Ompa Israel moteuijtokej iniuan akin ompaka kayomej | ¿Toni kijtoua Biblia?

Miakej kintekipachoua tein panos porin moteuijtokej akin kayomej Estados Unidos, Israel uan Irán. ¿Okachi motaouijkantalis uan no peuas moteuiskej de okseki altepemej? ¿Uelis tekiuanij kichiuaskej maj amo moteuikanok uan maj tiyolseujkanemikan?

Akin kimatij toni kijtojka Biblia ke mochiuas, xa kinemiliskej ke ika tein panotok ompa Israel iniuan okseki altepemej, ueliskia peuas neteuilis Armagedón, tein ika tajtoua amatajkuilol Apocalipsis.

¿Toni kijtoua Biblia?

¿Kichiuaskej tekiuanij maj amo moteuikanok ompa Israel iniuan akin okseko kayomej?

Biblia kijtoua: “Amo xitakuaujtamatikan iniuan ueyichiuanimej nion iuan okse takat, porin amo uelij temakixtiaj” (Salmo 146:3).

Amo tikmatij ox satepan tekiuanij kichiuaskej maj moyekkauakan kampa axkan moteuijtokej. Sayoj ke Biblia kijtoua ke nion akin, nion tekiuanij uelis kichiuaskej maj amo kanaj moteuikanok. Sayoj Dios uelis kichiuas “maj nion kanaj moteuikanok” (Salmo 46:9).

• Komo tikonneki tikonmatis okachi, xikonlero amaix Tanejmachtijkej tein motokaytia “Amo uejkaua amo kanaj moteuiskej nion takuejmolchiuaskej”.

Nejon tein moteuijtokej, ¿yejuaya tein kijtojka Biblia ke mochiuaskia?

Biblia kijtoua: “Nankikakiskej ke moteuijtokej uan nankimatiskej ke miakkan no moteuijtokej. [...] Porin akin nemij itech seki xolalmej moteuiskej iniuan akin nemij itech okseki xolalmej uan akin nemij itech se altepet iniuan akin nemij itech okse altepet” (Mateo 24:6, 7).

Nejon tein moteuijtokej ompa Israel iniuan okseki altepemej, kinextia ke “tamitiya tein mochiujtok itech taltikpak” uan kinextia ke tinentokej “itech tonalmej keman tatamitiya” (Mateo 24:3; 2 Timoteo 3:1). Nejon kinextia ke amo uejkaua Dios kichiuas maj amo kanaj moteuikanok uan kitamis okseki taman tein kichiua maj miakej tajyouikan.

• Komo tikonneki tikonmatis okachi, xikonlero tamachtilis “¿Toni kinextia ke tinentokej ‘itech tonalmej keman tatamitiya’?”.

¿Peuas Armagedón ompa Israel oso ompaka?

Biblia kijtoua: “Kinsentilijkej tekiuanij kampa motanotsa Armagedón itech tajtol hebreo” (Apocalipsis 16:16).

Neteuilis Armagedón amo kijtosneki ke ompa Israel oso ompaka, peuas moteuiskej tekiuanij de nikan taltikpak. Ta kijtosneki ke nochin tekiuanij de nikan taltikpak moteuiskej iuan Dios.

• Komo tikonneki tikonmatis okachi, xikonita tamachtilis “¿Ambeeski Armajedoni?”.

¿Toni techpaleuis maj tiyolseujtokan?

Biblia kijtoua: “Amo teyi ika ximoteltekipachokan, ta nochipa xikchiuakan netataujtil uan chikauak xiktataujtikan Dios maj namechixyekana itech tein yeski taman tein nankipanoskej uan nochipa xiktasojkamatilikan” (Filipenses 4:6).

Jehováa kineki maj tiktataujtikan maj techpaleui. Kemej Dios kitekipachoua tein tikpanouaj, kikaki keman tiktataujtiaj maj techpaleui maj tiyolseujtokan (1 Pedro 5:7). Uan techpaleuia keman technextilia keyej miakkan kisentokaj moteuiaj, keniuj kichiuas maj amo kanaj moteuikanok uan keniuj kitamis tajyouilis (Apocalipsis 21:3, 4).

• Para tikonmatis okachi keniuj Dios techpaleuia, xikonlero tamachtilis “¿Uelis nechyolseuis Biblia?”.