¿TONI UELIS TIKCHIUASKEJ KEMAN TEL TAPATIYOUA?
Amo xionmoteltekipacho
Kemansa amo ueli tikitaj keman tapatiyoua porin no techpankixtiliaj taxtauil kampa titetekitiliaj. Sayoj ke keman nochi ijsiujka tapatiyoua uan tein tiktanij amo ajsiok, xa peuas timoteltekipachoskej uan amo tikmatiskej toni tikchiuaskej. Uan nejon xa okachi ouij yeski keman moneki tikintekipanoskej tochankauan.
Amo teyi uelis tikchiuaskej para maj amo tapatiyoua, sayoj ke semi techpaleuis komo amo timoteltekipachouaj maski mopatas seki taman.
KEYEJ MONEKI
Keman amo timoteltekipachouaj keman peua tapatiyoua, techpaleuis tikchiuaskej seki taman kemej nejin:
Tiyolseujtoskej. Keman tiyolseujtokej okachi kuali titanemiliaj uan ueli tikixtaliaj seki taman tein techpaleuis maj kuali tietokan.
Kuali tikuiskej totomin. Xa amo tiknextijtoskiaj ke titamatinij komo amo tikixtauajok luz uan at uan sayoj tikauilchiuaj totomin.
Amo timotajtolteuiskej ika tomin iniuan tochankauan.
Tiknemiliskej toni uelis tikchiuaskej para kuali tinemiskej. Xa monekis tikpataskej seki taman tein tikixtalijkaj oso tein timomattoyaj tikouaskej.
TONI UELIS TIKONCHIUAS
Xikonpata tein monekis. Keman peua tapatiyoua, semi kuali maj tikixejekokan keniuj kuali tikuiskej tomin. Sekin kiauilouaj inintomin uan kinekij kipiaskej miak taman maski amo kinajsis, nejon kichiua maj motajyouiltikan. Xa tikonneki maj mochankauan kipiakan miak taman uan maj amo teyi kinpolo, sayoj ke sejse mochankauj okachi kipatiuitas komo tikintasojta, iuan tietok uan ininka timotekipachoua.
Komo tiknekij tikpiaskej miak taman, sayoj ke amo techajsi tomin para tikpiaskej, sayoj timotajyouiltiskej