa, wichi ihuseklachʼoye mʼak toj nʼochufwenej wet ichathiyela lehusek.

Tenla mʼak toj Jesús iwoye

3. Isitʼa che wuj toj lhomlhi. Yej kalelhtho achufwenek nilhokej mʼak toj am lehanej, mat tajlhamet tetshan mʼak toj libro yome. Che leyʼatshane mʼak, is che letataye toj ichulh amho. Mat, che achufwenek ihanhiyejtʼa lechulhyaj wok yome mʼak toj tatayhla Biblia lechufwenyaj iwoyek lhenlhi nʼoyʼatshanhay hopkhilak is alhoho letichunhayajay. Che achufwenek itafwelche mʼak toj letʼuhlak lechufwenej, tiyaje lhip elh.

4. Chumyenlhi mʼak toj achufwenek pajche ihanej hopkhilak tachʼote toj itafwelche nʼochufwenyajay toj nechʼayhis. Malhyej toja, che lewo tesa toj letetshan nʼochufwenyaj toj yome toj wichi yachajohla toj ilayhiche, iwoyek lhachajo toj letetshan ayej mʼak toj achufwenek pajche ihanej mʼak toj iyej wichi toj pajche yʼinhen.

5. Am is toj letshupiye nʼotechʼaynhay toj lechumyenhilhila. Che lechumyenhilhila nʼotechʼaynek, atshan ame:

1. «¿Ha hope nʼotechʼaynek toj athahitʼa?».

2. «¿Ha ochufwenek athahitʼa toj itafwelche?».

3. «¿Ha ochufwenek iwohiyelak ihusekchʼoye mʼak toj ochufwenej wet tsʼilakhitʼa nʼotechʼaynek toj ofwenho?».