Miaso ya Vuangana ye ku Kaniamesa

Paulu na Silase va sangazialele Njambi na miaso omo va kele mu kamenga. (Vili. 16:25) Na ku matangua ano, vamo vamuanetu navo vembile miaso ya Vuangana omo va kele mu kamenga ka ku Sachsenhausen ku Alemanha na ku Siberia. Malungano aa a muesa ngolo i ya kala nayo miaso mu ku simpisa na ku kaniamesa Vakua Kilistu vali na ku hita mu visoti.

Vuovuno livulu lia miaso li tuhuka mu malimi a engi lili na mutue “Imbilenu Yehova na Ndzolela.” Nga tua li tambula, tu hasa ku patekeya mezi a mu miaso linga tu pue na ku a hituluka-hituluka mu ku lemesa ca mu vusoko. (Efe. 5:19) Sipilitu santu i ka tu kuasa ku i vuluka nga tu ka hita mu vieseko. Miaso ya Vuangana i hasa ku tu kuasa ku tuala mana ku lulavelelo luetu. Miaso i hasa ku tu kaniamesa nga tu hita mu vieseko. Kaha cikuavo naua nga tuli na ku livua mua cili, mezi a mu miaso yaco a hasa ku tu hana ndzili ya ku ‘imba na ndzolela’ omo lia ku viukilila ca mitima yetu. (1Miz. 15:16; Visa. 33:1-3) Ngeci mukemuo, tu lingenu cose linga tu pangese vuino miaso yetu ya Vuangana.

TALENU VIDEO MUASO UA KANIAMESELE VAKUA KU FUITANGANA, KAHA KUMBULULENU VIHULA VI NA HATAKO:

• Vika via lingisile muanetu Frost ku soneka muaso?

• Vati muaso uaco ua kaniamesele vamuanetu mu kamenga ku Sachsenhausen?

• Mu visoti vika via tangua na tangua miaso ya Vuangana i hasa ku mi kaniamesa?

• Miaso ya Vuangana ika mu tonda ku patekeya?