Miakkan semi tauaktok | ¿Toni kijtoua Biblia?

“Ompa China motematiltia ke semi chikauak tona uan eyi xiuitya semi tauaktok” (The Guardian, 7 de septiembre de 2022).
“Itech miak talmej ompa África moita ke kisentokas semi tauaktos. Ika nejin yeski makuil xiuitya” (Noticias ONU, 26 de agosto de 2022).
“Itech miak talmej ompa Europa tanejmachtijtokej ke ueliskia peuas semi tauakis kemej amo keman moitstoya xa itech 500 xiujmej” (BBC News, 23 de agosto de 2022).

Miakej taixmatinij kiixejekouaj ke ijkon kisentokas tauaktos oso okachi tauakis. ¿Uelis tikchiaskej maj amo ijkon kisentoka tauakto? ¿Toni kijtoua Biblia?

Tein Biblia kijtojka ke mochiuaskia

Yejua nejin tein Biblia kijtojka ke mochiuaskia itech totonaluan:

“Miakkan onkas mayan” (Lucas 21:11).

Miakpa, keman tauaki kichiua maj onka mayan. Uan nejon kichiua maj miakej tajyouikan uan maj momikilikan ijkon kemej kijtojka Biblia ke mochiuaskia (Apocalipsis 6:6, 8).

¿Keyej okachi miakkan tauaki?

Biblia kinextia se taman tein okachi kichiua maj ijkon timoajsikan. Kijtoua:

“Nion kinamiki takat akin nejnentok kiyekanas itaksalis” (Jeremías 10:23).

Nejin kijtosneki ke amo kuali kisa tein kichiua taltikpaknenkej komo kitemoua iselti moixyekanas. Uan moitani ke amo nochipa kuali taixejekoua uan nejon kichiua maj tasojti at uan maj tauaki.

Miakej tamatinij kijtouanij ke taltikpaknenkej kichiua miak taman tein kijtakoua taltikpak yejua ika peua eliuis tona uan miakkan semi tauaktok.
Uelis peuas tasojtis at tein semi moneki. ¿Keyej? Porin miakej kitemouaj ijsiujka kipiaskej tein kinekij oso kiixtaliaj kichiuaskej seki taman uan yejua ika tamij koujmej, onkak contaminación uan amo kuali mokui tein kipia taltikpak.

Sayoj ke Biblia kijtoua ke motayektalis.

¿Se tonal amo tauaktosok?

Biblia kijtoua ke Dios kiixtalijtok kichiuas maj amo tasojti at. ¿Keniuj kichiuas?

1. Dios kinixpolos “akin kiixpolojtokej taltikpak” (Apocalipsis 11:18). Kinixpolos akin amo yolkualmej uan xijxikuimej akin kijtakojtokej taltikpak uan kichiuaj maj tasojti at (2 Timoteo 3:1, 2).
2. “Itech talmej kampa tatonaluaktok tektos miak at” (Isaías 35:1, 6, 7). Dios kichiuas tein tapaleuis maj taselia kampa axkan semi tauaktok uan semi takualtsinkan yeski itech nochi taltikpak kampa onkas miak at.
3. “Amo tikaua maj moijtako taltikpak uan ijkon uelis motachiuas uan taonkas” (Salmo 65:9). Ika itatiochiualis Dios, nikan taltikpak semi mochiuas tein se kimajseuas uan at yeski chipauak.