Ku Simutuila mu Cindambo

Vati Filipu ua Lingile

VIDEO: Filipu ambuluila yala mukua Etiopia

1. Talenu VIDEO, ni tandenu Vilinga 8:30, 31. Kaha munima yaco hilulenu ha vihula vino:

1. Vati Filipu ua putukile ku simutuila?

2. Omo lia vika eyi ya puile njila ya cili ya ku putukilamo ku simutuila mu cindambo na ku longesa vusunga?

Vi tu Lilongesa Kuli Filipu

2. Nga tu simutuila na muntu mu cindambo, ca casi nendi a livue ku zituka na ku tava muzimbu uetu.

Kavenu Lungano lua Filipu

3. Puenu na ku Talesesa. Cifua ce ku monekelamo muntu na handekesi yendi ci hasa ku sololola via vingi. Vuno muntu ali na cizango ca ku simutuila nenu ni? Citava mu putuke mu ku mu lekesa vumo vusunga mu kuihula ngueni,“neni mu tantekeya ngecize . . . ?” Kati mu sindiye ku simutuila nga muntu kesi na cizango caco.

4. Kalenu na Lukakatela. Kati mu ivue ntsindiye ya ku longesa vusunga oho vene. Laveleleni linga mu uane vukovelelo vua cili mu cindambo. Halumo ci ka tondeka ku simutuila via vusunga ntsimbu yeka.

5. Puenu na ku Litombuesa. Ku simutuila cenu ci hasa ku aluluka ha ntsimbu ka mua lavelele. Ngeci uanenu vukovelelo vua ku simutuila via Mbimbiliya na muntu cipue nga ci tondeka ku simutuila ha vusunga vueka, kati vuze vu mua kele navuo mu visinganieka.