¿Kenijkatsa kuali titlanankilis?

Kema kuali titlanankiliaj ipan tlanechikoli tikinyolchikauaj toikniuaj (Ro 14:19). Nojkia techpaleuia tojuantij (Pr 15:23, 28). Yeka ma tijchiuakaj kampeka titlanankilisej ipan tlanechikoli maske sampatsi. Amo nochipa techiljuisej ma titlanankilikaj kema timomatlananasej, yeka moneki kuali ma timokualchijchiuakaj uan kiampa uelis miakpa timomatlananasej.

Kuali titlanankilisej tlaj . . .

• amo tijtekiuisej ouij tlajtoli, tlaj amo tlauel tiuejkauasej uan tlaj nochi kikuamachilisej tlen tikijtosej. Uelis titlanankilisej ipan se 30 segundos.

• tikixtomasej tlen tikijtosej uan amo san tijpouasej.

• amo tikompauisej tlen sekinok tlanankilijkej.

¿Tlake tijchiuasej tlaj tojuantij achtoui titlanankiliaj?

• Ma tijnankilikaj san tlen techtlajtlanijkej uan amo ma tiuejkauakaj.

¿Tlake tijchiuasej tlaj ya kinankilijkej nopa tlajtlanili?

• Ma tikijtokaj kenijkatsa tlen timomachtiaj mokixtijtok ipan se texto.

• Ma tikijtokaj kenijkatsa uelis techpaleuis ipan tonemilis.

• Ma tikixtomakaj kenijkatsa uelis tijchiuasej tlen timomachtiaj.

• Uelis tikijtosej kenijkatsa tlen sekinok kinpanotok techpaleuia ma tijkuamachilikaj nopa tlamachtili.