Miakej semi momachiliaj ininselti: ¿toni techpaleuis maj amo ijkon timomachilikan?

• “Akin uejueykej, kemej tajko de akin nemij Estados Unidos kijtouaj ke momachiliaj ininselti, okachiok akin kipiaj 18 hasta 25 xiujmej” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

• “[Organización Mundial de la Salud] kitemaltij ke kiixtalij se Comisión sobre Conexión Social. Akin ompa pouij kiitaskej keniuj kinpaleuiskej oksekin maj amo momachilikan ininselti porin nejon se kokolis. No kiitaskej keniuj kinyololiniskej maj kitemokan kuali mouikaskej iniuan oksekin uan kiajsiskej toni semi tapaleuis itech nochi altepemej maj amo momachilikan ininselti” (Organización Mundial de la Salud, 15 de noviembre de 2023).

Biblia techyolmajxitia keniuj tiktemoskej kuali timouikaskej iniuan oksekin uan ijkon amo timomachiliskej toselti.

Nejin tein Biblia tayolmajxitia semi tapaleuia

Amo nochipa xikonchiua tein amo mitsonkaua xionyeto iniuan oksekin. Komo semi tikonkuitok redes sociales oso tikonchiua okseki taman kemej nejon, amo uelis tionyetos iniuan oksekin. Okachi kuali xikonchiua seki taman tein mitsonpaleuis xionyeto iniuan oksekin uan ijkon uelis kuali iniuan tionmouikas.

• Tein kijtoua Biblia: “Akin yekmelauj totasojikniuj nochipa techtasojta, uan mochiua kemej se tokniuj keman titajyouiaj” (Proverbios 17:17).

Xikontemo tiontepaleuis. Keman tikinpaleuiaj oksekin, kichiua maj kuali timouikakan iniuan uan no kichiua maj tiyolpakikan uan maj kuali timomachilikan.

• Tein kijtoua Biblia: “Okachi se yolpaki keman se kitemaka ke ijkuak temakaj” (Hechos 20:35).

Komo tikonneki tikonmatis okseki taman tein kijtoua Biblia tein tepaleuia maj kuali se mouika iniuan oksekin, xikontemo nikan kampa timoteixmatiltiaj.