¿Atsi mʼak toj nawoye hopkhilak Dios akajlhi?

Yej woye mʼak toj Dios nʼayiho (1 Corintios 6:9, 10).

Che nahumin Dios, nawohiyetʼala mʼak toj Lham nʼayiho.

Lham ihuminhitʼa toj nahopehen etantses, wʼoknhas wet toj nachumyenlhi drogas.

Dios nʼayiho elh toj ilanlhamhi lhos, hinʼu toj imayej hinʼu wok atsinha toj imayej atsinha wet elh toj ilan elh. Hate ihuminhitʼa toj nahumin chinaj tʼoj wet toj nahopehen nʼokaʼtshayajwos.

Isitʼa che nanʼokwiyej nʼocheyalis wok nawoye mʼak toj talhe hiyawul.

Wichi toj iwoye nilhokej mʼayhaytso, ilayhihichetʼala toj ihi honhat toj wʼatshan wet isilataj.

Woyeje mʼayhay toj isen iyhaj (Mateo 7:12).

Dios ihuminchek nakhajyenhen toj naten lakeyis.

Is che ahope elh toj is wet elh toj ninʼayayej mʼak toj hiwʼen. Tajtso inʼalit toj ahumnhayaj ihi.

Yej akantsaj.

Is che talho ahusek toj letayhat aelh letes.

Wo silotayej aiyhaj mʼak toj tolhe Heowa wet lechufwenyajay (Isaías 43:10).